Isaia 49:1-26

  • Tiro ya motlhanka wa ga Jehofa (1-12)

    • Lesedi la ditšhaba (6)

  • Iseraele e a gomodiwa (13-26)

49  Ntheetseng lona ditlhaketlhake,Lo bo lo tlhwaye tsebe, lona ditšhaba tse di kgakala.+ Jehofa o mpiditse pele ga ke tsholwa.*+ Go tloga ka nako ya fa ke ne ke le mo popelong ya ga mmê o ne a umaka leina la me.   O ne a dira gore molomo wa me o nne jaaka tšhaka e e bogale;O mphitlhile mo moriting wa seatla sa gagwe.+ O ne a ntira motswi o o phatsimisitsweng;O ne a mphitlha mo mokotlopong* wa gagwe.   O ne a nthaya a re: “Wena Iseraele, o motlhanka wa me,+Yo ke tla bontshang kgalalelo ya me ka ene.”+   Mme ke ne ka re: “Ke dirile ka natla ke direla lefela. Ke ne ka dirisa maatla a me mo selong se se se nang mosola, ke a dirisetsa lefela. Mme gone Jehofa ke ene a tla nkatlholang,*E bile Modimo ke ene a tla ntuelang.”+   Mme jaanong Jehofa, Ene yo o neng a mpopa mo popelong ke le motlhanka wa gagwe,O ne a nthaya a re ke busetse Jakobe kwa go ene,Gore Iseraele a tle a phuthelwe kwa go ene.+ Ke tla galalediwa mo matlhong a ga Jehofa,E bile Modimo wa me o tla bo a fetogile nonofo ya me.   Mme o ne a re: “Ga go a lekana go bo o le motlhanka wa meGore o tsosolose ditso tsa ga JakobeLe gore o buse batho ba Iseraele ba ba neng ba sa bolawa. Gape ke dirile gore o nne lesedi la ditšhaba,+Gore poloko ya me e tle e fitlhe kwa dikhutlong tsa lefatshe.”+  Seno ke se Jehofa, Morekolodi wa Iseraele, Morena wa gagwe yo o Boitshepo,+ a se bolelelang ene yo o nyaditsweng,+ ene yo o tlhoilweng ke ditšhaba, motlhanka wa babusi: “Dikgosi di tla bona di bo di ema,Le dikgosana di tla ikobaKa ntlha ya ga Jehofa, yo o ikanyegang,+Modimo yo o Boitshepo wa Iseraele, yo o go tlhophileng.”+   Seno ke se Jehofa a se buang: “Ke ne ka go araba mo motlheng wa kamogelo,+Mme ke ne ka go thusa mo letsatsing la poloko;+Ke ne ka nna ke go sireleditse gore ke tle ke dire gore o nne kgolagano ya batho,+Gore ke tsosolose lefatshe,Ke dire gore ba gape boswa jwa bone jo bo kgakgabetseng,+   Gore ke reye magolegwa ke re, ‘Tswang!’+ Ke bo ke reye ba ba mo lefifing+ ke re, ‘Itshupeng!’ Ba tla fula jaaka dinku mo ditseleng,Mafulo a bone a tla nna mo ditselaneng tsotlhe tse di tsamaiwang thata.* 10  Ga ba kitla ba tshwarwa ke tlala, e bile ga ba kitla ba tshwarwa ke lenyora,+E bile ga ba kitla ba fisiwa ke mogote o o babolang kgotsa ke letsatsi.+ Gonne Ene yo o ba utlwelang botlhoko o tla ba etelela pele,+Mme o tla ba isa kwa metsweding ya metsi.+ 11  Ke tla dira gore dithaba tsa me tsotlhe e nne tsela,E bile ditsela tsa me tse dikgolo di tla tsholetsega.+ 12  Batho bano ba tswa kgakala,+Mme bano ba tswa kwa bokone le kwa bophirima,Mme bano ba tswa kwa lefatsheng la Sinime.”+ 13  Goang ka boitumelo, lona magodimo, mme o itumele wena lefatshe.+ A dithaba di itumele di goe ka boitumelo.+ Gonne Jehofa o gomoditse batho ba gagwe,+E bile o bontsha batho ba gagwe ba ba bogisiwang kutlwelobotlhoko.+ 14  Mme Siona o ne a nna a re: “Jehofa o ntatlhile,+ e bile Jehofa o ntebetse.”+ 15  A mosadi a ka lebala losea lwa gagwe lo lo anyangKgotsa a se ka a tlhomogela morwa wa popelo ya gagwe pelo? Tota le fa basadi bano ba ka lebala bana ba bone, nna ga nkitla ke go lebala.+ 16  Ke kwadile leina la gago mo diatleng tsa me. Dipota tsa gago di fa pele ga me ka metlha. 17  Barwa ba gago ba a itlhaganela. Ba ba neng ba go rutlolola ba bo ba go senya ba tla tswa mo go wena. 18  Tsholetsa matlho a gago mme o lebe go go dikologa. Botlhe ba phuthega mmogo.+ Ba tla kwa go wena. Jehofa a re, “Ke ikana ka nna,O tla ba apara botlhe jaaka mekgabisa,Mme o tla ipofa ka bone jaaka monyadiwa a ipofa. 19  Le fa gone mafelo a gago a ne a sentswe e bile a kgakgabetse le naga ya gago e ne e le marope fela,+Jaanong e tla pitlagana thata e sa lekane batho ba ba nnang mo go yone,+E bile ba ba neng ba go kometsa+ ba tla bo ba le kgakala.+ 20  Barwa ba ba tshotsweng fa o ne o amogilwe bana ba tla go raya ba re,‘Lefelo leno la me le pitlagane thata. Nkokeletse lefelo gore ke nne fano.’+ 21  Mme o tla bua jaana mo pelong ya gago,‘Ke mang yo o ntshodisitseng bana bano,E re ka ke le mosadi yo o amogilweng bana e bile ke le moopa,Ke ne ke isitswe botshwarwa ka bo ka dirwa legolegwa? Ke mang yo o ba godisitseng?+ Ke ne ke tlogetswe ke le nosi fela,+Jaanong bano ba tswa kae?’”+ 22  Seno ke se Morena Molaodimogolo Jehofa a se buang: “Ke tla tsholeletsa ditšhaba seatla sa me,E bile ke tla tsholeletsa merafe sesupo* sa me.+ Ba tla tlisa bomorwao ba ba tshotse ka mabogo*E bile ba tla rwala bomorwadio mo magetleng a bone.+ 23  Dikgosi e tla nna batlhokomedi ba gago,+Le bahumagadi ba tsone e tla nna baamusi ba gago. Ba tla ikoba fa pele ga gago difatlhego tsa bone di lebile fa fatshe+Ba bo ba latswa lorole lwa dinao tsa gago,+Mme o tla tshwanelwa ke go itse gore ke nna Jehofa;Ba ba solofetseng mo go nna ga ba kitla ba tlhabiwa ke ditlhong.”+ 24  A ba ba setseng ba gapilwe ba ka tsewa mo monneng yo o maatla,Kgotsa a batho ba ba tshwerweng ke motho yo o gatelelang ba ka falola? 25  Mme seno ke se Jehofa a se buang: “Tota le batho ba ba tshwerweng ke monna yo o maatla ba tla tsewa,+Le ba ba gapilweng ke motho yo o gatelelang ba tla falola.+ Ke tla tlhasela batho ba ba go tlhaselang,+E bile ke tla golola bomorwao. 26  Ke tla dira gore ba ba go tshwarang setlhogo ba je nama ya bone,E bile ba tla tagwa ke madi a bone fela jaaka ba tagwa ke beine e e monate. Mme batho botlhe* ba tla tshwanelwa ke go itse gore ke nna Jehofa,+Mmoloki+ wa gago le Morekolodi wa gago,+Yo o Maatla wa ga Jakobe.”+

Dintlha Tse di Kwa Tlase

Seheb., “go tswa mo popelong.”
Kgotsa “mo kgetsaneng e e tsenyang metswi.”
Kgotsa “Jehofa o tla ntirela tshiamiso.”
Kgotsa gongwe “mo dithoteng tse di sa tlhogeng sepe.”
Kgotsa “kota ya sesupo.”
Seheb., “mo sehubeng.”
Seheb., “nama yotlhe.”