Epsalme 5:1-12
Komuwiliki waNehilot.* Eimbilo laDavid.
5 Alikana! Jehova, pwilikina keendjovo dange;+Yandja elitulemo kekemo lange.
2 Yandja elitulemo, eshi handi ku lilile ekwafo,Alikana! Ohamba yange naKalunga kange, molwaashi ohandi ilikana kwoove.
3 Akutu! Jehova, oto ka uda ondaka yange efimbo longula;+Ohandi ke ku lombwela omalipulo ange efimbo longula,+ nokuteelela nelineekelo.
4 Osheshi ove ku fi Kalunga, oo ha hokwa oukolokoshi;+Kape na oo ha longo owii ta dulu okukala pwoove.+
5 Kape na omulinenepeki ta dulu okukala ofika koshipala shoye.
Ou tonde aveshe ovo have lihumbata nai;+
6 Oto ka hanauna po ovo hava popi oipupulu.+
Jehova oku tonde ovanhu ovo ve hole elongifo leenghono novakengeleledi.*+
7 Ashike ame ohandi ke uya meumbo loye+ omolwohole yoye inene i na oudiinini;+Ohandi ke linyongamena nda taalela kotembeli* yoye iyapuki noku ku tila nefimaneko.+
8 Alikana! Jehova, wilike nge mouyuki woye omolwovatondi vange;Lalakanifile nge ondjila yoye.+
9 Osheshi kape na sha osho hava popi tashi dulu okulineekelwa;Muvo kamu na sha, omu na ashike outondwe;Ominino davo odo ombila ya yeuluka;Ohava mbweenga nelaka lavo.*+
10 Ashike Kalunga ota ka popya kutya ove na etimba;Eemhangela davo vene otadi ke va hanaunifa po.+
Nava taataelweshi omolwomatauluko avo mahapu,Osheshi ove ku tukululila oshibofa.
11 Ashike ovo tava kongo eameno mwoove otava kala va hafa;+Otava kala alushe va nyakukwa.
Oto va amene,Naavo ve hole edina loye otava kala va hafa omolwoye.
12 Osheshi ove, Akutu! Jehova, oto nangeke noupuna keshe oo omuyuki;Oto kala we va hokwa noku va amena ngaashi oshikelelifo sha kula.+
Omashangelo opedu
^ Tala Omafatululo oitya.
^ Ile “omunhu oo ha tileshi ohonde nomukengeleledi.”
^ Ile “konhele iyapuki.”
^ Ile “Ohava longifa elaka li na omufenu.”
