Deuteronomio 33:1-29
33 Natan et saya so bendisyon ya imbalikas nen Moises a too na tuan Dios ed saray Israelita sakbay na ipatey to.+
2 Inkuan to:
“Si Jehova—sikatoy sinmabi a nanlapud Sinai,+Tan sikatoy sinminag ed sikara manlapud Seir.
Sikatoy maglorian sinminag manlapud mapalandey a rehyon na Paran,+Tan kaiba to iray samplon libolibo a masanton anghel to,+Diad nikawanan to et saray sundalo to.+
3 Pinabli to iray totoo to;+Amin a masanto ed sikara et walad limam.+
Akayurong irad salian mo;+Dinmengel irad saray salitam.+
4 (Inter ed sikatayo nen Moises so sakey a bilin, sakey a ganggan,+Bilang sakey a kayarian na kongregasyon nen Jacob.)+
5 Tan Sikatoy nagmaliw ya ari diad Jesurun,*+Sanen nantitipon iray papangulo na saray totoo,+A kaiba iray amin a tribu na Israel.+
6 Manbilay komon si Ruben tan ag-ompatey,+Tan agkomon ondaiset iray totoo to.”+
7 Tan imbalikas tod Juda iyan bendisyon:+
“Dengel mo, O Jehova, so boses nen Juda,+Tan sikatoy ipawil mo komon ed saray totoo to.
Inyagel na saray taklay to iray kien to,Tan sikatoy tulongan mo komon ya onsumpad saray kalaban to.”+
8 Nipaakar ed si Levi et inkuan to:+
“Say Tumim tan Urim+ mo* et kien na toon matoor ed sika,+A sinubok mo diad Massa.+
Sikatoy nilabanan mo diad abay na saray danum na Meriba,+
9 Say too ya angikuan ed ama tan ina to, ‘Agko ra inimano.’
Pati saray agagi to et agto binidbir,+Tan impulisay to iray dilin ananak to.Ta inunor day salitam,
Tan sinumpal day sipanan mo.+
10 Ibangat da komon si Jacob ed saray panangukom mo+Tan si Israel ed saray Ganggan mo.+
Mangiyapay ira komon na insenso bilang ambalingit ya angob parad sika*+Tan sakey ya interon apay diad altar mo.+
11 Bendisyonan mo, O Jehova, so biskeg to,Tan panliketan mo komon so kimey na saray lima to.
Temek mo iray bikking* na saramay onsumpad sikato,Pian agla makatalindeg iramay mamubusol ed sikato.”
12 Nipaakar ed si Benjamin et inkuan to:+
“Manayam komon ed kaligenan imay pinabli nen Jehova diad abay to;Legan a sikatoy sanagew a tatarongan to,Sikatoy manayam ed baetan na saray takeb to.”
13 Nipaakar ed si Jose et inkuan to:+
“Bendisyonan komon nen Jehova so dalin to+Na saray maabig a bengatla ed tawen,Linaew tan say danum a manlapud saray subol ed dalem na dalin,+
14 Saray maabig a bengatlan papawalaen na agewTan say maabig ya aanien ed kada bulan,+
15 Saray sankaabigan a bengatla manlapud saray palandey ed abayag lan panaon,*+Tan saray maabig a bengatla na saray abayag lan pukdol,
16 Saray maabig a bengatla ed dalin tan amin a wadtan,+Tan say panangabobon na Samay nampanengneng ed sakey a masabit a kiew.+
Ondapo iratan komon ed ulo nen Jose,Ed toktok na ulo na samay apili manlapud saray agagi to.+
17 Say karakpan to et singa ed samay panguloan a kalakian a baka,Tan saray saklor to et saklor na toro.
Diad panamegley na saratan et itulak* to iray totooA saniiba ya anggad saray sampot na dalin.
Saratan so samplon libolibo na Efraim,+Tan saratan so libolibo nen Manases.”
18 Nipaakar ed si Zebulon et inkuan to:+
“Manliket ka, O Zebulon, diad ipaway mo,Tan sika, Isacar, ed saray toldam.+
19 Tawagen da iray totoo pian ontatdang ed palandey.
Diman da iyapay iray bagat na inkatunong.
Ta mangala ray dakerakel a kayamanan na* kadayatanTan saray niyamot a kayamanan diad buer.”
20 Nipaakar ed si Gad et inkuan to:+
“Abendisyonan imay mamapaawang na saray ketegan nen Gad.+
Sikatoy mantalaran diman a singa sakey a leon,Ya akaparaan a mamingkas na taklay, on, say toktok na ulo.
21 Pilien to so unonan parte parad sikato,+Ta satan so impabtang na manangiter na ganggan.+
Mantitipon iray pangulo na saray totoo.
Ipaakseb toy inkatunong nen JehovaTan saray ganggan to ed Israel.”
22 Tan nipaakar ed si Dan et inkuan to:+
“Si Dan et sakey a kilaw a leon.+
Sikatoy onlukso manlapud Basan.”+
23 Nipaakar ed si Neftali et inkuan to:+
“Si Neftali et napnek ed panangabobonTan napno na panamendisyon nen Jehova.
Kayarianen mo so sagur tan abalaten.”
24 Nipaakar ed si Aser et inkuan to:+
“Nabendisyonan na ananak si Aser.
Nagamoran to komon so panangabobon na agagi to,Tan itaksaw* to komon ed larak iray sali to.
25 Balatyang tan gansa iray kandado na puertam,+Tan magmaliw kan maligen ed amin ya agew mo.*
26 Anggapoy siopaman a mipara ed tuan Dios+ na Jesurun,+A baliwen to so tawen pian tulongan to kaTan onlugan ed saray lurem diad katagyan to.+
27 Say Dios et sakey a salimbengan manlapu la nensaman,+Saray andi-anggaan a taklay to et walad silong mo.+
Tan pataynanen tod arapan mo so kabusol,+Tan ibaga ton, ‘Sigpot mo ran deralen!’+
28 Say Israel et manayam ed kaligenan,Tan say subol nen Jacob et naprotektaanDiad dalin a kawalaay ilik tan balon alak,+A say tawen na satan et mangipelag na linaew.+
29 Maliket ka, O Israel!+
Siopay miparad sika,+Totoon manggagayaga ed panangilaban nen Jehova,+Say samper a salimbeng mo+Tan say makapadinayew ya espadam?
Diad arapan mo et onkebet ed takot iray kalaban mo,+Tan gatinan mo iray beneg* da.”
Paimanod leksab
^ Kabaliksan toy “Sakey a Maptek,” sakey a mapagalang a titulo na Israel.
^ Diad sayan bersikulo, say Dios so tutukoyen na “mo” tan “sika.”
^ Literal, “diad eleng mo.”
^ Odino “balangbang.”
^ Odino posiblin, “saray palandey ed bukig.”
^ Odino “bunoen.”
^ Literal, “supsopen da so inkadaakan na.”
^ Odino “urasan.”
^ Literal, “Tan say biskeg mo et singa saray agew mo.”
^ Odino posiblin, “iray atagey a pasen.”
