Epsalme 33:1-22
33 Ovayuki nye, hafeni unene omolwaJehova.+
Osha wapala kovayuki ve mu tange.
2 Panduleni Jehova moku mu shikila okaxumbafeta;Mu imbileni omaimbilohambelelo* noshishikomwa sheengodi omulongo.
3 Mu imbileni eimbilo lipe;+Shikeni eengodi* nounghulungu, nokwiingida nehafo.
4 Osheshi ondjovo yaJehova oya yuka,+Nakeshe osho ta ningi oshi shii okulineekelwa.
5 Oku hole ovo tava longo ouyuki naavo tava tokola pauyuki.+
Edu ola yadifwa ohole yaJehova i na oudiinini.+
6 Eulu ola shitwa omolwondjovo yaJehova,+Noinima aishe oyo i li mo,* okupitila momhepo* yokanya kaye.
7 Oha ongele omeva efuta ngaashi ondama;+Omeva, oo taa ndwafuka, ohe a tula meemhungulilo.
8 Edu alishe nali tile Jehova.+
Oinima aishe oyo i li kedu liwa nai mu kuminwe.
9 Osheshi okwa popya, nosha ningwa;+Okwa yandja oshipango, nosha pamenena.+
10 Jehova okwa ya moshipala eemhangela* doiwana;+Okwa ponyifa eemhangela* dovanhu.+
11 Ashike omatokolo* aJehova otaa kalelele fiyo alushe;+Omadiladilo omutima waye okwa kala po okudja kepupi fiyo okepupi.
12 Oshiwana, osho Kalunga kasho Jehova, otashi kala sha hafa,+Ovanhu ovo a hoolola ve li emona laye mwene.+
13 Jehova oha tale pedu okudja meulu;Oha mono ovana vovanhu aveshe.+
14 Okudja monhele yaye yokukala,Oha tale ovakalimo aveshe vokombada yedu.
15 Oye ta me omitima daaveshe;Oha konakona oilonga yavo aishe.+
16 Kape na ohamba tai xupifwa ketangakwaita linene;+Omunaenghono ita xupifwa keenghono daye dinene.+
17 Ino lineekela nande mexupifo* longhambe;+Eenghono dayo dinene hado tadi ufa kutya otai dulu okuya onhapo.
18 Tala! Eisho laJehova ohali pashukile ovo have mu tila,+Ovo va teelela ohole yaye i na oudiinini,
19 Opo e va* xupife mefyoNoku va kaleka nomwenyo pefimbo londjala.+
20 Fye* otwa teelela Jehova.
Oye omukwafi wetu noshikelelifo shetu.+
21 Omitima detu otadi hafe omolwaye,Osheshi otwe lineekela medina laye liyapuki.+
22 Omwene Jehova, ohole yoye i na oudiinini nai kale kombada yetu,+Ofimbo hatu kala twe ku teelela.+
