Proverbio 5:1-23
5 Ana’ko, imanom so karunongan ko.
Dengel kan maong* nipaakar ed pakatebek ko,+
2 Pian nabantayan moy abilidad mon mannonotTan naalwaran moy kakabatan diad panamegley na bibil mo.+
3 Ta say bibil na mabanday* a bii et singano manterter na dilo,+Tan say sangi to et malamuyot nen say larak.+
4 Balet diad kaunoran et sikatoy magmaliw ya ampait a singa tanaman ya ahenho+Tan makdem a singa espadan duaray-tarem.+
5 Saray sali to et onlalasur ed ipapatey.
Saray kupbang to et diretso ed Lubok.*
6 Agto nononoten so dalan na bilay.
Sikatoy manaakar-akar, balet agto amtay arapen to.
7 Natan, ananak ko, dengel kayod siakTan agyo ipupulisay so ibabagak.
8 Sikatoy arawian mo;Agka onaasingger ed lolooban na abung to,+
9 Pian agmo niiter ed arum so kagalangan mo+Tan agka manirap ed nakekeraan iran taon mo;+
10 Tan pian ag-upoten na agkabat a totoo iray kayarian mo*+Tan ag-onla ed abung na dayo iray nansagpotan mo.
11 No andi, manugaog ka diad kaunoran na bilay moSano nauupot lay kasil mo tan say laman mo+
12 Tan ibagam: “Akin sirin et binusol koy disiplina?
Akin et nileglemew koy panametek?
13 Agko dinengel iramay amilin ed siakTan agko inimano iray managbangat ko.
14 Asingsingger ak la ed sigpot a kadederalDiad pakanengneng na interon kongregasyon.”*+
15 Inum kay danum ed dilin bobon moTan onaagus* a danum manlapud dilin subol mo.+
16 Nepeg ta ya onkayat ed paway iray subol mo,Saray agus na danum mo diad saray plaza?+
17 Nepeg a parad sika labat iratan,Tan aliwan parad saray agkabat a totoo.+
18 Nabendisyonan komon so dilin subol* mo,Tan manliket ka komon ed bii ya asawam ed inkaugaw mo,+
19 A singa sakey a maaron biin ulsa, sakey a makapasagyat a kanding ed palandey.+
Napenek* ka komon ed pagew to diad amin a panaon.
Naayat ka komon lawas ed panangaro to.+
20 Kanian ana’ko, nepeg ta a naayat ka ed mabanday* a biiOdino onlakap ka ed pagew na imoral* a bii?+
21 Ta saray dalan na too et sankanengneng nen Jehova;Uusisaen Toy amin a basbas to.+
22 Say mauges et napatitan ed saray mismon lingo to,Tan sikatoy nakalotan ed mismon kasalanan to.+
23 Sikatoy ompatey lapud agto inawat so disiplinaTan sikatoy nibalang lapud agaylan inkamakulangkulang to.
