Epsalme 80:1-19
Komuwiliki; oli na okwiimbwa mongovela “Eengala.” Edimbulukifo. Epsalme laAsaf.+ Eimbilo.
80 Akutu! Omufita waIsrael, pwilikina,Ove ou to wilike Josef ngaashi oufita.+
Ove ou u li omutumba kolukalwapangelo kombada* yovakerubi,+Ouyelele woye nau minikile.*
2 Holola eenghono doye dineneMoipafi yaEfraim, yaBenjamin noyaManasse;+Ila, u tu xupife.+
3 Alikana! Kalunga, tu alulila vali eenghono;+Oshipala shoye nashi minikile kombada yetu, opo tu dule okuxupifwa.+
4 Jehova, Kalunga komatangakwaita, fiyo onaini to kala wa handuka* omolwomailikano oshiwana shoye?+
5 Oho va palula nomahodi onga omungome wavo,Noho va nwefa omahodi mahapu unene.
6 Owa efa ovashiinda shetu ve tu tangunine;Ovatondi vetu ohava kala tave tu sheke ngaashi va hala.+
7 Alikana! Kalunga komatangakwaita, tu alulila vali eenghono;Oshipala shoye nashi minikile kombada yetu, opo tu dule okuxupifwa.+
8 Owa kufa omundjebele+ muEgipiti.
Owa taataa mo oiwana, nowe u twika.+
9 Owe u longekidila onhele,Nowa ninga omidi, ndele tau yadifa oshilongo.+
10 Eemhunda oda li da tuvikwa komudidimbe wao,Nomisederi daKalunga okoitai yao.
11 Oitai yao oya ya fiyo okefuta,Nokutwiyuka kwayo fiyo okOmulonga.*+
12 Omolwashike wa ngumauna po omakuma omamanya oshikunino shomandjebele,+Opo keshe oo ta ende po a tone ko oiimati yao?+
13 Eemhinda otadi ke u lyataula,Noinamwenyo yomoixwa otai ka lya kuo.+
14 Akutu! Kalunga komatangakwaita, alikana, aluka.
Tala pedu okudja meulu, ndele to tu tale.
Omundjebele oo u fila oshisho,+
15 Oshitai* osho sha twikwa keke loye lokolulyo,+Nokutala omonamati oo* wa pameka omolwoye.+
16 Owa kewa po, ndele tau xwikwa po.+
Ova xula po kehanyeno loye.*
17 Eke loye nali yambidide omunhu oo e li keke loye lokolulyo,Omona womunhu, oo wa pameka omolwoye.+
18 Opo nee itatu ku pilamene.
Tu kaleka nomwenyo, opo tu ifane edina loye.
19 Alikana! Jehova, Kalunga komatangakwaita, tu alulila vali eenghono;Oshipala shoye nashi minikile kombada yetu, opo tu dule okuxupifwa.+
