Epsalme 30:1-12
-
Oluhodi la lundululilwa mehafo
-
Okuhokiwa kuKalunga oshinima tashi kalelele (5)
-
Eimbilo. Eimbilo leyapulo leumbo. Epsalme laDavid.
30 Omwene Jehova, ohandi ke ku tumbaleka, osheshi owa yambula* nge po;Ino efa ovatondi vange va hafe omolwange.+
2 Akutu! Jehova, Kalunga kange, onde ku pula u kwafele nge, nowa velula nge.+
3 Akutu! Jehova, owa kufa nge mo* mOmbila.*+
Owa kaleka nge nomwenyo; owa xupifa nge ndiha ningine melambo.*+
4 Imbileni Jehova omaimbilohambelelo,* nye ovadiinini vaye,+Panduleni edina* laye liyapuki;+
5 Molwaashi okuhandukilwa kuye oshinima shopakafimbo,+Ashike okukala wa hokiwa* kuye oshinima tashi kalelele.+
Oluhodi otali dulu oku ku hanga konguloshi, ashike ongula, ope na ehafo linene.+
6 Eshi nda li ndihe na oupyakadi, onda ti:
“Itandi tengauka nandenande.”*
7 Akutu! Jehova, ofimbo nda li nda hokiwa* kwoove, owa pameka nge ngaashi omhunda.+
Ashike eshi wa holeka oshipala shoye, onda li nda tila.+
8 Akutu! Jehova, onda kala nokwiilikana kwoove;+Nonda kala handi indile kwoove, Jehova, u file nge onghenda.
9 Efyo* lange otali eta ouwa washike, eshi handi i melambo?*+
Mbela ondwi otai ke ku tanga tuu?+ Mbela otai ka popya ngoo kombinga youdiinini woye?+
10 Alikana! Jehova, pwilikina nokufila nge onghenda.+
Alikana! Jehova, ninga omukwafi wange.+
11 Oluhodi lange owe li lundululila mokudana;Owa dula nge oshako, nowa dika nge ehafo,
12 Opo ndi* dule okwiimba omaimbilohambelelo oye, nondiha kale nda mwena.
Akutu! Jehova, Kalunga kange, ohandi ku tange fiyo alushe.
Omashangelo opedu
^ Ile “kufa.”
^ Ile “omwenyo wange.”
^ Ile “mo-Sheol,” sha hala okutya, koufi. Tala Omafatululo oitya.
^ Ile “mombila.”
^ Ile “Mu shikileni omusika.”
^ Eln., “edimbulukifo.”
^ Ile “pandika.”
^ Ile “Itandi pungauka nandenande (funga).”
^ Ile “pandika.”
^ Eln., “Ohonde.”
^ Ile “mombila.”
^ Ile “efimano lange.”
