Isaia 57:1-21

  • Mosiami le ba ba ikanyegang ba a nyelela (1, 2)

  • Bosaikanyegeng jwa Iseraele bo a senolwa (3-13)

  • Ba ba moya o o kwa tlase ba tla gomodiwa (14-21)

    • Badirabosula ba tshwana le lewatle le le galefileng (20)

    • Badirabosula ga ba na kagiso (21)

57  Mosiami o nyeletse,Mme ga go na ope yo o tsayang seno tsia. Batho ba ba ikanyegang ba a tsewa,*+Mme ga go na ope yo o lemogang gore mosiami o tserweKa ntlha ya* masetlapelo.   O tsena mo kagisong. Botlhe ba ba dirang se se siameng ba ikhutsa mo malaong a bone.*   “Mme lona, atamelang,Lona barwa ba mosadi yo o bolelelang ditiragalo pele,Lona bana ba moakafadi le mogwebakammele:   Lo dira metlae ka mang? Lo atlhamolosetsa mang molomo lo bo lo mo ntshetsa loleme? A ga lo bana ba ba nang le boleoLe ba ba tsietsang,+   Ba ba nang le dikeletso tse di maatla tsa tlhakanelodikobo mo gare ga ditlhare tse dikgolo,+Ka fa tlase ga setlhare sengwe le sengwe se segolo,+Ba ba bolayang bana setlhogo mo mekgatšheng,*+Ka fa tlase ga diphatlha tsa mafika?   Kabelo ya gago ke maje a a borethe a mokgatšha.*+ Tota maje ano ke boswa jwa gago. E bile o tshela setlhabelo sa senô mo go one mme o a isetsa dimpho.+ A ke tshwanetse go kgotsofadiwa ke* dilo tseno?   O ne wa baakanya bolao jwa gago mo thabeng e e kwa godimo e e tsholetsegileng,+Mme o ne wa tlhatlogela teng gore o ntshe setlhabelo.+   O ne wa tlhoma setshwantsho mo teng ga ntlo.* O ne wa ntlogela o bo o ikapola;O ne wa tlhatloga mme wa atolosa bolao jwa gago. E bile o ne wa dira kgolagano le bone. O ne o rata go robala le bone,+E bile o ne o nna o lebile serwe sa bonna.*   O ne wa fologela kwa go Meleke* o tshotse leokwane,Le dinkgisamonate tse dintsi. O ne wa romela barongwa ba gago kgakala,Mo o neng wa fologela kwa Lebitleng.* 10  O dirile ka natla go latelela ditsela tsa gago tse dintsi,Le fa go ntse jalo, ga o a ka wa re, ‘Ga go na tsholofelo!’ O nnile le maatla gape. Ke gone ka moo o sa itlhobogeng.* 11  Ke mang yo o neng wa mo tshaba wa bo wa mmoifaMo o neng wa simolola go aka?+ Ga o a ka wa nkgakologelwa.+ Ga o a ka wa isa sepe pelong.+ A ga ke a ka ka didimala ka bo ka ikgogela morago?*+ Ka jalo, ga o a ka wa mpoifa. 12  Nna ke tla itsise tshiamo ya gago+ e e seng ya boammaaruri le ditiro tsa gago,+Mme ga di kitla di go tswela mosola.+ 13  Fa o goa o kopa thuso,Medingwana e o e phuthileng ga e kitla e go golola.+ Yotlhe fela, e tla tsewa ke phefo,E tla phailwa ke phefonyana,Mme yo o tshabelang mo go nna o tla rua lefatsheE bile o tla rua thaba ya me e e boitshepo.+ 14  Go tla twe, ‘Dirang, dirang tsela! Baakanyang tsela!+ Tlosang sekgoreletsi sepe fela mo tseleng ya batho ba me.’” 15  Gonne seno ke se Mogodimo le Yo o Kwa Godimo a se buang,Yo o tshelang* ka bosakhutleng+ le yo leina la gagwe le leng boitshepo:+ “Ke nna kwa lefelong le le kwa godimo e bile le le boitshepo,+Le fa go ntse jalo, ke nna le ba ba gateletsweng le ba moya o o kwa tlase,Gore ke kgothatse ba moya o o kwa tlaseLe gore ke nonotshe pelo ya ba ba gateletsweng.+ 16  Gonne ga nkitla ke ba ganetsa ka bosakhutlengKgotsa ke tswelela ke galefile;+Gonne moya wa motho o ne o tla koafala ka ntlha ya me,+Tota le dibopiwa tse di hemang tse ke di dirileng di ne di tla koafala. 17  Ke ne ka mo galefela ka ntlha ya boleo jwa gagwe jwa go batla go huma ka boferefere,+Ka jalo, ke ne ka mo itaya, ka fitlha sefatlhego sa me ka bo ka mo galefela. Mme o ne a nna a tsamaya mo botlhanoging,+ a sala tsela ya pelo ya gagwe morago. 18  Ke bone ditsela tsa gagwe,Le fa go ntse jalo, ke tla mo fodisa+ ke bo ke mo kaela+Ke tla dira gore a boe a gomotsege,*+ ene le batho ba gagwe ba ba hutsafetseng.”+ 19  Jehofa a re: “Ke tsenya mafoko a pako mo malemeng a batho. Yo o kgakala le yo o gaufi o tla newa kagiso e e sa feleng,+Mme ke tla mo fodisa.” 20  “Le fa go ntse jalo, badirabosula ba tshwana le lewatle le le galefileng le le sa kgoneng go sisibala,E bile metsi a lone a nna a bilola mofero wa lewatle le seretse. 21  Badirabosula ga ba na kagiso,”+ go bua Modimo wa me.

Dintlha Tse di Kwa Tlase

Go tewa gore ba a swa.
Kgotsa gongwe “Go tswa mo.”
Go tewa mo lebitleng.
Kgotsa “mo melapong.”
Kgotsa “molapo.”
Kgotsa “A ke tshwanetse go ikgomotsa ka.”
Seheb., “ka fa morago ga setswalo le ka fa morago ga mophakwana.”
Go lebega go tewa kobamelo ya medingwana.
Kgotsa gongwe “kwa kgosing.”
Kgotsa “Sheole.” Bona Ditlhaloso Tsa Mafoko.
Seheb., “o sa lapeng.”
Kgotsa “ka bo ka fitlha dikgang?”
Kgotsa “nnang.”
Kgotsa “Ke tla mo duela ka go mo gomotsa.”