Isaia 19:1-25

  • Molaetsa wa go atlholwa ga Egepeto (1-15)

  • Egepeto e tla itse Jehofa (16-25)

    • Sebeso sa ga Jehofa kwa Egepeto (19)

19  Molaetsa wa go atlholwa ga Egepeto:+ Jehofa o palame leru le le bonako mme o tla mo Egepeto. Medimo e e se nang mosola ya Egepeto e tla roroma fa pele ga gagwe,+E bile dipelo tsa Egepeto di tla tshoga.   “Ke tla tlhotlheletsa Baegepeto gore ba nne kgatlhanong le Baegepeto,Mme ba tla lwantshana,Mongwe le mongwe a lwantsha morwarraagwe le moagelani wa gagwe,Motse o lwantsha motse o mongwe, bogosi bo lwantsha bogosi jo bongwe.   Mme Baegepeto ba tla akabala,E bile ke tla tlhakatlhakanya dithulaganyo tsa bone.+ Ba tla leba kwa medimong e e se nang mosola,Kwa batshereanying le kwa bathong ba ba dirisanang le badimo le kwa go ba ba bolelelang ditiragalo pele.+   Ke tla tsenya Egepeto mo seatleng sa mmusi yo o gatelelang,E bile ba tla busiwa ke kgosi e e setlhogo,”+ go bua Morena wa boammaaruri, Jehofa wa masomosomo.   Metsi a lewatle a tla kgala,Le noka e tla phaphalala e bile e tla kgala.+   Mme dinoka di tla nkga sebodu;Mesele ya Noka ya Nile e e kwa Egepeto e tla kgala e bo e phaphalala. Matlhaka le mekhasi di tla bola.+   Dimela tse di fa thoko ga Noka ya Nile, kwa molomong wa Noka ya Nile,Le dijalo tsotlhe tse di jadilweng fa thoko ga Nile+ di tla omelela.+ Di tla tsewa ke phefo, mme ga di kitla di tlhola di nna teng.   Batshwaraditlhapi ba tla hutsafala,Ba ba tshwarang ditlhapi ka dihuku mo Nile ba tla lela,E bile ba ba tsharololelang matlowa a bone mo metsing ba tla fokotsega.   Ba ba dirang letsela ka tlhale ya semela sa leloba*+Le ba ba dirang matsela a masweu, ba tla tlhabiwa ke ditlhong. 10  Balogi ba gagwe ba tla thubagana;Badiri botlhe ba ba thapilweng ba tla hutsafala. 11  Dikgosana tsa Soane+ ke dieleele. Bagakolodi ba ba botlhale thata ba ga Faro, ba naya kgakololo e e sa utlwaleng.+ Lo ka raya Faro jang lo re: “Nna ke setlogolwana sa batho ba ba botlhale,Setlogolwana sa dikgosi tsa bogologolo”? 12  Jaanong ba kae banna ba gago ba ba botlhale?+ A ba go bolelele fa e le gore ba itse se Jehofa wa masomosomo a se sweditseng ka Egepeto. 13  Dikgosana tsa Soane di dirile ka boeleele;Dikgosana tsa Nofe*+ di tsieditswe;Dikgosana tsa ditso tsa gagwe di timeditse Egepeto. 14  Jehofa o dirile gore a tlhakane tlhogo;+Mme ba timeditse Egepeto mo go sepe fela se a se dirang,Fela jaaka motho yo o tagilweng a relela mo matlhatseng a gagwe. 15  Mme Egepeto ga e kitla e nna le tiro epe e e ka e dirang,E ka tswa e le e e ka dirwang ke tlhogo kgotsa mogatla, letlhogela kgotsa mokhasi.* 16  Mo letsatsing leo Egepeto e tla nna jaaka basadi, e roroma e bile e tshoga ka ntlha ya seatla se se tshosang se Jehofa wa masomosomo a se tsholetsang kgatlhanong le yone.+ 17  Mme naga ya Juda e tla dira gore Baegepeto ba tshoge. Ba tla tshoga fa ba utlwa e umakiwa ka ntlha ya tshwetso e Jehofa wa masomosomo a e dirileng kgatlhanong le bone.+ 18  Mo letsatsing leo, go tla nna le metse e le metlhano mo lefatsheng la Egepeto e e buang puo ya kwa Kanana+ e bile e ikana gore e tla ikanyega mo go Jehofa wa masomosomo. Motse o mongwe o tla bidiwa Motse wa go Rutlolola. 19  Mo letsatsing leo, go tla nna le sebeso se se diretsweng Jehofa mo gare ga naga ya Egepeto le pilara e e diretsweng Jehofa fa thoko ga molelwane wa yone. 20  Dilo tseno e tla nna ditshupo mo bathong ba ba mo Egepeto gore ba gopole Jehofa wa masomosomo; gonne ba tla goela kwa go Jehofa ka ntlha ya bagateledi, mme o tla ba romelela mmoloki, yo mogolo, yo o tla ba bolokang. 21  Mme Jehofa o tla dira gore Baegepeto ba mo itse, mme Baegepeto ba tla itse Jehofa mo letsatsing leo, e bile ba tla ntsha ditlhabelo le dimpho mme ba tla direla Jehofa maikano ba bo ba a diragatsa. 22  Jehofa o tla itaya Baegepeto,+ a ba itaya a bo a ba fodisa; mme ba tla boela kwa go Jehofa, mme o tla reetsa dikopo tsa bone a bo a ba fodisa. 23  Mo letsatsing leo, go tla nna le tsela e kgolo+ e e tswang kwa Egepeto e ya kwa Asiria. Foo Asiria o tla ya kwa Egepeto, le Egepeto o tla ya kwa Asiria, mme Egepeto le Asiria ba tla direla Modimo mmogo. 24  Mo letsatsing leo Iseraele e tla ikopanya le Egepeto le Asiria,+ e tla nna tshegofatso mo gare ga lefatshe, 25  ka gonne Jehofa wa masomosomo o tla bo a ba segofaditse, a re: “A batho ba me ba Egepeto ba segofale, le tiro ya diatla tsa me e leng Asiria, le boswa jwa me e leng Iseraele.”+

Dintlha Tse di Kwa Tlase

Semela se se neng se jalwa bogologolo. Tlhale ya sone e ne e dirisediwa go dira letsela le le boleta.
Kgotsa “Memefise.”
Kgotsa gongwe “kala ya mokolane kgotsa lotlhaka.”