Epsalme 40:1-17
Komuwiliki. Epsalme laDavid. Eimbilo.
40 Onda kala shili nde lineekela* muJehova,Nokwa pakalekela nge okutwi kwaye,* nokwa uda nge, eshi handi mu lilile ekwafo.+
2 Okwa kufa nge melambo tali popoma omeva,Monhata i na omufenu.
Nokwa kaleka ofika eemhadi dange kemanya;Okwa ningifa nge ndi ende nda pama pedu.
3 Opo nee okwa tula eimbilo lipe mokanya kange;+Kalunga ketu na tangwe.
Vahapu otava tale va kumwa,Nokutula elineekelo lavo muJehova.
4 Omunhu oo ta kala a hafa, oye oo e lineekela muJehova,Noiha kongo ekwafo komunashibofa, ile kwaavo ve na oipupulu.
5 Owa ninga oinima i fike peni,Akutu! Jehova, Kalunga kange!Oinenelonga yoye nosho yo omadiladilo oo we tu diladilila.+
Kape na osho tashi dulu okuyelekwa naave;+Ngeno ondi kendabale oku i hokolola nokupopya kombinga yayo,Otai ka kala ihapu neenghono oku i hokolola.+
6 Ino hokwa* omayambo neeshali,+Ashike owa fitulula omatwi ange a ude ko.+
Ino pula omaxwikiloyambo nomatimbayambo.+
7 Opo nee onda ti: “Tala, onde uya.
Momushangwatonywa* omwa shangwa shi na sha naame.+
8 Akutu! Kalunga kange, okulonga ehalo loye osho tashi hafifa nge,*+Nomhango yoye oi li mokule meni lange.+
9 Ohandi shiivifa onghundana iwa youyuki meongalo linene.+
Tala! Ihandi kelele omilungu dange,+Ngaashi u shi shii nawa, Akutu! Jehova.
10 Ihandi mwenenene ouyuki woye momutima wange.
Ohandi shiivifa oudiinini nexupifo loye.
Ihandi holeke ohole yoye i na oudiinini noshili yoye meongalo linene.”+
11 Alikana! Jehova, ino anya okufila nge onghenda yoye.
Ohole yoye i na oudiinini noshili yoye nai amene nge fiyo alushe.+
12 Omaudjuu oo a dingilila nge, omahapu unene nokuvalulwa.+
Omapuko ange mahapu okwa wilila nge po, onghee kandi wete ondjila yange;+Omahapu neenghono e dule eexwiki dokomutwe wange,Nonda teka omukumo.
13 Omwene Jehova, alikana, kala wa hala okuxupifa nge.+
Alikana! Jehova, endelela u kwafele nge.+
14 Aveshe ovo va hala okudipaa nge*Nava fifwe ohoni nokulengaifwa.
Ovo hava hafele oudjuu wangeNava ye onhapo va fya ohoni.
15 Ovo tava ti kwaame: “Aha! Aha!”
Nava halukifwe omolwohoni yavo vene.
16 Ashike ovo tave ku kongo+Nava nyakukwe, nova hafe omolwoye.+
Ovo ve hole oilonga yoye yexupifo nava tye alushe:
“Jehova na tumbalekwe.”+
17 Ashike ame kandi na ekwafo lasha nonda hepa;Jehova na yandje elitulemo kwaame.
Oove omukwafi wange nomuxupifi wange;+Kalunga kange, ino shelelelwa.+
