Proverbio 21:1-31
21 Say puso na ari et singa ag-agus na danum diad lima nen Jehova.+
Ipapaarap To itan ed anggan iner a labay To.+
2 Amin a dalan na too et singa duga ed pakanengneng to,+Balet si Jehova so manguusisa ed saray puso.*+
3 Say panggawa na duga tan maptekEt mas makapaliket ed si Jehova nen say bagat.+
4 Say matangsit a mata tan malastog a puso—Say silew a mangiwawanwan ed mauges et kasalanan.+
5 Saray plano na makuli et seguradon ontalona,*+Balet amin iramay magangganat et seguradon mansumpal ed kairapan.+
6 Say kayamanan a nanaala ed panamegley na matilan dilaEt singa sengaw a naaandi, sakey a makapatey a patit.*+
7 Say inkaruksa na saray mauges so mamaandi ed sikara,+Ta agda labay so onkiwas a walaay hustisya.
8 Say dalan na toon mankakasalanan et pikewet,Balet say gagawaen na malinis a too et maptek.+
9 Mas maong ni manayam ed sukong na atepNen say manayam ed saksakey ya abung a kaibay makolkol* ya asawan bii.+
10 Say pipilaleken na mauges a too* et kaugsan;+Agto kakasian so kaabay to.+
11 Sano nadusa so mabalaw, magmaliw a mas marunong so andiay kakabatan,Tan sano naikdan na aralem a pakatalos so marunong, nagamoran toy kakabatan.*+
12 Say Dios a matunong et oobserbaan toy abung na mauges;Itutumba to ray mauges anggad kaderal da.+
13 Siopaman a pepepetan toy layag to ed akis na pakaskasiEt agnaebatan no sikatoy ontawag.+
14 Say insekreton regalo et pakepaen toy pasnok,+Tan say inyamot a pasuksok* et pakepaen toy pinasyan sanok.
15 Panliliketan na matunong so onkiwas a walaay hustisya,+Balet makapataktakot itan ed saray manggagaway mauges.
16 Samay toon onsisian ed dalan na pakatalosEt manpainawa a kaiba iray inaatey ya andiay pakayari.+
17 Samay labalabay toy panliliket et mansumpal ed kairapan;+Samay labalabay toy alak tan larak et ag-onyaman.
18 Samay mauges so panondon ed matunong,Tan samay managpalikdo so alaen a kasalat na maptek.+
19 Mas maong ni manayam ed desiertoNen say miamong ed makolkol* tan maingongot ya asawan bii.+
20 Say mablin kayamanan tan larak et naromog ed abung na marunong,+Balet say toon makulangkulang et daraken* to no antoy walad sikato.+
21 Siopaman a manaanap na inkatunong tan matoor a panangaroEt makaromog na bilay, inkatunong, tan kagalangan.+
22 Say marunong et natatatdang* toy syudad na makapanyariTan pakakapuyen toy mabiskeg a bengatlan panmamatalekan da.+
23 Samay aalwaran toy sangi tan dila toEt onaarawid gulo.+
24 Mapalakbat, mamaong a malastog so tawagEd toon bengatbengat a mangipapatnag na inkamapalakbat.+
25 Samay pipilaleken na mangiras a too so mamatey ed sikato,Ta agto labay so mankimey.+
26 Diad sanagew et alablabas so pampipilalek to,Balet say matunong et mangiiter tan anggapoy isisiblet to.+
27 Say bagat na mauges et makapadimla.+
Nagkalalo la no iyaapay to itan a mauges so motibo to!*
28 Say matilan tasi et naandi,+Balet say toon ondedengel et ontalona ed pantestigo to.*
29 Say mauges a too et pakakapalen toy lupa to,+Balet say kurang na samay maptek et segurado.*+
30 Anggapoy tuan karunongan, odino pakatebek, odino simbawa no sumpa iratan ed si Jehova.+
31 Say kabayo et ipaparaan parad agew na guerra,+Balet say panangiliktar et betang nen Jehova.+
Paimanod leksab
^ Odino “saray motibo.”
^ Odino “makagunggona.”
^ Odino posiblin, “diad saramay manaanap ed ipapatey.”
^ Odino “malabir.”
^ Odino “amta to no antoy gawaen to.”
^ Literal, “say pasuksok diad pagew.”
^ Odino “malabir.”
^ Literal, “akmonen.”
^ Odino “natatalo.”
^ Odino “tekep na makapabaing a kagagawa!”
^ Literal, “mansalita ya anggad angga.”
^ Odino “et gagawaen ton segurado so dalan to.”
