Isaia 47:1-15

  • Babelona e a senngwa (1-15)

    • Balepadinaledi ba a senolwa (13-15)

47  Wena morwadia Babelona+ wa kgarebane,Fologa o tle go nna mo loroleng. Wena morwadia Bakaladia,Nna fa fatshe mo mmung fa go se nang setulo sa bogosi gone,+Gonne batho ga ba kitla ba tlhola ba go bitsa yo o bokoa le yo o nenekediwang.   Tsaya lelwala mme o sile bupi. Tlosa lesire la gago. Apola seaparo sa gago, tlosa se o se apereng mo maotong. Kgabaganya dinoka.   Batho ba tla go bona o sa apara. Dikarolo tsa gago tsa mmele di tla bonwa. Ke tla ipusolosetsa,+ mme ga go na motho ope yo o tla emang fa pele ga me.*   “Ene yo o re rekololang,Leina la gagwe ke Jehofa wa masomosomo,Ke Modimo yo o Boitshepo wa Iseraele.”+   Nna foo ka tidimalo mme o ye kwa lefifing,Wena morwadia Bakaladia;+Ga ba kitla ba tlhola ba go bitsa Mohumagadi wa Magosi.+   Ke ne ka galefela batho ba me.+ Ke ne ka dira gore boswa jwa me bo se ka jwa tlhola bo nna boitshepo,+Mme ke ne ka ba tsenya mo seatleng sa gago.+ Le fa go ntse jalo, ga o a ka wa ba utlwela botlhoko.+ Tota e bile o ne wa rwesa ba ba tsofetseng jokwe e e boima.+   O ne wa re: “Ke tla tswelela ke le Mohumagadi ka bosakhutleng.”+ Ga o a ka wa tsaya dilo tseno masisi;Ga o a ka wa akanyetsa kafa seno se tla felelang ka gone.   Jaanong utlwa seno, wena yo o ratang menate,+Yo o nnang ka polokesego, yo o buang jaana mo pelong ya gagwe: “Ke nna fela, mme ga go na ope o sele.+ Ga nkitla ke nna motlholagadi. Ga nkitla ke swelwa ke bana le ka motlha.”+   Le fa go ntse jalo, dilo tseno tse pedi di tla go tlela ka tshoganyetso mo letsatsing le le lengwe:+ O tla swelwa ke bana e bile o tla nna motlholagadi. Ruri dilo tseno tsotlhe di tla go diragalela+Ka ntlha ya* boloi jwa gago jo bontsi le ditiro tsotlhe tsa gago tse di maatla tsa boselamose.+ 10  O ne wa ikanya bosula jwa gago. O ne wa re: “Ga go na ope yo o mponang.” Botlhale jwa gago le kitso ya gago ke tsone tse di go timeditseng,Mme o bua jaana mo pelong ya gago: “Ke nna fela, mme ga go na ope o sele.” 11  Le fa go ntse jalo, o tla welwa ke masetlapelo,Mme ga go na dipheko dipe tsa gago tse di tla a thibelang.* O tla tlelwa ke mathata; ga o kitla o kgona go a tila. O tla welwa ke tshenyego ya tshoganyetso e o iseng o ke o e bone.+ 12  Jaanong tswelela fela ka maselamose a gago le ka boloi jwa gago jo bontsi,+Tse o neng wa dira ka natla mo go tsone go tloga o sa le mosha. Gongwe o ka kgona go solegelwa molemo;Gongwe o ka kgona go tsenya batho letshogo. 13  O lapisitswe ke bagakolodi ba gago ba bantsintsi. A jaanong ba eme ka dinao mme ba go boloke,Ba ba obamelang magodimo,* ba ba lebang dinaledi,+Ba ka nako ya fa kgwedi e simologa ba itsisengDilo tse di tla go diragalelang. 14  Ba tshwana le lotlhaka. Molelo o tla ba laila. Ga ba kgone go ikgolola mo kgabong ya molelo e e maatla. Ano ga se magala a go ithuthafatsa,E bile ono ga se molelo o motho a ka o orang. 15  Batshereanyi ba gago ba tla nna jalo mo go wena,Ba o neng wa dira ka natla le bone go tloga o sa le mosha. Ba tla kgarakgatshega, mongwe le mongwe a tsaya tsela ya gagwe.* Go tla bo go se na ope yo o go bolokang.+

Dintlha Tse di Kwa Tlase

Kgotsa gongwe “mme ga nkitla ke nna pelonomi mo go ope yo ke kopanang le ene.”
Kgotsa gongwe “Go sa kgathalesege.”
Kgotsa “Mme ga o kitla o itse gore o tla a leleka jang ka dipheko.”
Kgotsa gongwe “Ba ba kgaoganyang magodimo; Balepadinaledi.”
Seheb., “a ya kwa kgaolong ya gagwe.”