Isaia 43:1-28
43 Jaanong seno ke se Jehofa a se buang,Mmopi wa gago wena Jakobe, Ene yo o go dirileng wena Iseraele:+
“O se ka wa boifa ka gonne ke go rekolotse.+
Ke go biditse ka leina la gago.
O wa me.
2 Fa o ralala metsi, ke tla bo ke na le wena,+E bile fa o ralala dinoka, ga di kitla di go gogola.+
Fa o ralala molelo, ga o kitla o sha,E bile kgabo ya molelo ga e kitla e go babola.
3 Gonne ke nna Jehofa, Modimo wa gago,Modimo yo o Boitshepo wa Iseraele, Mmoloki wa gago.
Ke ntshitse Egepeto gore e nne thekololo ya gago,Ke ntshitse Ethiopia le Seba gore ke go rekolole.
4 Gonne o ne wa nna tlhwatlhwakgolo mo matlhong a me,+O ne o tlotlega, e bile ke ne ka go rata.+
Ka jalo, ke tla ntsha batho le ditšhabaGore ke boloke botshelo jwa gago.
5 O se ka wa boifa, ka gonne ke na le wena.+
Ke tla busa ditlogolwana* tsa gago go tswa kwa botlhabaE bile ke tla go phutha go tswa kwa bophirima.+
6 Ke tla raya bokone ke re, ‘Ba ntshe!’+
Ke tla raya le borwa ke re, ‘O se ka wa gana ka bone.
Busa bomorwaake go tswa kgakala, le bomorwadiake go tswa kwa dikhutlong tsa lefatshe,+
7 Mongwe le mongwe yo o bidiwang ka leina la me+Le yo ke mmopileng gore ke galalediwe,Yo ke mmopileng le yo ke mo dirileng.’+
8 Busang batho ba ba foufetseng le fa gone ba na le matlho,Le ba ba sa utlweng le fa gone ba na le ditsebe.+
9 A ditšhaba tsotlhe di phuthegele mo lefelong le le lengwe,E bile a merafe e kokoanngwe.+
Ke medimo efe ya tsone* e e ka bolelang seno?
Kgotsa a e ka dira gore re utlwe dilo tse di tla diragalang mo nakong e e tlang?+
A e tlise basupi ba yone gore e itshupe e se na molato,Kgotsa a basupi bano ba utlwe mme ba re, ‘Ke boammaaruri!’”+
10 Jehofa a re: “Lo basupi ba me,+Motlhanka wa me yo ke mo tlhophileng,+Gore lo itse lo bo lo dumele mo go nna,*Le gore lo tlhaloganye gore ke ntse ke le ene Yoo.+
Ga go a dirwa Modimo ope pele ga me,E bile ga go a nna le ope morago ga me.+
11 Nna, ke nna Jehofa,+ mme kwantle ga me ga go na mmoloki.”+
12 Jehofa a re: “Fa go ne go se na modimo ope o sele mo gare ga lona,Ke nna yo o neng a bua, yo o neng a boloka le yo o neng a itsise.+
Ka jalo, lo basupi ba me, mme ke nna Modimo.+
13 Gape, ke ntse ke le ene Yoo ka metlha;+Mme ga go na ope yo o ka phamolang sepe fela mo seatleng sa me.+
Fa ke dira sengwe, ke mang yo o ka nthibelang?”+
14 Seno ke se Jehofa a se buang, Morekolodi+ wa lona, Modimo yo o Boitshepo wa Iseraele:+
“Ka ntlha ya lona, ke tla romela masole kwa Babelona ke bo ke diga mephakalego yotlhe ya dikgoro tsa yone,+Mme Bakaladia ba tla lela selelo sa khutsafalo ba le mo dikepeng tsa bone.+
15 Ke nna Jehofa, Modimo yo o Boitshepo+ wa lona, Mmopi wa Iseraele,+ Kgosi ya lona.”+
16 Seno ke se Jehofa a se buang,Ene yo o dirang tsela go ralala lewatleLe tselana go ralala metsi a a bilogang,+
17 Yo o bolotsang kara ya ntwa le pitse,+Masole mmogo le batlhabani ba ba maatla a re:
“Ba tla rapama mme ga ba kitla ba tsoga.+
Ruri ba tla nyelediwa jaaka go timiwa mogala wa lobone o o tukang.”
18 “Lo se ka lwa gakologelwa dilo tsa bogologolo,E bile lo se ka lwa nnela go akanya ka dilo tse di fetileng.
19 Ke dira sengwe se sesha;+Tota le jaanong se a tlhaga.
A ga lo se lemoge?
Ke tla dira tsela go ralala naga,+Le dinoka go ralala sekaka.+
20 Sebatana se tla ntlotla,Le bophokoje le bontšhe,Ka gonne ke tla ntsha metsi mo nageng,Le dinoka mo dikakeng,+Gore batho ba me, ba ke ba tlhophileng,+ ba nwe,
21 Batho ba ke ba bopileng gore e nne ba meGore ba tle ba bolele pako ya me.+
22 Mme wena Jakobe, ga o a ka wa mpitsa,+Ka gonne ke go lapisitse, wena Iseraele.+
23 Ga o a ntlisetsa dinku tsa ditlhabelo tse di fisiwang di feletseE bile ga o a nkgalaletsa ka ditlhabelo tsa gago.
Ga ke a go pateletsa gore o ntlisetse mpho,E bile ga ke a go lapisa ka go batla gore o ntlisetse borekhu jo bo nkgang monate.*+
24 Ga o a nthekela ntšhe e e botshe* ka madi a gago,E bile ga o a nkgotsofatsa ka mafura a ditlhabelo tsa gago.+
Go na le moo, o nkimeditse ka maleo a gagoE bile o ntapisitse ka melato ya gago.+
25 Nna, ke nna Yo ke tlosang melato ya gago*+ ka ntlha ya leina la me,+E bile ga nkitla ke gakologelwa maleo a gago.+
26 Nkgakolole; a re sekisane;Tlhalosa kgang ya gago go supa gore ga o na molato.
27 Rragomogolo wa ntlha o leofile,E bile babueledi* ba gago ba ntlhanogetse.+
28 Ka jalo, ke tla dira gore dikgosana tsa lefelo le le boitshepo di se ka tsa nna boitshepo,E bile ke tla fedisa JakobeKe bo ke dira gore Iseraele a kgobiwe ka mafoko.+
