Epsalme 90:1-17
Eilikano laMoses, omupiya waKalunga kashili.+
90 Akutu! Jehova, owa kala u li olukalwa letu*+ komapupi aeshe.
2 Ofimbo eemhunda inadi shitwa,Ile ino eta po* edu nosho yo edu liwa,+Oove Kalunga, wa kala ko alushe fiyo alushe.*+
3 Omunhu oo ehe kwete okufya oho mu shunifa mondwi;Oho ti: “Shuneni, nye ovana vovanhu.”+
4 Osheshi eedula eyovi momesho oye odi li ngaashi efiku limwe* la vilola po,+Ngaashi ashike enangelo loufiku.
5 Oho va kombolola po;+ ohava kala va fa eemhofi dongaho;Ongula ova fa omwiidi oo wa twiyuka.+
6 Ohau tutuma ongula nokukula,Ashike konguloshi ohau lembe nokukukuta.+
7 Osheshi otwa xwakwa po kehandu loye,+Notwa tilifwa konya yoye.
8 Owa tula omapuko etu komesho yoye;*+Oiholekwa yetu oya hololwa kouyelele woshipala shoye.+
9 Omafiku etu otaa xulu po* omolwonya yoye;Needula detu otadi xulu po ngaashi omunongofolelo.*
10 Oule wokukalamwenyo kwetu ou fike peedula 70,Ile 80,+ unene tuu ngeenge omunhu oku na eenghono.*
Ashike odi yadi omaupyakadi nosho yo oluhodi;Ohadi vilola po, nohatu tuka po.+
11 Olyelye ta dulu okuyeleka eenghono dehandu loye?
Onya yoye oinene ngaashi oumbada oo u na okutilika nao.+
12 Tu honga nghee tu na okuvalula omafiku etu,+Opo tu kale tu na omutima u na ounongo.
13 Alikana! Jehova, aluka.+ Fiyo onaini oshinima eshi tashi kala ngaho?+
Fila onghenda ovapiya voye.+
14 Ongula, tu ulikila ohole yoye i na oudiinini,+Opo tu ingide nehafo nokunyakukwa+ omafiku etu aeshe.
15 Tu hafifa shi fike pomafiku oo we tu fininika,+Osheshi otwa mona oixuna oule weedula dihapu.+
16 Ovapiya voye nava mone oilonga yoye,Novanamati vavo nava mone ewapalo loye.+
17 Efilonghenda laJehova, Kalunga ketu, nali kale pamwe nafye;Nangeka noupuna* oilonga yomake etu.
Heeno, nangeka noupuna* oilonga yomake etu.+
Omashangelo opedu
^ Ile tashi dulika, “eameno letu.”
^ Ile “eta po ngaashi ouyehame woshifeta.”
^ Ile “okudja nale fiyo alushe.”
^ Eln., “onghela.”
^ Ile “Ou shii omapuko etu.”
^ Ile “Onghalamwenyo yetu otai xulu po.”
^ Ile “okutwa omadima.”
^ Ile “omolweenghono de likalekelwa.”
^ Ile “Pameka.”
^ Ile “pameka.”
