Isaia 16:1-14
-
Molaetsa wa go atlholwa ga Moabe o a tswelela (1-14)
16 Romelelang mmusi wa lefatshe phelefu,Go tswa kwa Sela go ralala nagaGo ya kwa thabeng ya ga morwadia Siona.
2 Fela jaaka nonyane e e lelekilweng mo sentlhageng sa yone,+Bomorwadia Moabe ba tla nna jalo kwa go kgabaganngwang noka gone kwa Arenone.+
3 “Ntshang kgakololo, diragatsang tshwetso.
Dirang gore moriti wa lona wa motshegare o nne jaaka bosigo.
Fitlhang ba ba gasameng mme lo se ka lwa tsietsa ba ba tshabang.
4 E kete batho ba me ba ba gasameng ba ka nna mo go wena Moabe.
Nna lefelo le ba ka iphitlhang mo go lone ka ntlha ya yo o nyeletsang.+
Mogateledi o tla fedisiwa,Tshenyo e tla khutla,E bile ba ba gatakang ba bangwe ba tla fedisiwa mo lefatsheng.
5 Mme kgosi e e tswang mo losikeng lwa ga Dafide e tla nna mo setulong sa bogosi.
E tla ikanyega e bile puso ya gagwe e tla nna e e sireletsegileng e e dirang dilo ka lorato lo lo sa kgaotseng;+E tla atlhola ka tekatekano e bile e tla diragatsa tshiamo ka bonako.”+
6 Re utlwile ka mabela a ga Moabe gore o ikgogomosa thata,+Re utlwile ka boikgodiso jwa gagwe le mabela a gagwe le tšhakgalo ya gagwe;+Le fa go ntse jalo, puo ya gagwe e e se nang mosola e tla fela.
7 Ka jalo, Moabe o tla lelela Moabe;Botlhe fela ba tla bokolela.+
Ba ba iteilweng ba tla hutsafalela dikuku tsa morara* o o swabisitsweng tsa Kire-haresethe.+
8 Gonne masimo a Heshebone+ a swabile,E leng ditlhare tsa morara wa Sibema,+Babusi ba ditšhaba ba gatakile dikala tsa tsone tse dikhibidu;*Ba ne ba ya go fitlha kwa Jasere;+Ba ne ba fetela kwa nageng.
Matlhogela a tsone a ne a anama a bo a ya go fitlha kwa lewatleng.
9 Ke gone ka moo ke tla lelelang ditlhare tsa morara wa Sibema jaaka ke lelela Jasere.
Ke tla go kolobetsa ka dikeledi tsa me, wena Heshebone le Eleale,+Ka gonne modumo wa go itumelela maungo a gago a selemo le thobo ya gago o khutlile.*
10 Boitumelo le boipelo di tlositswe mo tshingwaneng ya maungo,E bile ga go na dipina tsa boipelo kgotsa modumo wa boitumelo mo masimong a morara.+
Ga go na ope yo o gatang morara mo segatisetsong gore a dire beine.
Gonne ke dirile gore modumo wa boitumelo o khutle.+
11 Ke gone ka moo ke fuduegileng ka ntlha ya Moabe,+Jaaka modumo wa harepa,E bile dikarolo tsa me tse di kwa tengteng di fuduegile ka ntlha ya Kire-haresethe.+
12 Tota le fa Moabe a itapisa ka go ya go obamela kwa lefelong le le kwa godimo le le boitshepo e bile a ya go rapela kwa tempeleng ya gagwe, ga a kitla a fitlhelela sepe.+
13 Leno ke lefoko le Jehofa a neng a le bua mo nakong e e fetileng ka ga Moabe.
14 Mme jaanong Jehofa a re: “Mo dingwageng di le tharo fela, jaaka dingwaga tsa modiri yo o thapilweng,* kgalalelo ya Moabe e tla tlontlololwa e bile go tla nna le khuduego e kgolo, mme ba ba tla salang ba tla bo ba le mmalwa fela e bile ba le bokoa.”+
Dintlha Tse di Kwa Tlase
^ Kgotsa “diterebe; moretlwa.”
^ Kgotsa “dikala tsa tsone tse di tletseng morara o mohibidu.”
^ Kgotsa gongwe “Gonne selelo sa tlhabano se fologetse mo maungong a gago a selemo le mo thobong ya gago.”
^ Kgotsa “tse di badilweng ka kelotlhoko fela jaaka modiri yo o thapilweng a dira”; go tewa mo dingwageng di le tharo tse di feletseng.
