Proverbio 31:1-31
31 Saray salita nen Arin Lemuel, say importantin mensahe ya inter nen ina to bilang panangibangat:+
2 Antoy nepeg ya ibagak ed sika, ana’ko,Anto kasi, O ana’ko a nanlapud eges ko,Anto kasi, O ana’ko a sengegan na impansambak?+
3 Agmo iiter so biskeg mo ed saray bibii,+Tan agmo tutumboken iray dalan a pakakaderalan na saray arari.+
4 Agmanepeg ed saray arari, O Lemuel,Agmanepeg ed saray arari so oninum na alakTan agmanepeg ya ibaga na saray manuley, “Kawalaan na iinumen ko?”+
5 Pian ag-ira oninum tan nalingwanan day gangganTan ibaliwala day kanepegan na saray pakaskasi.
6 Ikdan yoy de-alkohol ya iinumen iramay magano lan ompatey+Tan ikdan yoy alak iramay maer-ermen a maong.*+
7 Paulyan yo ran oninum pian agda nanonotay kairapan da;Paulyan yon lingwanan day problema ra.
8 Mansalita ka parad saramay agmakasalita;Idepensam iray kanepegan na amin a magano lan ompatey.+
9 Mansalita ka tan mangukom ka ed maptek a paraan;Idepensam iray kanepegan na samay pakaskasi tan samay mairap-bilay.+
א [Aleph]
10 Wala kasi makaromog na maong* ya asawan bii?+
Sikatoy mabmabli ni nen saray korales.*
ב [Beth]
11 Impapuson manmamatalek ed sikato so asawa to,Tan ag-iya onkukulang na mablin bengatla.
ג [Gimel]
12 Tutumangan toy asawa to na kamaongan, aliwan kaugsan,Diad amin ya agew na bilay to.
ד [Daleth]
13 Sikatoy mangaalay abel a gawad bagoy karnero tan linen;Panliliketan toy pankikimey na lima to.+
ה [He]
14 Sikatoy mipara ed saray barko na negosyante,+A mangisesempet na naakan manlapud arawi.
ו [Waw]
15 Sikatoy ombabangon met legan ya ambilunget ni,A mangitataryay naakan parad pamilya toTan saray nabebetangan na lingkor ton bibii.+
ז [Zayin]
16 Pannononotan toy nipaakar ed sakey ya uma insan to saliwen itan;Sikatoy mantatanem na ubas manlapud saray nansagpotan to.*
ח [Heth]
17 Ipaparaan toy inkasikato parad mairap a kimey,*+Tan pabibiskegen to ray taklay to.
ט [Teth]
18 Nanenengneng to a makakalmoy negosyo to;Agnanaerep so lamparaan to no labi.
י [Yod]
19 Saray lima to et akabemben ed potipotan,Tan saray lima to et akaegna ed katikatan.*+
כ [Kaph]
20 Iyaawat toy dakulap to ed samay pakaskasi,Tan ilulukas to ray lima to ed mairap-bilay.+
ל [Lamed]
21 Sikatoy agmapaga ed pamilya to no ambetel so panaon,Ta say interon pamilya to et akasulong na makapal* iran kawes.
מ [Mem]
22 Sikato so manggagawa na saray apis na dukolan to.
Say kawes to et gawad linen tan kolor-ube ya abel.*
נ [Nun]
23 Say asawa to et kabkabat diad saray puerta na syudad,+A ditan onyuyurong a kaiba na saray mamatatken ed dalin.
ס [Samekh]
24 Sikatoy manggagawa tan manlalako na saray linen a kawes*Tan susuplayan to na balkes iray negosyante.
ע [Ayin]
25 Sikatoy akasulong na biskeg tan karakpan,Tan matalek ya akanengneng ed arapen.*
פ [Pe]
26 Say sangi to et mansasalita na karunongan;+Walad dila to so ganggan na kaabigan.*
צ [Tsade]
27 Babantayan to ray gagawaen na pamilya to,Tan sikatoy aliwan mangiras.*+
ק [Qoph]
28 Saray anak to et onaalagey tan maabig so ibabaga ra ed sikato;Say asawa to et onaalagey tan mangirarayew ed sikato.
ר [Resh]
29 Dakel so maong* a bibii,Balet sika, apalumbasan mo ra ya amin.
ש [Shin]
30 Say limgas et makapalikdo, tan say ganggana et onkukupas,*+Balet say biin ontatakot ed si Jehova et narayew.+
ת [Taw]
31 Tumangan yo ed saray gagawaen to,*+Tan sikatoy nirayew komon diad saray puerta na syudad lapud saray kimey to.+
Paimanod leksab
^ Odino “iramay maer-ermen a kamarerwa.”
^ Odino “alay abig.”
^ Odino “manlapud saray nanaalmo to.” Literal, “manlapud bunga na saray lima to.”
^ Literal, “Babalkesan to na biskeg so balangbang to.”
^ Say potipotan tan say katikatan et ontutukoy ed saray bislak ya uusaren ed panagpotipot odino panaggaway tinebey.
^ Literal, “doble.”
^ Odino “kolor-ube ya abel a gawad bagoy karnero.”
^ Odino “a lalatopan a kawes.”
^ Odino “Tan onelek diad arapen.”
^ Odino “so maaron bilin; so ganggan na matoor a panangaro.”
^ Literal, “agmamangan na tinapay na inkangiras.”
^ Odino “alay abig.”
^ Odino “andi-kakanaan.”
^ Literal, “Ikdan yo manlapud bunga na saray lima to.”
