Omapsalme 15:1-5

  • Olyelye ta dulu okukala omweenda metwali laJehova?

    • Oha popi oshili momutima waye (2)

    • Iha lundile (3)

    • Oha wanifa po omaudaneko, nokuli nonande oshiyehameka (4)

Eimbilo laDavid. 15  Omwene Jehova, olyelye ta dulu okukala omweenda metwali loye? Olyelye ta dulu okukala komhunda yoye iyapuki?  2  Oye oo ha ende ehe na okapefili kasha,*Ha longo osho sha yuka,Noha popi oshili momutima waye.  3  Iha lundile nelaka laye,Iha ningile sha mukwao oshinima shii,Noiha shundula* ookaume kaye.  4  Iha endafana nakeshe oo e na eenghedi dii,Ndele oha fimaneke ovo hava tila Jehova. Iha ningulula eudaneko* laye, nokuli nonande oshiyehameka kuye.  5  Iha yandje oimaliwa yaye, a pewe oishoshela,Noiha tambula ombubo, a ehameke ovo vehe na ondjo. Keshe oo ta ningi oinima oyo ita ka tengauka nande.*

Eshangelo lopedu

^ Ile “moudiinini.”
^ Ile “fifa ohoni.”
^ Eln., “eano.”
^ Ile “ita ka pungauka nandenande (funga).”
OMBIIBELI — ETOLOKO LOUNYUNI MUPE LOMISHANGWA DIYAPUKI
Omapsalme 15
Oshikwanyama
Lesha Ombiibeli kointaneta
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg

Oufemba u na sha noumwene woshishangomwa eshi