Isaia 55:1-13

  • Batho ba lalediwa go tla go ja le go nwa mahala (1-5)

  • Batlang Jehofa le lefoko la gagwe le le ikanyegang (6-13)

    • Ditsela tsa Modimo di kwa godimo ga tsa batho (8, 9)

    • Lefoko la Modimo le tla atlega (10, 11)

55  Tlang lona lotlhe ba lo nyorilweng,+ tlang kwa metsing!+ Tlang lona ba lo se nang madi, rekang lo je! Tlang, rekang beine le mashi+ lo sa ntshe madi e bile lo sa duele sepe.+   Ke ka ntlha yang fa lo nnela go ntshetsa se e seng senkgwe madi,E bile ke ka ntlha yang fa lo dirisa madi a lona* mo selong se se sa kgoriseng? Ntheetseng ka kelotlhoko, mme lo je se se molemo,+Mme lo tla itumelela go ja dijo tse di monate thata.*+   Sekegang tsebe mme lo tle kwa go nna.+ Reetsang, mme lo tla nna lo tshela,E bile ke tla potlakela go dira kgolagano e e nnang ka bosakhutleng le lona+Go dumalana le mafoko a a ikanyegang* a lorato lo lo sa kgaotseng a ke a boleletseng Dafide.+   Ke mo dirile mosupi+ mo ditšhabeng,Moeteledipele+ le molaodi+ mo ditšhabeng.   O tla bitsa setšhaba se o sa se itseng,E bile batho ba setšhaba ba ba neng ba sa go itse ba tla sianela kwa go wenaKa ntlha ya ga Jehofa, Modimo wa gago,+ Modimo yo o Boitshepo wa Iseraele,Ka gonne o tla go galaletsa.+   Batlang Jehofa, a sa ntse a ka bonwa.+ Mmitseng a sa ntse a le gaufi.+   A motho yo o bosula a tlogele tsela ya gagwe+Le motho yo o utlwisang ba bangwe botlhoko a tlogele dikakanyo tsa gagwe;A a boele kwa go Jehofa, yo o tla mo utlwelang botlhoko,+Kwa Modimong wa rona, ka gonne o tla mo itshwarela ka bopelotshweu.*+   “Gonne dikakanyo tsa me ga se dikakanyo tsa lona,+E bile ditsela tsa me ga se ditsela tsa lona,” go bua Jehofa.   “Gonne fela jaaka magodimo a le kwa godimo ga lefatshe,Ditsela tsa me le tsone di kwa godimo ga ditsela tsa lonaE bile dikakanyo tsa me di kwa godimo ga dikakanyo tsa lona.+ 10  Gonne fela jaaka pula le kapoko di na di tswa kwa legodimongMme di sa boele kwa legodimong pele ga di kolobetsa lefatshe, di dira gore le ungwe le bo le tlhogise dimela,Le naya mojadi peo e bile le naya batho dijo, 11  Lefoko la me le le tswang mo molomong wa me le lone le tla nna jalo.+ Ga le kitla le boela mo go nna le sa dira sepe,+Mme le tla diragatsa sepe fela se ke se itumelelang,*+E bile le tla atlega mo go se ke le romelang gore le se dire. 12  Gonne lo tla tsamaya lo itumetse,+E bile lo tla boa ka kagiso.+ Dithaba le dithota di tla itumela fa lo tla, di goa ka boitumelo,+Le ditlhare tsotlhe tsa naga di tla opa diatla.+ 13  Mo boemong jwa ditlhatshana tsa mmitlwa go tla tlhoga setlhare sa mofira,+E bile mo boemong jwa sebabetsane go tla tlhoga setlhare sa moretela. Mme se tla dira gore Jehofa a tume,*+E leng sesupo se se nnelang ruri se se se kitlang se nyelela.”

Dintlha Tse di Kwa Tlase

Kgotsa “madi a lo a diretseng ka natla.”
Seheb., “lo tla itumelela monono.”
Kgotsa “ikanngwang.”
Kgotsa “o tla itshwarela a gololesegile.”
Kgotsa “se e leng thato ya me.”
Kgotsa “se tla mo direla leina.”