Isaia 46:1-13

  • Medingwana ya Babelona e bapisiwa le Modimo wa Iseraele (1-13)

    • Jehofa o bolelela pele dilo tse di tla diregang mo nakong e e tlang (10)

    • Ntsu e e tswang kwa botlhabatsatsi (11)

46  Bele o a inama,+ Nebo o obegela kwa pele. Medingwana ya bone e pegilwe mo diphologolong, e pegilwe mo ditonking,*+Jaaka merwalo e e imelang diphologolo tse di lapileng.   E obegela kwa pele e bile e inama mmogo;Ga e kgone go falotsa merwalo,*E bile le yone e ya kwa botshwarwa.   “Ntheetseng, lona ditlogolwana tsa ga Jakobe, le lona batho botlhe ba ba setseng ba Iseraele,+Lona ba ke neng ka lo ema nôkeng go tloga fa lo tsholwa le ba ke neng ka lo tshola fa lo ne lo tswa mo popelong.+   Ke tla nna ke sa fetoge go fitlha kwa botsofeng jwa lona;+Ke tla nna ke lo eme nôkeng go fitlha lo nna tlhogoputswa. Fela jaaka ke dirile, ke tla lo tshola e bile ke tla lo ema nôkeng ke bo ke lo golola.+   Lo tla ntshwantshanya le mang kgotsa lo tla ntekanya le mang kgotsa lo tla mpapisa le mang,+Gore re tshwane?+   Go na le batho ba ba ntshang gauta e ntsi mo sekgwameng sa bone;Ba lekanya selefera mo sekaleng. Ba thapa mothudi wa tshipi, mme ene o dira modimo ka yone.+ Go tswa foo, ba ikoba fa pele ga one, ba a o obamela.*+   Ba rwala modimo oo mo magetleng a bone;+Ba a o tsholetsa ba bo ba o baya mo lefelong la one, mme o ema fela foo. Ga o tswe mo lefelong la one.+ Ba goela kwa go one, mme ga o arabe;Ga o kgone go golola ope mo matshwenyegong.+   Gakologelwang seno, mme lo nne pelokgale. Akanyang thata ka gone, lona badirabosula.   Gakologelwang dilo tse di fetileng* tsa bogologolo,Gore ke nna Modimo, mme ga go na ope yo mongwe. Ke nna Modimo, mme ga go na ope yo o tshwanang le nna.+ 10  Go tswa kwa tshimologong, ke bolela se se tla diregang,E bile ke bolela dilo tse di iseng di dirwe go tswa bogologolong.+ Ka re, ‘Tshwetso* ya me e tla diragala,+E bile ke tla dira sepe fela se ke se batlang.’+ 11  Ke bitsa ntsu go tswa kwa botlhabatsatsi,+E bile ke bitsa motho yo o tswang kwa lefatsheng le le kgakala gore a diragatse tshwetso* ya me.+ Ke ne ka bua, mme ke tla dira sone seo. Ke ne ka ikaelela, mme ke tla se diragatsa.+ 12  Ntheetseng, lona ba lo pelo e kgwaraletseng,*Lona ba lo leng kgakala le tshiamo. 13  Ke atameditse tshiamo ya me;Ga e kgakala thata,E bile poloko ya me ga e kitla e diega.+ Ke tla tlisa poloko mo Siona, e bile ke tla tlisetsa Iseraele kgalalelo ya me.”+

Dintlha Tse di Kwa Tlase

Seheb., “mo diphologolong tse di rwalang merwalo.”
Go tewa medingwana e e pegilweng mo diphologolong.
Seheb., “ba obama fa pele ga one.”
Seheb., “tsa ntlha.”
Kgotsa “Boikaelelo; Kgakololo.”
Kgotsa “boikaelelo; kgakololo.”
Seheb., “maatla.”