Epsalme 61:1-8
-
Kalunga oye oshungongulu ya pama yokwaamena kovatondi
-
“Ohandi ka kala omweenda metwali loye” (4)
-
Komuwiliki; oli na okwiimbwa noishikomwa yeengodi. Epsalme laDavid.
61 Alikana! Kalunga, uda eshi handi ku lilile ekwafo.
Pwilikina nelitulemo keilikano lange.+
2 Ohandi ku lilile ekwafo okudja kominghulo dedu,Ngeenge omutima wange u li moudjuu.*+
Twale nge kemanya lile li dule nge.+
3 Osheshi oove eameno lange,Oshungongulu ya pama, oyo hai amene nge komutondi.+
4 Ohandi ka kala omweenda metwali loye fiyo alushe;+Ohandi ka kala nokukonga eameno koshi yomavava oye.+ (Sela)
5 Osheshi ove, akutu! Kalunga, owa uda osho nde ku udanekela.
Owa pa nge efyuululo laavo hava tila edina loye.+
6 Konghalamwenyo* yohamba oto ka weda ko omafiku,+Nomido dayo otadi kala po okudja kepupi fiyo okepupi.
7 Otai kala omutumba kolukalwapangelo fiyo alushe koshipala shaKalunga;+I ulikila* ohole i na oudiinini nosho yo oudiinini, opo oinima oyo i i amene.+
8 Opo nee edina loye ohandi ke li imbila omaimbilohambelelo* fiyo alushe,+Eshi handi wanifa po osho nde ku udanekela efiku nefiku.+
