Isaia 15:1-9
-
Molaetsa wa go atlholwa ga Moabe (1-9)
15 Molaetsa wa go atlholwa ga Moabe:+
Ara+ wa Moabe o didimaditswe,Ka gonne a sentswe mo bosigong bo le bongwe.
Kire+ wa Moabe o didimaditswe,Ka gonne a sentswe mo bosigong bo le bongwe.
2 O tlhatlogetse kwa Ntlong* le kwa Dibone,+Kwa mafelong a a kwa godimo a a boitshepo gore a ye go lela.
Moabe o lelela Nebo+ le Medeba.+
Ditlhogo tsotlhe di beotswe lefatla,+ ditedu tsotlhe di kgaotswe.+
3 Ba ikgatlhile ka letsela la kgetsi mo mebileng ya motse.
Botlhe ba bokolela ba le mo marulelong a bone le mo dipatlelong tsa bone;Ba fologela kwa tlase ba lela.+
4 Heshebone le Eleale+ ba a goa;Lentswe la bone le utlwiwa go ya go fitlha kwa Jahase.+
Ke gone ka moo masole a Moabe a ntseng a goa.
O a roroma.
5 Pelo ya me e lelela Moabe.
Batshabi ba gagwe ba tshabetse kwa Soare+ le kwa Egelatha-shelishiya.+
Ba tsamaya ba ntse ba lela fa ba tlhatloga thotana ya Luhithe;Ba tsamaya ba ntse ba lela ka ntlha ya masetlapelo ao, ba le mo tseleng e e yang kwa Horonaime.+
6 Gonne metsi a Nimerime a kgadile;Bojang jo botala bo omeletse,Bojang bo nyeletse mme ga go a sala sepe se setala.
7 Ke gone ka moo ba tsayang se se setseng mo mabolokelong a bone le mo matlotlong a bone;Ba kgabaganya mokgatšha* wa ditlhare tsa modibonoka.
8 Gonne go utlwala selelo mo nageng yotlhe ya Moabe.+
Go bokolela ga bone go fitlha kwa Egelaime;Go bokolela ga bone go fitlha kwa Beere-elime.
9 Gonne metsi a kwa Dimone a tletse madi,Mme go sa ntse go na le dilo tseno tse ke tla di tlisang mo Dimone:
Batho ba Moabe ba ba falolang le ba ba setseng mo nageng eo,Ke tla ba romelela tau.+
