Isaia 27:1-13
27 Mo letsatsing leo, Jehofa o tla otlhaya Lefiathane, noga e e lelemelang,*O tla otlhaya Lefiathane,* noga e e itsoketsang,A dirisa tšhaka ya gagwe e e bogale, e kgolo le e e nonofileng,+E bile o tla bolaya setshedi seno se setona thata se se mo lewatleng.
2 Mo letsatsing leo, lo mo* opelele lo re:
“Tshimo ya morara* e e tlhagisang beine e e phokang lefulo!+
3 Nna Jehofa, ke a mo sireletsa.+
Ke mo nosetsa nako le nako.+
Ke mo sireletsa bosigo le motshegare,Gore ope a se ka a mo gobatsa.+
4 Ga ke a galefa.+
Ke mang yo o ka tlang go nkgatlhantsha ka ditlhatshana tsa mmitlwa le mefero gore a tlhabane le nna?
Ke tla di gataka ke bo ke di tlhosetsa ka molelo tsotlhe fela.
5 Go seng jalo a a ngangatlele kago ya me e e thata.
A a dire kagiso le nna;A a agisane le nna.”
6 Mo malatsing a a tlang Jakobe o tla mela medi,Iseraele o tla ntsha malômô* a bo a tlhoga dikala tse disha,+E bile ba tla tlatsa naga ka maungo.+
7 A o ne a tshwanetse go itewa ka dithupa tsa yo o mo itayang?
Kgotsa a o ne a tshwanetse go bolawa ka tsela e batho ba gagwe ba bolailweng ka yone?
8 Modimo o tla ganetsana le ene ka modumo o o tshosang fa a mo koba.
O tla mo leleka ka tšhakgalo ya gagwe e kgolo mo letsatsing la phefo ya botlhaba.+
9 Ka jalo, molato wa ga Jakobe o tla itshwarelwa ka tsela eno,+E bile eno e tla nna tuelo e e tletseng fa boleo jwa gagwe bo tlosiwa:
Modimo o tla dira gore maje otlhe a sebesoA nne jaaka maje a kalaka a a thubagantsweng,E bile ga go na dikota dipe tse di boitshepo* kgotsa ditlhomo dipe tsa maswalo tse di tla tlogelwang.+
10 Gonne motse o o sireletsegileng o tla tlogelwa o le nosi fela;Mafulo a tla tlogelwa a bo a kgakgabala jaaka naga.+
Namane e tla fula koo e bo e botha goneE bile e tla ja dikala tsa gagwe.+
11 Fa dikalana tsa gagwe di sena go omelela,Basadi ba tla tla ba bo ba di roba,Ba gotsa molelo ka tsone.
Gonne batho bano ga ba na tlhaloganyo.+
Ke gone ka moo Modiri wa bone a se kitlang a ba utlwela botlhoko,E bile Mmopi wa bone ga a kitla a ba amogela.+
12 Mo letsatsing leo, Jehofa o tla tlhotlhora maungo mo molatswaneng o o elelang wa Noka* go ya go fitlha kwa Molapong wa Egepeto,+ mme lo tla kokoanngwa ka bongwe ka bongwe, lona batho ba Iseraele.+
13 Mo letsatsing leo, go tla lediwa lonaka lo logolo,+ mme ba ba batlileng ba swela kwa lefatsheng la Asiria+ le ba ba gasameng kwa lefatsheng la Egepeto+ ba tla tla ba bo ba ikobela Jehofa mo thabeng e e boitshepo mo Jerusalema.+
Dintlha Tse di Kwa Tlase
^ Kgotsa “e e leleselang.”
^ Bona Ditlhaloso Tsa Mafoko.
^ Go lebega go tewa Iseraele, fano a mothofaditswe e le mosadi e bile a tshwantshiwa le tshimo ya morara.
^ Kgotsa “diterebe; moretlwa.”
^ Kgotsa “dithunya.”
^ Bona polelwana “Kota e e boitshepo” mo Ditlhaloso Tsa Mafoko.
^ Go tewa Euferatese.
