Isaia 62:1-12

  • Leina le lesha la ga Siona (1-12)

62  Ga nkitla ke didimala ka ntlha ya Siona,+E bile ga nkitla ke nna fela ke sa tshikinyege ka ntlha ya JerusalemaGo fitlha tshiamo ya gagwe e phatsima jaaka lesedi le le tsabakelang+Le poloko ya gagwe e tuka jaaka logong lo lo tukang.+   “Wena mosadi, ditšhaba di tla bona tshiamo ya gago,+Le dikgosi tsotlhe di tla bona kgalalelo ya gago.+ Mme o tla bidiwa ka leina le lesha,+Le Jehofa a tla le tlhophang.*   O tla nna serwalo sa bontle mo seatleng sa ga Jehofa,Tuku e e kgethegileng ya segosi mo seatleng sa Modimo wa gago.   Ga o kitla o tlhola o bidiwa mosadi yo o tlogetsweng,+E bile lefatshe la gago ga le kitla le tlhola le bidiwa le le kgakgabetseng.+ Mme o tla bidiwa Boitumelo Jwa Me bo Mo go Ene,+E bile lefatshe la gago le tla bidiwa Ene yo o Nyetsweng. Gonne Jehofa o tla itumela ka ntlha ya gago,Le lefatshe la gago le tla nna jaaka yo o nyetsweng.   Gonne fela jaaka lekau le nyala kgarebane,Bomorwao ba tla go nyala. Modimo wa gago o tla go itumelela+Fela jaaka monyadi a itumelela monyadiwa wa gagwe.   Wena Jerusalema, ke tlhomile balebeledi mo dipoteng tsa gago. Ga ba a tshwanela go tswelela ba didimetse, letsatsi lotlhe le bosigo jotlhe. Lona ba lo umakang Jehofa,Lo se ka lwa ikhutsa,   E bile lo se ka lwa mo letla a ikhutsa go fitlha a tsepamisa Jerusalema thata,Go fitlha a mo dira pako ya lefatshe.”+   Jehofa o dirile maikano ka seatla sa gagwe sa moja, ka lebogo la gagwe le le nonofileng a re: “Ga nkitla ke tlhola ke naya baba ba gago dijo tsa gago tsa ditlhaka gore e nne dijo tsa bone,E bile batswakwa ga ba kitla ba nwa beine ya gago e ntšha, e o e bereketseng ka natla.+   Le fa go ntse jalo, ba ba di phuthang ba tla di ja, e bile ba tla baka Jehofa;Mme ba ba e kokoanyang ba tla e nwa mo malwapeng a me a a boitshepo.”+ 10  Tswang, tswang ka dikgoro. Baakanyetsang batho tsela.+ Agang, agang tsela e kgolo. Tlosang maje mo go yone.+ Tsholeletsang ditšhaba sesupo.*+ 11  Jehofa o itsisitse jaana go fitlha kwa dikhutlong tsa lefatshe: “Rayang morwadia Siona lo re,‘Poloko ya gago e etla.+ Modimo o tla a tshotse maduo a gagwe,Le tuelo e a duelang ka yone e fa pele ga gagwe.’”+ 12  Ba tla bidiwa batho ba ba boitshepo, ba ba rekolotsweng ke Jehofa,+Mme wena o tla bidiwa Yo o Batlilweng, Motse O o Sa Tlogelwang.+

Dintlha Tse di Kwa Tlase

kgotsa “Le le tla buiwang ke molomo wa ga Jehofa.”
Kgotsa “kota ya sesupo.”