Proverbio 24:1-34
24 Agmo iibegan iray mauges a totoo,Tan agmo pipilaleken so miulop ed sikara,+
2 Ta say dadalepdepen na puso ra et inkaruksa,Tan say sasalitaen na bibil da et gulo.
3 Diad panamegley na karunongan et nipapaalagey so abung,*+Tan diad panamegley na pakatebek et magmamaliw itan a malet.
4 Diad panamegley na kakabatan et napapano iray kuarto toNa amin a klase na mabli tan makapaliket iran kayamanan.+
5 Say marunong a too et makapanyari,+Tan say kakabatan na sakey so mamapabiskeg ed pakayari to.
6 No walay makabat a panangigiya et mibiang kad guerra,+Tan no dakel so mananimbawa et walay pananalo.*+
7 Parad sakey a makulangkulang, say tuan karunongan et agbalot nagamoran;+Anggapoy nibaga to diad puerta na syudad.
8 Siopaman a manplaplanoy maugesEt natawag ya ekspertod pakana.+
9 Say andi-kabaliksan iran pakana* et kasalanan,Tan kabkabusol na totoo so sakey a mabalaw.+
10 No onkapuy so liknaan mo diad agew na kairapan,*Say biskeg mo et onkulang.
11 Iliktar mo iramay iyaakar ed ipapatey,Tan amper mo iramay mantugingging a mamapaarap ed panagpateyan.+
12 No ibagam, “Anggapoy amta mid saya,”Agta natebek itan na samay manguusisa ed saray puso?*+
On, naamtaan itan na samay manbabantay ed sika*
Tan ibales to ed kada too so unong ed gagawaen to.+
13 Ana’ko, mangan kay dilo ta maabig itan;Say puron dilo et masamsamit.
14 Mipadpara, amtaen mo a say karunongan et maabig ed sika.*+
No naromog mo itan, nawalaan kay marakep ya arapenTan agnaandi so ilalom.+
15 Agka manatambang pian manggaway mauges diad asingger ed abung na matunong;Agmo dederalen so painawaan to.
16 Ta say matunong et nayarin maminpiton natumba, tan ombangon lamet,+Balet say mauges et nagapol lapud irap.+
17 Sano natumbay kabusol mo, agka manliliket,Tan sano nagapol, agmo aabuloyan a manggayaga so pusom;+
18 Ta no ontan, nanengneng itan nen Jehova tan agnaliketan,Tan Sikatoy agla onsanok ed sikato.*+
19 Agka onsyosyodot lapud saray mauges;Agmo iibegan iray marelmeng a totoo,
20 Ta seguradon anggapoy arapen na siopaman a marelmeng;+Say lamparaan na mauges et naerep.+
21 Ana’ko, takotan mo si Jehova tan say ari.+
Tan agka miuulop ed saramay onsusumpa,*+
22 Ta biglan onsabid sikara so kadederal.+
Et siopay makaamta no panon so paneral dan dua* ed sikara?+
23 Sarayan salita et para met ed saray marunong:
Say pangukom a walay lalabien et aliwan maabig.+
24 Siopaman a mangibabagad mauges, “Matunong ka,”+
Et isamba na totoo tan kondenaen na saray nasyon.
25 Balet maong so pansumpalan na saramay mangipepetek ed sikato;+Nabendisyonan ira na maabig iran bengatla.+
26 Samay matuay kakaebat to et angoban na totoo.*+
27 Iplanom so kimey mod paway, tan iparaan moy amin a bengatla diad uma;Insan ipaalagey moy abung* mo.
28 Agka mantetestigo sumpad kaabay mo no anggapoy basiyan.+Agmo uusaren so bibil mo pian palikdoen so arum.+
29 Agmo ibabaga: “Gawaen kod sikato so ginawa tod siak;Ombawi ak ed sikato.”*+
30 Dinmalan ak ed uma na mangiras a too,+Diad kaubasan na samay andiay maong a pakatebek.*
31 Anengneng ko ya atataragey la ray dika ditan;Say dalin et asakbongan na masabit iran tanaman,Tan say padir et nagba.+
32 Inobserbaan ko iya tan impapusok;Anengneng ko tan saya so naaralan ko:*
33 Diad daiset ya ugip, diad daiset a lirep,Diad daiset a pantalikepkep pian manpainawa,
34 Onsabid sika so kairapan a singa tulisan,Tan say pankaukolan mo a singa armadon too.+
Paimanod leksab
^ Odino “sankaabungan.”
^ Odino “itatalona; kililiktar.”
^ Odino “Saray pakana na makulangkulang.”
^ Odino “diad panaon na gulo.”
^ Odino “saray motibo.”
^ Odino “kamarerwam.”
^ Odino “et masamsamit ed kamarerwam.”
^ Salanti, samay kabusol.
^ Odino “saramay malabay na pananguman.”
^ Salanti, si Jehova tan say ari.
^ Odino posiblin, “Say diretsaan a kakaebat et singa iyaangob.”
^ Odino “sankaabungan.”
^ Odino “Ibales kod sikato so ginawa to.”
^ Literal, “mankaukolan na puso.”
^ Literal, “inawat koy disiplina:”
