Isaia 58:1-14
58 “Goa ka lentswe la gago lotlhe; o se ka wa ithiba!
Tsholetsa lentswe la gago jaaka lonaka.
Itsise batho ba me botlhanogi jwa bone,+Itsise le ditlogolwana tsa ga Jakobe maleo a bone.
2 Ba mpatla letsatsi le letsatsi,E bile ba eletsa go itse ditsela tsa me,Jaaka e kete e ne e le setšhaba se se neng se dira se se siamengE bile se sa tlogela tshiamiso ya Modimo wa sone.+
Ba kopa gore ke ba atlholele ka tsela e e siameng,Ba itumelela go atamalana le Modimo,+ ba re:
3 ‘Goreng o sa bone fa re itima dijo?+
E bile goreng o sa lemoge fa re ipogisa?’+
Ka gonne mo letsatsing le lo itimang dijo ka lone, lo dira dilo tse lo di ratang,*E bile lo gatelela batho ba ba lo berekelang.+
4 Fa lo itima dijo lo feleletsa lo omana lo bo lo lwa,E bile lo itaana botlhoko ka mabole.
Ga lo ka ke lwa itima dijo jaaka lo dira gompieno lo bo lo solofela gore lentswe la lona le tla utlwiwa kwa legodimong.
5 A tsela e ke laelang gore lo itime dijo ka yone e tshwanetse go nna jaana,E nna letsatsi le motho a ipogisang ka lone,A oba tlhogo ya gagwe jaaka bojang jo boleele,A rapama mo letseleng la kgetsi le mo meloreng?
A seno ke sone se lo se bitsang go itima dijo le letsatsi le le itumedisang Jehofa?
6 Nnyaa, tsela e ke laelang gore lo itime dijo ka yone e ntse jaana:
O tlose dikeetane tse di beilweng ka maikaelelo a a bosula,O bofolole dikgole tsa jokwe,+O golole ba ba gateletsweng+E bile o robaganye jokwe ka bogare;
7 O kgaogane senkgwe sa gago le yo o tshwerweng ke tlala,+O tlise bahumanegi le ba ba se nang magae mo ntlong ya gago,O apese mongwe yo o sa aparang fa o mmona,+E bile o se ka wa itlhokomolosa ba masika a gago.
8 Foo lesedi la gago le tla tlhaba fela jaaka bosa,+E bile o tla fola ka bonako.
Tshiamo ya gago e tla go etelela pele,Mme kgalalelo ya ga Jehofa e tla go sireletsa go tswa kwa morago.+
9 Foo o tla bitsa, mme Jehofa o tla go araba;O tla goa o kopa thuso, mme ene o tla re, ‘Ke fano!’
Fa o ka tlosa jokwe mo go wena,O bo o kgaotsa go supa ka monwana le go bua dilo tse di bosula,+
10 Fa o ka naya yo o tshwerweng ke tlala se wena o se ratang,+O bo o kgotsofatsa ba ba bogisiwang,Foo lesedi la gago le tla phatsima mo lefifing,E bile letobo la gago le tla nna jaaka letsatsi ka sethoboloko.+
11 Jehofa o tla go etelela pele ka metlhaA bo a go kgotsofatsa, tota le mo nageng e e omeletseng;+O tla nonotsha marapo a gago,Mme o tla nna jaaka tshingwana e e nosediwang sentle,+Jaaka motswedi o metsi a one a se keng a kgala.
12 Ba tla tsosolosa marope a bogologolo ka ntlha ya gago,+Mme o tla aga sesha metheo ya dikokomana tse di fetileng.+
O tla bidiwa mmaakanyi wa dipota tse di thubegileng,*+Motsosolosi wa ditsela tse go ka nniwang fa go tsone.
13 Fa e le gore ka ntlha ya Sabata o ithiba* go dira dilo tse o di ratang* mo letsatsing la me le le boitshepo,+Mme o bitsa Sabata o re ke boitumelo jo bogolo, letsatsi le le boitshepo la ga Jehofa, letsatsi le le tshwanetseng go galalediwa,+E bile o e galaletsa go na le go dira dilo tse o di ratang le go bua mafoko a a se nang mosola,
14 Foo o tla itumela thata ka ntlha ya ga Jehofa,E bile ke tla dira gore o palame mo mafelong a a kwa godimo a lefatshe.+
Ke tla dira gore o je* boswa jwa ga Jakobe rragomogolo,+Gonne molomo wa ga Jehofa o buile seno.”
Dintlha Tse di Kwa Tlase
^ Kgotsa “dilo tse di lo itumedisang.”
^ Seheb., “wa phatlha.”
^ Seheb., “o busetsa lonao lwa gago morago.”
^ Kgotsa “dilo tse di go itumedisang.”
^ Kgotsa “itumelele.”
