Epsalme 34:1-22
Epsalme laDavid, eshi a li te liningifa a fa omupwidi+ moipafi yaAbimelek, oo e mu taataa, ndele ta i.
א [Alef]
34 Ohandi tange Jehova alushe;Ehambelelo laye otali kala alushe komilungu dange.
ב [Bet]
2 Ohandi* litangele Jehova;+Ovalidiiniki* otave shi udu nokunyakukwa.
ג [Gimel]
3 Fimanekeni Jehova pamwe naame;+Atusheni natu tumbalekife edina laye.
ד [Dalet]
4 Onda ilikana Jehova, nokwa nyamukula nge.+
Okwa xupifa nge moumbada wange aushe.+
ה [He]
5 Ovo tave lineekele muye otava kala va hafa,Noitava ka fifwa ohoni.
ז [Zayin]
6 Omudinwa okwa kuwa, na Jehova okwe mu uda.
Okwe mu xupifa momaudjuu aye aeshe.+
ח [Het]
7 Omweengeli waJehova oha ongo onhanda a dingilila ovo have Mu tila,+Nohe va xupifa.+
ט [Tet]
8 Makeleni, nye mu tale kutya Jehova omuwa;+Ou ta kongo eameno kuye ota kala a hafa.
י [Yod]
9 Tileni Jehova, ovayapuki nye amushe;Osheshi aveshe ovo have mu tila itava pumbwa sha.+
כ [Kaf]
10 Nokuli neenghoshi deenyasha* di na eenghono otadi fi ondjala;Ashike ovo tava kongo Jehova itava pumbwa sha.+
ל [Lamed]
11 Ileni, ovamwange, pwilikineni kwaame;Ohandi mu hongo okutila Jehova.+
מ [Mem]
12 Olyelye womunye a hala okuhafela onghalamwenyo,Nokwa hala okumona omafiku mahapu mawa?+
נ [Nun]
13 Onghee hano lungamena elaka loye liha popye eendjovo dii,+Nomilungu doye diha popye eendjovo doukengeleledi.+
ס [Samek]
14 Efa po okulonga owii, ndele to longo ouwa;+Lalakanena ombili noku i kaleka po.+
ע [Ayin]
15 Omesho aJehova ohaa tale ovayuki,+Nomatwi aye ohaa pwilikine kuvo, eshi tave mu lilile ekwafo.+
פ [Pe]
16 Ndele Jehova oha pungulula ko oshipala shaye kwaavo hava longo owii;Ote va dimi ko filufilu kombada yedu,+ noitava dimbulukiwa vali.
צ [Tsade]
17 Ovayuki ova kuwa, na Jehova okwe va uda;+Okwe va xupifa mo momaudjuu avo aeshe.+
ק [Kof]
18 Jehova oku li popepi naavo ve na omitima da teyauka;+Oha xupifa ovo va teka omukumo.*+
ר [Res]
19 Omaudjuu* omuyuki omahapu,+Ndele Jehova ote mu xupifa mo muo aeshe.+
ש [Shin]
20 Ota amene omakipa aye aeshe;Kape na nande olimwe lomuo la teka.+
ת [Taw]
21 Owii otau twala omukolokoshi mefyo;Ovo ve tonde ovayuki otava ka monika ondjo.
22 Jehova ota xupifa eemwenyo dovapiya vaye;Kape na oo ta kongo eameno kuye ta ka monika ondjo.+
