Isaia 50:1-11

  • Maleo a Iseraele a baka mathata (1-3)

  • Motlhanka wa ga Jehofa yo o reetsang (4-11)

    • Loleme le tsebe ya ba ba rutilweng (4)

50  Seno ke se Jehofa a se buang: “Le kae lekwalo la tlhalo+ la ga mmaalona, yo ke mo tlhadileng? Kgotsa ke lo rekiseditse motho ofe mo go ba ke ba kolotang? Lo rekisitswe ka ntlha melato ya lona,+E bile mmaalona o ne a tlhalwa ka ntlha ya diphoso tsa lona.+   Jaanong ke ka ntlha yang fa go ne go se na ope fano fa ke tla? Goreng go ne go se na ope yo o arabang fa ke bitsa?+ A seatla sa me se sekhutshwane thata mo se ka se kang sa go golola,Kgotsa a ga ke na maatla a go go golola?+ Bonang, fa ke kgalema ke kgadisa lewatle;+Ke dira gore dinoka di nne sekaka.+ Ditlhapi tsa tsone di a swa ka ntlha ya go tlhoka metsi,E bile di a bola ka ntlha ya lenyora.   Ke apesa magodimo ka lefifi le lentshontsho,+E bile ke a khurumetsa ka letsela la kgetsi.”   Morena Molaodimogolo Jehofa o nneile loleme lwa ba ba rutilweng,*+Gore ke tle ke itse kafa nka arabang* ka gone yo o lapileng ka lefoko le le tshwanetseng.*+ O ntsosa moso mongwe le mongwe;O ntsosa gore ke reetse jaaka ba ba rutilweng.+   Morena Molaodimogolo Jehofa o butse tsebe ya me,Mme ke ne ke sa gane.+ Ga ke a ka ka fapogela go sele.+   Ke ne ka naya ba ba ntitayang mokwatla wa me,E bile ke ne ka naya ba ba neng ba kumola ditedu marama a me. Ga ke a ka ka fitlha sefatlhego sa me fa ba ntira dilo tse di tlhabisang ditlhong le fa ba nkgwela mathe.+   Le fa go ntse jalo, Morena Molaodimogolo Jehofa o tla nthusa.+ Ke gone ka moo ke se kitlang ke ikutlwa ke tlontlolotswe. Ke gone ka moo ke dirileng gore sefatlhego sa me se nne jaaka leje le le thata,+Mme ke a itse gore ga nkitla ke tlhabiwa ke ditlhong.   Ene yo o bolelang gore ke siame o gaufi. Ke mang yo o ka ntatofatsang?*+ A re eme mmogo.* Ke mang yo o ka ntshekisang? A a nkatamele.   Morena Molaodimogolo Jehofa o tla nthusa. Ke mang yo o ka buang gore ke molato? Botlhe fela ba tla onala jaaka seaparo. Ba tla jewa ke motoutwane.* 10  Ke mang mo go lona yo o boifang JehofaE bile a reetsa lentswe la motlhanka wa gagwe?+ Ke mang yo o kileng a tsamaya mo lefifing le lentshontsho, go se na lesedi lepe? A a ikanye leina la ga Jehofa a bo a itshegetse* ka Modimo wa gagwe. 11  “Lona lotlhe ba lo tlhosetsang molelo,Ba lo dirang gore ditlhase di tlole,Tsamayang mo leseding la molelo wa lona,Mo gare ga ditlhase tse lo di tshubileng. Seno ke se lo tla se amogelang go tswa mo seatleng sa me: Lo tla rapama lo le mo botlhokong jo bogolo.

Dintlha Tse di Kwa Tlase

Kgotsa “loleme lo lo katisitsweng sentle.”
Kgotsa gongwe “nonotshang.”
Seheb., “ka lefoko.”
Kgotsa “ganetsanang le nna?”
Kgotsa “re lebanye difatlhego.”
Kgotsa “mmoto.”
Kgotsa “ikaege.”