Epsalme 19:1-14
Komuwiliki. Eimbilo laDavid.
19 Eulu* otali hepaulula oshinge shaKalunga;+Ewangadjo, olo li li pombada,* otali shiivifa oilonga yomake aye.+
2 Ohai kala tai popi efiku nefiku,Nohai holola eshiivo oufiku keshe.
3 Ihai popi, nokape na eendjovo;Ewi layo ihali udika.
4 Ashike ondaka* yayo oya ya kombada yedu alishe,Netumwalaka layo ola ya fiyo okominghulo dedu,* oko ku liwe.+
Meulu okwa dika mo etwali letango;
5 Ola fa omuhomboli ta di monduda yaye;Ola hafa ngaashi omunhu omunaenghono ta tondoka mefiyafanepo.
6 Ohali piti komunghulo umwe weulu,Nohali dingonoka komunghulo mukwao weulu;+Nokape na osho sha holekwa oupyu walo.
7 Omhango yaJehova oya wanenena,+ tai yandje vali eenghono.*+
Omadimbulukifo aJehova oku shii okulineekelwa,+ taa ningifa oo ehe na owino a kale omunaendunge.+
8 Omalombwelo, oo a dja kuJehova, okwa yuka, taa hafifa omutima;+Oipango yaJehova oya koshoka, tai vemifa omesho.+
9 Okutila Jehova+ okwa yuka, taku kalelele fiyo alushe.
Omatokolo aJehova oku li paushili, aeshe oku li pauyuki.+
10 Omawa unene e dulife oshingoli,E dulife oshingoli elela,*+Nomanyenye e dulife omaadi eenyiki,+ omaadi eenyiki oo taa ndoda okudja meshila.
11 Omupiya woye okwa londwelwa kuo;+Ota ka mona ondjabi inene, ngeenge okwe a diinine.+
12 Olyelye ta dulu okudidilika mo omapuko?+
Koshole nge komanyono oo ndihe shii.
13 Nokukelela omupiya woye aha kwatwe koikala yelinenepeko;+Ino efa i pangele nge.+
Opo nee ohandi ka kala ndihe na etimba,+Nondihe na ondjo omolwomanyono a kwata moiti.*
14 Eendjovo domokanya kange nomadilongo omomutima wangeNai ku hafife,+ Akutu! Jehova, Emanya lange+ nOmukulili wange.+
