Isaia 18:1-7
-
Molaetsa wa go atlholwa ga Ethiopia (1-7)
18 Ruri masetlapelo a tla tlela lefatshe le le tletseng modumo wa go phaphasela ga diphuka tsa ditshenekegiMo kgaolong ya dinoka tsa Ethiopia.+
2 Lefatshe leno le romela barongwa ka lewatle,Ba raletse metsi ba palame mekoro ya papirase, le re:
“Tsamayang, lona barongwa ba ba bofefo,Lo ye kwa setšhabeng sa batho ba baleele ba letlalo le le borethe,*Kwa morafeng o o boifiwang gongwe le gongwe,+Kwa setšhabeng se se nonofileng, se se fenyang,*Se lefatshe la sone le gogolwang ke dinoka.”
3 Lona banni botlhe ba lefatshe le lona baagi ba lefatshe,Se lo se bonang se tla tshwana le sesupo* se se tsholeditsweng mo dithabeng,E bile lo tla utlwa modumo o o tshwanang le wa go lediwa ga lonaka.
4 Gonne seno ke se Jehofa a se mpoleletseng:
“Ke tla nna ke sa tshwenngwe ke sepe ke bo ke leba mo* lefelong la me,Jaaka mogote le lesedi le le tswang mo letsatsing,Jaaka leru la monyo mo mogoteng wa thobo.
5 Gonne pele ga thobo,Fa ditlhare di sena go thunya mme malômô* a fetoga morara* o o tlogang o butswa,Matlhogela a tla kgaolwa ka disekeleLe dikalana tse di lepeletseng di tla kgaolwa di bo di tlosiwa.
6 Tsotlhe di tla tlogelelwa dinonyane tse di jang nama tsa kwa dithabengLe dibatana tsa lefatshe.
Dinonyane tse di jang nama di tla fetsa selemo mo go tsone,E bile dibatana tsotlhe tsa lefatshe di tla fetsa nako ya thobo mo go tsone.
7 Ka nako eo Jehofa wa masomosomo o tla tlisediwa mpho,E tswa kwa setšhabeng sa batho ba baleele ba letlalo le le borethe,*Kwa morafeng o o boifiwang gongwe le gongwe,Kwa setšhabeng se se nonofileng, se se fenyang,*Se lefatshe la sone le gogolwang ke dinoka,Mpho eo e tlisiwa kwa lefelong le leina la ga Jehofa wa masomosomo le leng mo go lone, e leng Thaba ya Siona.”+
Dintlha Tse di Kwa Tlase
^ Seheb., “kwa setšhabeng sa batho ba ba katogileng monyo, ba mmala wa sebilo.”
^ Kgotsa “kwa setšhabeng se se nang le nonofo e kgolo se se gatakang.”
^ Kgotsa “kota ya sesupo.”
^ Kgotsa gongwe “go tswa mo.”
^ Kgotsa “dithunya.”
^ Kgotsa “diterebe; moretlwa.”
^ Seheb., “kwa setšhabeng sa batho ba ba katogileng monyo, ba mmala wa sebilo.”
^ Kgotsa “kwa setšhabeng se se nang le nonofo e kgolo se se gatakang.”
