Epsalme 39:1-13
Komuwiliki; Jedutun.*+ Eimbilo laDavid.
39 Onda ti: “Ohandi pashukile eenghatu dange,Opo ndi henuke okunyona nelaka lange.+
Ohandi yukifa okanya kange noshitomo,+Ofimbo omukolokoshi keshe e li moipafi yange.”
2 Kanda li ndi na sha shokutya, nonda li nda mwena;+Onda kala nda mwenena nokuli naasho shiwa,Ashike ouyehame wange owa li muhapu.*
3 Omutima wange owa li tau pi* meni lange.
Eshi nda li handi diladila,* omundilo owa kala wa tema.
Opo nee elaka lange ola popya la ti:
4 “Alikana! Jehova, kwafele nge ndi shiive kutya exulilo lange otali ka kala la tya ngahelipi,Nomuvalu womafiku ange,+Opo ndi dule okushiiva ouxupi wokukalamwenyo kwange.*
5 Oshoshili kutya, owa ninipika omafiku ange;*+Nokukalamwenyo kwange kaku fi sha moipafi yoye.+
Oshoshili kutya, omunhu keshe, nonande ota monika e li meameno, ke fi sha, ndele omufudo wongaho.+ (Sela)
6 Oshoshili kutya, omunhu keshe iha kalelele, ngaashi ashike omudidimbe.
Oha popyaapopya* oinima yongaho.
Oha ongele emona ehe shii kutya olyelye te ke li hafela.+
7 Akutu! Jehova, oshike vali handi dulu okuteelela?
Oove ashike elineekelo lange.
8 Amene nge komatauluko ange aeshe.+
Ino efa elai li ninge nge omudinwa.
9 Onda kala nda kanghwa;Kanda li handi dulu okumakula okanya kange,+Molwaashi oove wa ningifa osho shi ningwe.+
10 Kufa po oudjuu woye pwaame.
Onda loloka, molwaashi eke loye ola denga nge.
11 Omunhu oho mu pukulula nehandukilo omolwepuko laye;+Oho hanauna po oinima, oyo e lituvikilila, ngaashi onhwishi hai ningi.
Oshoshili, omunhu keshe ke fi sha, ndele omufudo wongaho.+ (Sela)
12 Alikana! Jehova, uda eilikano lange;Pwilikina, eshi handi ku lilile ekwafo.+
Ino lidimbika omahodi ange.
Osheshi ame omunailongo kwoove,+Omweendanandjila ta piti po,* ngaashi ashike ootatekulululwa aveshe.+
13 Ino tala nge nonyanya, opo ndi dule okukala nda hafa,Ofimbo inandi fya, noitandi kala po vali.”
