Isaia 45:1-25

  • Motlodiwa Kurose o tla gapa Babelona (1-8)

  • Letsopa ga le ka ke la ganetsana le Modiri wa lone (9-13)

  • Ditšhaba di tla itse Iseraele (14-17)

  • Modimo o bopile dilo tsotlhe e bile o diragatsa se a se buang (18-25)

    • Lefatshe le bopetswe gore go nniwe mo go lone (18)

45  Seno ke se nna Jehofa, ke se bolelelang motlodiwa wa me, e bong Kurose,+Yo ke tshwereng seatla sa gagwe sa moja+Gore ke fenye ditšhaba fa pele ga gagwe,+Gore ke tseele dikgosi dibetsa tsa tsone,*Gore ke mmulele ditswalo tse di mefama mebedi,Gore dikgoro di se ka tsa tswalega:   “Ke tla tsamaya kwa pele ga gago,+Mme ke tla papiela dithota. Ke tla thubaganya ditswalo tsa kopore,E bile ke tla kgaola mephakalego ya tshipi.+   Ke tla go naya matlotlo mo lefifingLe matlotlo a a fitlhilweng mo mafelong a a fitlhegileng,+Gore o tle o itse gore ke nna Jehofa,Modimo wa Iseraele, yo ke go bitsang ka leina la gago.+   Ke go bitsa ka leina la gagoKa ntlha ya motlhanka wa me Jakobe le ka ntlha ya Iseraele yo ke mo tlhophileng. Ke go naya leina la tlotlo, le fa gone o ne o sa nkitse.   Ke nna Jehofa, mme ga go na ope o sele. Ga go na Modimo ope kwantle ga me.+ Ke tla go nonotsha,* le fa gone o ne o sa nkitse,   Gore batho ba tle ba itseGo tswa kwa tlhabong ya letsatsi le go ya kwa phirimong ya loneGore ga go na ope ntle le nna.+ Ke nna Jehofa, mme ga go na ope o sele.+   Ke dira lesedi+ e bile ke bopa lefifi,+Ke dira kagiso+ e bile ke baka masetlapelo;+Nna Jehofa, ke dira dilo tseno tsotlhe.   Lona magodimo, nesang pula go tswa kwa godimo;+A maru a tsholole tshiamo. A lefatshe le bulege mme le tlhogise poloko,Gape a le medise tshiamo ka nako e le nngwe.+ Nna Jehofa, ke le bopile.”   Ruri go latlhega motho yo o ganetsanang* le Modiri wa gagwe,*Gonne o tshwana fela le kapetla ya sejana sa letsopaE e mo gare ga dikapetla tse dingwe tsa sejana sa letsopa tse di fa fatshe. A letsopa le ka raya Mmopi wa lone* le re: “O bopa eng?”+ Kgotsa a se o se dirang se ka re: “Ga a na diatla”?* 10  Ruri go latlhega motho yo o rayang rre a re: “O nna rraagwe eng?” Le yo o rayang mosadi mongwe a re: “O belega eng?”* 11  Seno ke se Jehofa, Modimo yo o Boitshepo wa Iseraele,+ Ene yo o mmopileng a se buang: “A o tla mpotsa ka dilo tse di tla diragalangO bo o ntaela se ke tshwanetseng go se dira ka bomorwaake+ le ka ditiro tsa diatla tsa me? 12  Ke ne ka dira lefatshe+ ka bo ka bopa motho mo go lone.+ Ke ne ka tsharolola magodimo ka diatla tsa me,+Mme ke naya masomosomo otlhe a one ditaelo.”+ 13  Jehofa wa masomosomo a re, “Ke dirile gore monna mongwe a ipaakanye ka gonne ke le tshiamo,+Mme ke tla tlhamalatsa ditsela tsotlhe tsa gagwe. Ke ene yo o tla agang motse wa me+A bo a golola batho ba me ba ba kwa botshwarwa+ ntle le tuelo kgotsa pipamolomo epe.”+ 14  Seno ke se Jehofa a se buang: “Poelo* ya kwa Egepeto le dithoto tsa kgwebo* tsa kwa Ethiopia le tsa Baseba, e leng batho ba baleele,Ba tla tla kwa go wena mme e tla nna batho ba gago. Ba tla tsamaya fa morago ga gago ba le mo dikeetaneng. Ba tla tla ba bo ba go ikobela.+ Ba tla go rapela ba re, ‘Ruri Modimo o na le wena,+Mme ga go na ope o sele; ga go na Modimo ope yo mongwe.’” 15  Eleruri o Modimo yo o iphitlhang,Wena Modimo wa Iseraele, Mmoloki.+ 16  Botlhe ba tla tlhabiwa ke ditlhong e bile ba tla kokobediwa;Badiri botlhe ba medingwana ba tla tsamaya ba tlontlologile.+ 17  Le fa go ntse jalo, Jehofa o tla boloka Baiseraele ka poloko ya bosakhutleng.+ Ga lo kitla lo tlhabiwa ke ditlhong kgotsa lo tlontlologa ka bosakhutleng.+ 18  Gonne seno ke se Jehofa a se buang,Mmopi wa magodimo,+ Modimo wa boammaaruri,Ene yo o bopileng lefatshe, Modiri wa lone yo o le diretseng gore le nnele ruri,+Yo o sa le bopelang lefela,* mme a le bopetse gore le nniwe:+ “Ke nna Jehofa, mme ga go na ope o sele. 19  Ga ke a ka ka bua mo lefelong le le fitlhegileng,+ mo nageng e e lefifi;Ga ke a ka ka raya ditlogolwana* tsa ga Jakobe ke re,‘Mpatleng mme maiteko a lona e tla nna a lefela.’ Ke nna Jehofa, yo o buang se se siameng le yo o itsiseng se se boammaaruri.+ 20  Phuthegang mmogo mme lo tle. Atamelang lotlhe, lona bafalodi ba ba tswang mo ditšhabeng.+ Ba ba tsamayang ba tshotse ditshwantsho tse di betlilwengLe ba ba rapelang modimo yo o ka se kang a ba boloka, ga ba itse sepe.+ 21  Buang kgang ya lona lo bo lo ntshe bosupi jo bo tlhomamisang gore e boammaaruri. A ba gakololane mmogo ka kutlwano. Ke mang yo o neng a bolelela pele seno bogologoloA bo a se itsise go tloga mo metlheng e e fetileng? A ga se nna, Jehofa? Ga go na Modimo yo mongwe ntle le nna;Ga go na Modimo yo mongwe yo o siameng le Mmoloki+ kwantle ga me.+ 22  Boelang kwa go nna mme lo bolokwe,+ lona lotlhe ba lo kwa dikhutlong tsa lefatshe,Gonne ke Modimo, mme ga go na ope o sele.+ 23  Ke ikanne ka nna;Lefoko leno le dule mo molomong wa me ka tshiamo,Mme ga le kitla le boa:+ Lengole lengwe le lengwe le tla nkhubamela,Loleme longwe le longwe lo tla ikana gore lo tla ikanyega mo go nna+ 24  Mme lo tla re, ‘Ka metlha Jehofa o dira se se siameng e bile o maatla. Botlhe ba ba mo galefetseng ba tla tla fa pele ga gagwe ba tlhabilwe ke ditlhong. 25  Ditlogolwana* tsotlhe tsa Iseraele di tla bona gore di dirile sentle ka go direla Jehofa+E bile di tla ipelafatsa mo go ene.’”

Dintlha Tse di Kwa Tlase

Seheb., “ke bofolole dinôka tsa dikgosi.”
Seheb., “go bofa thata.”
Kgotsa “ngangisanang.”
Kgotsa “le Ene yo o mmopileng.”
Kgotsa “Ene yo o le bopileng.”
Kgotsa gongwe “Kgotsa a letsopa le ka re: ‘Se o se dirang ga se na melepo’?”
Kgotsa “O mo ditlhabing tsa pelegi ka ntlha yang?”
Kgotsa gongwe “Badiri.”
Kgotsa gongwe “le bagwebi.”
Kgotsa gongwe “gore le nne lolea.”
Seheb., “losika.”
Seheb., “Losika.”