Epsalme 2:1-12
2 Omolwashike oiwana ya handuka,Novanhu tava ngongota* omolwoshinima shongaho?+
2 Eehamba dokombada yedu oda fikama,Nomalenga okwa ongala pamwe,* ve limanga oukuni kumwe,+Va lwife Jehova nomuvaekwa waye.*+
3 Ova ti: “Natu tokole mo omalyenge avo,Nokukupulashi eengodi davo.”
4 Oo e li kolukalwapangelo meulu ota ka yola;Jehova ote ke va sheka.
5 Pefimbo opo, ota ka popya navo a handuka,Noku va tilifa nehandu laye linene,
6 Ta ti: “Aame mwene nda nangeka po ohamba yange+MuSion,+ omhunda yange iyapuki.”
7 Ohandi shiivifa osho Jehova a popya;Okwa lombwela nge a ti: “Ove omona wange;+Nena onda ninga xo.+
8 Indile nge, nohandi ke ku pa oiwana i li efyuululo loye,Nominghulo dedu di li emona loye.+
9 Oto ke i teyaula nodibopangelo yoshivela shilaula,+Noto ke i nyanyaula ngaashi oshiyuma shedu.”+
10 Onghee paife, nye eehamba, katukeni pandunge;Nye ovapangeli vokombada yedu, tambulei ko epukululo.*
11 Longeleni Jehova mu na etilofimaneko,Hafeni nokukakama.
12 Fimanekeni* omona,+ ngeenge hasho, Kalunga* ota ka handuka,Notamu ka xula po mondjila,+Osheshi Oha handuka diva.
Ovo tava kala va hafa ovanhu aveshe ovo tava kongo eameno muYe.
