Epsalme 31:1-24
Komuwiliki. Eimbilo laDavid.
31 Onda konga eameno mwoove, akutu! Jehova.+
Inandi fifwa nande ohoni.+
Xupife nge omolwouyuki woye.+
2 Pakalekela okutwi kwoye* kwaame.
Ila diva u xupife nge.+
Ninga ohotengulu yange yomhunda,Onhele ya dingililwa komakuma a pama, u amene nge.+
3 Osheshi oove emanya lange nohotengulu yange;+Omolwedina loye,+ oto pukulula nge nokuwilika nge.+
4 Oto mangulula nge mo melulo,* olo va tela nge meholeko,+Osheshi oove ohotekuma yange.+
5 Omhepo yange ohandi i yandje meke loye.+
Akutu! Jehova, Kalunga koshili,*+ owa kulila nge.
6 Ondi tonde ovo hava longele oinima ihe na ekwafo lasha, oikalunga yongaho,Ashike ame onde lineekela muJehova.
7 Ohandi hafele unene ohole yoye i na oudiinini,Osheshi owa mona okufininikwa kwange;+Ou shii oudjuu womeni lange.*
8 Ino yandja nge komutondi,Ashike owa kaleka nge ofika ponhele ya amenwa.*
9 Alikana! Jehova, file nge onghenda, molwaashi ondi li moudjuu.
Oluhodi ola nghundipaleka omesho ange+ nosho yo olutu lange alishe.*+
10 Onda wililwa po koluhodi monghalamwenyo yange,+Needula dange, ekemo.+
Eenghono dange otadi ninipala omolwepuko lange;Omakipa ange otaa nghundipala.+
11 Onda shekwa kovakondjifi vange aveshe,+Unene tuu kovashiinda shange.
Nonda tilifwa kwaavo handi kala navo;Ngeenge ova mono nge mepandavanda, ohava faduka nge po.+
12 Onda kufwa ko komitima* davo, nonda dimbiwa, nda fa nda fya;Ondi li ngaashi oshiyuma sha tatuka.
13 Onda uda omitotolombo dihapu dii;Oumbada owa dingilila nge.+
Ngeenge va ongala pamwe, ve limanga kumwe, va kondjife nge,Ohava pangele omhangela va dipae nge.+
14 Ashike onde lineekela mwoove, akutu! Jehova.+
Ohandi popi kutya: “Oove Kalunga kange.”+
15 Omafiku* ange oku li meke loye.
Xupife nge meke lovatondi vange nokwaavo tava hepeke nge.+
16 Oshipala shoye nashi minikile omupiya woye.+
Xupife nge omolwohole yoye i na oudiinini.
17 Alikana! Jehova, ino efa ndi fifwe ohoni, ngeenge handi ku ifana.+
Ovakolokoshi nava fifwe ohoni;+Nava mwenekwe mOmbila.*+
18 Omilungu di na oipupulu nadi mwenekwe,+Omilungu, odo hadi popile omuyuki mowii, di na elinenepeko nosho yo odino.
19 Ouwa woye ouhapu shi fike peni!+
Owe u tuvikilila ovo have ku tila,+Nowe u ulikila ovo tava kongo eameno mwoove, moipafi yovanhu aveshe.+
20 Oto va amene keemhangela dovanhuMonhele ya amenwa moipafi yoye;+Oto va holeke monhele yoye yokuyaamaKomaponokelo mai.*+
21 Jehova na tangwe,Molwaashi okwa ulikila nge ohole i na oudiinini monghedi ikumwifi,+ moshilando sha kondekwa.+
22 Ame onda haluka, ndele handi ti:
“Ohandi xulu po koshipala shoye.”+
Ashike eshi nda konga ekwafo kwoove, nonde ku lilila, owa uda eindilo lange.+
23 Kaleni mu hole Jehova, amushe ovo mu li ovadiinini kuye.+
Jehova oha amene ovadiinini,+Ashike oha handukile neenghono keshe oo e na elinenepeko.+
24 Kaleni mu na ouladi, nomitima deni nadi kale da pama,+Nye amushe ovo mwa teelela Jehova.+
Omashangelo opedu
^ Ile “Petama, ndele to pwilikine.”
^ Ile “monete.”
^ Ile “Kalunga omudiinini.”
^ Ile “oudjuu womwenyo wange.”
^ Ile “monduda.”
^ Ile “omwenyo wange nedimo lange.”
^ Ile “momadiladilo.”
^ Eln., “Omafimbo.”
^ Ile “mo-Sheol,” sha hala okutya, koufi. Tala Omafatululo oitya.
^ Eln., “Komalaka omatanguno.”
