Epsalme 108:1-13
Eimbilo. Epsalme laDavid.
108 Akutu! Kalunga, omutima wange owa pamenena.
Ohandi imbi nokushika omusika nounhu wange aushe.*+
2 Oshishikomwa sheengodi, penduka; naave yo okaxumbafeta.+
Ohandi pendula etendo leluwa.
3 Akutu! Jehova, ohandi ku tange mokati kovanhu,Nohandi ku imbile omaimbilohambelelo* mokati koiwana.
4 Osheshi ohole yoye i na oudiinini oinene, i li pombada ngaashi eulu,+Noudiinini woye owa twa mewangadjo.
5 Akutu! Kalunga, tumbalekwa kombada yeulu;Efimano loye nali kale kombada yedu alishe.+
6 Opo ovo u hole va dule okwaamenwa,Tu xupifa neke loye lokolulyo, nokunyamukula nge.+
7 Kalunga okwa popya mouyapuki waye* a ti:
“Ohandi hafe; ohandi yandje Sekem+ e li efyuululo,Nohandi tende ko Efilu laSukkot.+
8 Gilead+ oshange, ngaashi ashike Manasse,Na Efraim embale* lokomutwe wange;+Juda odibopangelo yange.+
9 Moab oshiyaxa shange shokulikoshela.+
Ohandi ka kupula eenghaku dange muEdom.+
Ohandi ka ingida nehafo muFilistia omolwefindano.”+
10 Olyelye ta eta nge koshilando sha dingililwa komakuma a pama?
Olyelye ta twala nge kokule kuEdom?+
11 Akutu! Kalunga, mbela haave ou we tu efa po,Kalunga ketu, ou iho i vali pamwe nomatangakwaita etu?+
12 Tu kwafela moudjuu wetu,+Osheshi exupifo lovanhu olongaho.+
13 Ohatu ka mona eenghono omolwaKalunga,+Nota ka lyataula ovatondi vetu.+
