Epsalme 58:1-11
-
Oku na Kalunga oo ha tokola edu
-
Eilikano lokutokola ovakolokoshi (6-8)
-
Komuwiliki; oli na okwiimbwa mongovela “Ino eta ehanauno.” Epsalme laDavid. Miktam.*
58 Otamu dulu tuu okupopya kombinga youyuki, ofimbo mwa mwena?+
Nye ovana vovanhu, otamu dulu tuu okutokola pauyuki?+
2 Ponhele yaasho, otamu diladila okuhenouyuki momitima deni,+Nomake eni otaa tandavelifa elongifo leenghono moshilongo.+
3 Ovakolokoshi ova puka* okudja kedalo;*Vo ovatangalali, ovanaipupulu okudja efiku olo va dalwa.
4 Oudiyo wavo owa fa oudiyo womayoka;+Vo eembolo va fa ongolonyoka, oyo hai fitike omatwi ayo.
5 Itai ka pwilikina kondaka yovadeuli,Nonande nava kale ve na oupule u fike peni.
6 Alikana! Kalunga, teyaula mo omayoo momakanya avo.
Alikana! Jehova, teyaula eehamama deenghoshi* edi.
7 Nava kane po ngaashi omeva, oo taa pwiinine po.
Na lukile outa waye, noku va nangeka omulapa noikuti yaye.
8 Nava ninge ngaashi ongholokofya, oyo i li pokufya,*Ngaashi okaana ka dalwa ka fya, inaka mona nande onale etango.
9 Ofimbo eembiya deni inadi uda omundjene womano,Ota ka tuma oshikungulu shomhepo, osho tashi hanauna po oshimuke nomakiya.+
10 Omuyuki ota ka hafa, molwaashi okwa mona eshi omukolokoshi ta handukilwa;+Ohonde yomukolokoshi otai ka tutika eemhadi daye.+
11 Opo nee ovanhu otava ka tya: “Oshoshili, oku na ondjabi yomuyuki.+
Oshoshili kutya oku na Kalunga, oo ha tokola kombada yedu.”+
