Isaia 11:1-16

  • Kalana ya ga Jese e e busang ka tshiamo (1-10)

    • Phiri le kwana di nna mmogo (6)

    • Kitso ya ga Jehofa e tla tlala mo lefatsheng (9)

  • Masalela a tla boa (11-16)

11  Kalana+ e tla tlhoga mo sesaneng sa ga Jese,+E bile letlhogela+ le le tswang mo meding ya gagwe le tla ungwa.   Mme moya wa ga Jehofa o tla nna mo go ene,+Moya wa botlhale+ le temogo,Moya wa kgakololo le maatla,+Moya wa kitso le wa go boifa Jehofa.   Mme o tla itumelela go boifa Jehofa.+ Ga a kitla a atlhola go ya ka se a se bonang ka matlho,E bile ga a kitla a kgalemela go ya fela ka se a se utlwang.+   O tla atlhola batho ba maemo a a kwa tlase ka tshiamo,E bile o tla dira ditshwetso tse di siameng gore a sireletse ba ba pelonolo ba ba mo lefatsheng. Mafoko a gagwe a tla tshwana le thobane e a tla e dirisang go itaya lefatshe+A bo a bolaya batho ba ba bosula ka mafoko* a gagwe.+   Tshiamo e tla nna lebanta mo lothekeng lwa gagwe,Le boikanyegi e tla nna lebanta mo dinôkeng tsa gagwe.+   Phiri e tla nna le kwanyana ka nakwana,+Mme lengau le potsane di tla iketla mmogo,E bile namane le tawana* le phologolo e e nonneng tsotlhe di tla nna mmogo;*+Mme mosimanyana o tla di etelela pele.   Kgomo le bera di tla fula mmogo,E bile bana ba tsone ba tla iketla mmogo. Tau e tla ja lotlhaka jaaka poo.+   Ngwana yo o anyang o tla tshameka fa mosimeng wa kake,E bile ngwana yo o kgwisitsweng o tla baya seatla sa gagwe mo godimo ga mosima wa noga e e botlhole.   Ga di kitla di baka kotsi epe+E bile ga di kitla di senya mo thabeng ya me yotlhe e e boitshepo,+Ka gonne ruri lefatshe le tla bo le tletse kitso ya ga JehofaFela jaaka metsi a khurumeditse lewatle.+ 10  Mo letsatsing leo, mongwe yo o tswang mo lelapeng la ga Jese*+ o tla ema jaaka sesupo* mo ditšhabeng.+ Ditšhaba di tla leba kwa go ene gore a di kaele,*+Mme lefelo la gagwe la boikhutso le tla galalela. 11  Mo letsatsing leo, Jehofa o tla ntsha seatla sa gagwe gape, lekgetlo la bobedi, gore a buse masalela a batho ba gagwe a ba ntshe kwa Asiria,+ kwa Egepeto,+ kwa Patherose,+ kwa Kushe,+ kwa Elama,+ kwa Shinare,* kwa Hamathe le kwa ditlhaketlhakeng tse di mo lewatleng.+ 12  O tla tsholetsa sesupo* gore ditšhaba di se bone a bo a phutha batho ba Iseraele ba ba phatlaletseng,+ e bile o tla phutha batho ba Juda ba ba gasametseng kwa dikhutlong tse nnê tsa lefatshe.+ 13  Lefufa la ga Eferaime le tla bo le fedile,+E bile baba ba Juda ba tla fedisiwa. Eferaime ga a kitla a fufegela Juda,E bile Juda ga a kitla a nna mmaba wa Eferaime.+ 14  Mme ba tla fologela mo mekgokoloseng* ya Bafilisitia e e kwa bophirima;Ba tla gapa dithoto tsa batho ba kwa Botlhaba ba le mmogo. Ba tla fenya* Edoma+ le Moabe,+Mme Baamone ba tla fetoga babusiwa ba bone.+ 15  Jehofa o tla kgaoganya* kgogometso* ya lewatle la Egepeto+A bo a kgatikanya seatla sa gagwe mo godimo ga Noka.*+ O tla e itaya mo melatswaneng ya yone* e supa ka mohemo* wa gagwe o o babolang,Mme o tla dira gore batho ba kgabaganye ba rwele ditlhako* tsa bone. 16  Mme go tla nna le tsela e kgolo+ e e tswang mo Asiria e masalela a batho ba gagwe+ a tla tsamayang ka yone,Fela jaaka e ne ya nna teng mo letsatsing la fa Baiseraele ba ne ba tswa kwa lefatsheng la Egepeto.

Dintlha Tse di Kwa Tlase

Seheb., “ka moya wa molomo wa gagwe.”
Kgotsa “tawana e e seriri.”
Kgotsa gongwe “E bile namane le tau di tla fula mmogo.”
Seheb., “modi wa ga Jese.”
Kgotsa “kota ya sesupo.”
Kgotsa “Ditšhaba di tla mmatla.”
Go tewa Babelonia.
Kgotsa “kota ya sesupo.”
Seheb., “mo legetleng.”
Kgotsa “Ba tla nna le maatla mo go.”
Kgotsa gongwe “kgadisa.”
Seheb., “loleme.” Go tewa karolo e tshesane ya lewatle e e tsamaelang mo lefatsheng.
Go tewa Euferatese.
Kgotsa gongwe “itaya mo teng ga melatswana.”
Kgotsa “moya.”
Seheb., “bompaatšhane.”