Isaia 53:1-12

  • Motlhanka wa ga Jehofa o tla boga, o tla swa a bo a fitlhwa (1-12)

    • O tla nyadiwa a bo a ganwa ke batho (3)

    • O rwala malwetse le ditlhabi (4)

    • O “tlisiwa kwa tlhabong jaaka nku” (7)

    • O rwala maleo a batho ba le bantsi (12)

53  Ke mang yo o utlwileng se re se buileng* a bo a se dumela?+ E bile ke mang yo o senoletsweng maatla* a ga Jehofa?+   O tla tlhoga jaaka kalana+ fa pele ga gagwe,* jaaka modi mo lefatsheng le le omeletseng. Ga a tshwane le motho yo o tlotlegang, e bile ga a tshwane le motho yo o humileng;+Mme fa re mmona, sefatlhego sa gagwe ga se re gogele kwa go ene.*   O ne a nyadiwa e bile a ganwa ke batho,+E le motho yo o neng a utlwisiwa* botlhoko le yo a neng a tlwaelane le bolwetse. Go ne go ntse jaaka e kete re fitlhetswe sefatlhego sa gagwe.* O ne a nyadiwa, mme re ne re mo tsaya jaaka motho yo e seng wa sepe.+   Eleruri ene ka boene o ne a rwele malwetse a rona,+E bile o ne a rwele ditlhabi tsa rona.+ Le fa go ntse jalo, re ne ra mo tsaya e le yo o otlhailweng,* a beditswe ke Modimo e bile a bogisitswe.   Mme o ne a tlhabiwa+ ka ntlha ya maleo a rona;+O ne a ketekiwa ka ntlha ya diphoso tsa rona.+ O ne a kgwathisiwa gore re bone kagiso,+Mme ka ntlha ya dintho tsa gagwe, re ne ra fodisiwa.+   Rotlhe re kgarakgatshegile jaaka dinku,+Mongwe le mongwe o tsere tsela ya gagwe,Mme Jehofa o dirile gore a rwale phoso ya rona rotlhe.+   O ne a gatelelwa+ a bo a itetla gore a bogisiwe,+Le fa go ntse jalo, ga a ka a bula molomo. O ne a tlisiwa kwa tlhabong jaaka nku,+Le jaaka nku e namagadi e e didimetseng fa pele ga batho ba ba e beolang,Mme ga a ka a bula molomo.+   O ne a gatelelwa a bo a bolawa a sa atlholwa ka tshiamo;Mme ke mang yo o tla itshwenyang ka go sekaseka dintlha tsotlhe tsa kokomana ya gagwe?* O ne a tlosiwa mo lefatsheng la batshedi;+O ne a itewa* ka ntlha ya molato wa batho ba gaetsho.+   O ne a newa lebitla* mmogo le badirabosula,+Mme fa a swa o ne a fitlhwa le bahumi,*+Le fa gone a ne a sa dira phoso* epeE bile ga a ka a tsietsa ope.+ 10  Le fa go ntse jalo, e ne e le thato ya ga Jehofa* gore a mo thubaganye, mme o ne a mo letla gore a lwale. Fa e le gore o tla ntsha botshelo* jwa gagwe e le setlhabelo sa molato,+O tla bona bana* ba gagwe, o tla lelefatsa malatsi a gagwe,+Mme ka ene thato* ya ga Jehofa e tla diragadiwa.+ 11  Ka ntlha ya go tshwenyega ga gagwe, o tla kgotsofadiwa ke se a tla se bonang. Mosiami, e leng motlhanka wa me,+O tla dira gore batho ba le bantsi ba amogelwe ke Modimo ka ntlha ya kitso ya gagwe,+E bile o tla rwala melato ya bone.+ 12  Ka ntlha ya seo, ke tla mo naya kabelo mo gare ga ba le bantsi,Mme o tla kgaogana se se gapilweng le batho ba ba maatla,Ka gonne o ne a ntsha botshelo jwa gagwe mo a neng a feleletsa a bolailwe,+Mme o ne a balelwa mo gare ga badirabosula;+O ne a rwala maleo a batho ba le bantsi,+E bile o ne a tsereganya mo boemong jwa badirabosula.+

Dintlha Tse di Kwa Tlase

Kgotsa gongwe “se re se utlwileng.”
Seheb., “lebogo.”
“Gagwe” e ka kaya motho ope fela yo o lebileng kgotsa Modimo.
Kgotsa “ga a lebege ka tsela epe e e kgethegileng e e ka re ngokelang kwa go ene.”
Kgotsa “tlhaloganya.”
Kgotsa gongwe “O ne a ntse jaaka motho yo batho ba mo fularelang.”
Kgotsa “yo o iteilweng ka bolwetse.”
Kgotsa “tsa tsela e a neng a tshela ka yone.”
Kgotsa “a itewa gore a bolawe.”
Kgotsa “Mongwe o tla aba lebitla la gagwe.”
Seheb., “mohumi.”
Kgotsa “thubakanyo.”
Kgotsa “Le fa go ntse jalo, Jehofa o ne a itumelela.”
Seheb., “ne′phesh.Bona Ditlhaloso Tsa Mafoko.
Seheb., “losika.”
Kgotsa “boipelo; boitumelo.”