Isaia 60:1-22
60 “Tsoga wena mosadi,+ phatsimisa lesedi, ka gonne lesedi la gago le tlile.
Kgalalelo ya ga Jehofa e a go phatsimela.+
2 Gonne lefifi le tla khurumetsa lefatsheLe letobo le lentshontsho le tla khurumetsa ditšhaba;Mme Jehofa o tla go phatsimela,E bile kgalalelo ya gagwe e tla bonwa mo go wena.
3 Ditšhaba di tla ya kwa leseding la gago+Le dikgosi+ di tla ya kwa kgalalelong ya gago e e phatsimang.*+
4 Tsholetsa matlho mme o lebe go go dikologa.
Botlhe ba phuthegile mmogo; ba tla kwa go wena.
Bomorwao ba tla ba tswa kgakala,+E bile bomorwadio ba tla ba tshegeditswe mo nôkeng.+
5 Ka nako eo o tla leba o bo o phatsima,+Mme pelo ya gago e tla ipela e bo e phophoma ka boitumelo,Ka gonne dikhumo tsa lewatle di tla tlisiwa kwa go wena;Dithoto tsa ditšhaba di tla tla kwa go wena.+
6 Dikamela tse dintsintsi di tla tlala mo nageng ya gago,*Dikamelanyana tse ditonanyana tsa kwa Midiana le kwa Efahe.+
Tsotlhe tse di tswang kwa Sheba di tla tla;Di tla tla di rwele gauta le borekhu jo bo nkgang monate.*
Di tla itsise dipako tsa ga Jehofa.+
7 Matsomane otlhe a ga Kedare+ a tla phuthelwa kwa go wena.
Diphelefu tsa ga Nebaiothe+ di tla tlisiwa kwa go wena.*
Di tla nna setlhabelo mo sebesong sa me mme ke tla di amogela,+Mme ke tla dira gore ntlo ya me e e galalelang* e nne ntle.+
8 Ke bomang bano ba ba fofang jaaka maru,Jaaka maeba a ya kwa dirobing tsa one?*
9 Gonne ditlhaketlhake di tla solofela mo go nna;+Dikepe tsa Tareshishe di eteletse pele,*Gore di tlise bomorwao go tswa kgakala,+Mmogo le selefera ya bone le gauta ya bone,Ba tla kwa leineng la ga Jehofa, Modimo wa gago le kwa Modimong yo o Boitshepo wa Iseraele,Gonne o tla go galaletsa.*+
10 Batswakwa ba tla aga dipota tsa gago,Mme dikgosi tsa bone di tla go direla,+Gonne ke ne ka go itaya ke galefile,Le fa go ntse jalo, ke tla go utlwela botlhoko ke le pelonomi.+
11 Dikgoro tsa gago di tla nna di butswe ka metlha;+Ga di kitla di tswalwa motshegare kgotsa bosigo,Gore o tlisediwe dithoto tsa ditšhaba,E bile dikgosi tsa bone di tla etelela pele.+
12 Gonne setšhaba le bogosi jo bo se kitlang bo go direla di tla nyelela,Mme ditšhaba di tla senngwa.+
13 Dilo tse dintle tsa kwa Lebanona di tla tlisiwa mo go wena,+E leng setlhare sa mofira, setlharesetuba le mokuperese di tla mmogo,+Gore lefelo la me le le boitshepo le dirwe lentle;Ke tla tlotlomatsa lefelo la dinao tsa me.+
14 Barwa ba batho ba ba neng ba go bogisa ba tla tla ba bo ba ikoba fa pele ga gago;Botlhe ba ba go tshwarang ka go tlhoka tlotlo ba tla obama fa dinaong tsa gago,Mme ba tla tshwanelwa ke go go bitsa motse wa ga Jehofa,Siona wa Modimo yo o Boitshepo wa Iseraele.+
15 Mo boemong jwa gore o nne yo o tlogetsweng le yo o tlhoilweng, go se na ope yo o go ralalang,+Ke tla dira gore batho ba ipelafatse ka wena ka bosakhutleng,Sengwe se se tlisang boitumelo mo dikokomaneng tsotlhe.+
16 Tota e bile o tla nwa mashi a ditšhaba,+O tla anya mabele a dikgosi;+Mme ruri o tla itse gore nna Jehofa, ke Mmoloki wa gago,Le gore Yo o Maatla wa ga Jakobe ke Morekolodi+ wa gago.
17 Mo boemong jwa kopore ke tla tlisa gauta,Mme mo boemong jwa tshipi ke tla tlisa selefera,Mo boemong jwa logong, kopore,Mme mo boemong jwa maje, tshipi;Mme ke tla tlhoma kagiso gore e nne balebedi ba gagoLe tshiamo gore e nne batho ba gago ba ba abang tiro.+
18 Ga go kitla go tlhola go nna le thubakanyo mo lefatsheng la gagoE bile batho ga ba kitla ba senya kgotsa ba thuba mo melelwaneng ya gago.+
Mme o tla bitsa dipota tsa gago o re Poloko+ le dikgoro tsa gago o re Pako.
19 Letsatsi ga le kitla le tlhola le nna lesedi la gago motshegare,E bile go phatsima ga ngwedi ga go kitla go tlhola go go naya lesedi.
Gonne Jehofa e tla nna ene lesedi la gago le le nnang ka bosakhutleng,+E bile bontle jwa Modimo wa gago bo tla phatsima mo go wena.+
20 Letsatsi la gago ga le kitla le tlhola le phirima,E bile ngwedi wa gago ga o kitla o tlhola o ngotlega lesedi,Gonne Jehofa e tla nna ene lesedi la gago le le nnang ka bosakhutleng,+Mme malatsi a gago a go hutsafala a tla bo a fedile.+
21 Mme batho ba gago botlhe e tla nna basiami;Ba tla rua lefatshe ka bosakhutleng.
Bone ke letlhogela le ke le jadileng,Tiro ya diatla tsa me,+ gore ke galalediwe.+
22 Yo monnye o tla nna sekete,Le yo mmotlana o tla nna setšhaba se se maatla.
Nna Jehofa, ke tla go akofisa mo motlheng wa gone.”
Dintlha Tse di Kwa Tlase
^ Kgotsa “kwa phatsimong ya gago ya bosa.”
^ Seheb., “di tla go bipa.”
^ Seheb., “le lebano.” Bona Ditlhaloso Tsa Mafoko.
^ Seheb., “di tla go direla.”
^ Kgotsa “ntlo ya me ya bontle.”
^ Kgotsa “a ya kwa diphatlheng tse di mo ntlong ya one?”
^ Kgotsa “dira montle.”
^ Kgotsa “fela jaaka la ntlha.”
