Deuteronomio 21:1-23

  • Saray ag-aresolbin impamatey (1-9)

  • Pangasawa ed saray bibiin narel (10-14)

  • Kanepegan na panguloan (15-17)

  • Benger ya anak (18-21)

  • Insamba imay toon imbitin ed poste (22, 23)

21  “No walay aromog a pinatey ed uma diad dalin ya iter ed sikayo nen Jehova a Dios yo a nakayarian yo, tan ag-amta no siopay amatey ed sikato,  nepeg ya ompaway iray mamatatken tan saray ukom yo+ tan sukaten da so kaarawi na samay bangkay manlapud saray syudad a walad kaliberliber na satan.  Insan saray mamatatken ed syudad a sankaasinggeran ed samay bangkay et nepeg a mangala na kilaw a baka ya agnin balot inusar ed panagkimey tan agnin balot akapangiguyor na pako,  tan iyakar na saray mamatatken ed satan a syudad imay kilaw a baka diad lawak* a panaagusan na danum, ya agni itan adalusan odino ataneman na bini, tan nepeg dan pakgeran so kilaw a baka ed satan a lawak.+  “Tan onasingger iray saserdote, saray Levita, ta sikara so pinili nen Jehova a Dios yo pian manlingkor ed sikato,+ pian mangibalikas na saray panamendisyon ed ngaran nen Jehova.+ Ipaamta ra no panon a resolbien so kada suppiatan a walay agawan inkaruksa.+  Insan amin a mamatatken ed samay syudad a sankaasinggeran ed bangkay et manuras na lima ra+ ed tapew na kilaw a bakan pinakgeran ed lawak,  tan iyabawag da, ‘Aliwan saray lima mi so amaagus ed sayan dala, tan agmi met anengneng so impamaagus ed satan.  Agmo iya itetetel ed saray totoom ya Israel a dinondon mo,+ O Jehova, tan agmo abuloyan a mansiansia ed totoom ya Israel so kasalanan diad impamaagus ed dala na andiay kasalanan.’+ Diad satan et agnitetel ed sikara so pankasalanan ed dala.  No gawaen yo itan et naekal ed sikayo so kasalanan diad impamaagus ed dala na andiay kasalanan, diad panggawa na duga ed pakanengneng nen Jehova. 10  “No miguerra kad saray kalaban mo tan tinalo ira nen Jehova a Dios mo parad sika tan inerel mo ra,+ 11  tan akanengneng ka na sakey a magangganan bii ed saray narel, tan agustoan mo tan labay mon asawaen, 12  sikatoy nayarim ya awiten ed abung mo. Insan nepeg ton kiskisan so ulo to, mankuko, 13  tan ekalen to so kawes to bilang sakey a narel, tan manayam ed abung mo. Nangisan to so ama tan ina to ed loob na sakey bulan,+ tan kayari na satan et sikatoy nayarim lan akdolan; magmaliw kayo lan sanasawa. 14  Balet no agka naliketan ed sikato, sikatoy paonlam+ ed inerman a labay to.* Balet sikatoy agmo nayarin ilako pian pankuartaan mo odino maltratoen mo, ta sikatoy pinabanday mo. 15  “No say sakey a laki et duaray asawa to, tan mas inaro to imay sakey,* tan pareho ran walaay anak a laki ed sikato, tan say panguloan et anak na samay agnaaaro,+ 16  diad agew a pangiter to na tawir ed saray ananak to, agto nayarin ipasen a panguloan so anak na samay aaroen, a kasalat na anak na samay agnaaaro, say panguloan. 17  Nepeg ton bidbiren a panguloan so anak na samay agnaaaro diad pangiter to na doblin apag ed amin a kayarian to, ta sikato so gapoan na pakayari ton manilalak. Sikato so walaay kanepegan na inkapanguloan.+ 18  “No say sakey a too et walaay anak a benger tan rebelyoso, tan agto unoren so ama odino ina to,+ tan sikatoy sinali da lan ipetek balet agto ra dengelen,+ 19  sikatoy bembenan na ama tan ina to tan iyakar da ed saray mamatatken a walad puerta na syudad a kawalaan to 20  tan ibaga rad saray mamatatken ed syudad a kawalaan to, ‘Sayan anak mi et benger tan rebelyoso, tan agto kami unoren. Sikatoy masiba+ tan buanges.’+ 21  Diad satan et sikatoy nepeg a tupaken na amin a lalaki ed syudad to anggad sikatoy ompatey. Kanian ekal yo so mauges ed limog yo, tan narengelan itan na interon Israel tan ontakot ira.+ 22  “No walay toon nankasalanan a makanepegan na dusan ipapatey, tan sikatoy pinatey+ tan imbitay mo ed sakey a poste,+ 23  agnepeg a mansiansia ed poste so bangkay to a sanlabi.+ Imbes, sikatoy iponpon mo ed saman lanlamang ya agew, ta samay imbitay et insamba na Dios,+ tan agmo nepeg a dutakan so dalin ya iter ed sika nen Jehova a Dios mo bilang sakey a tawir.+

Paimanod leksab

Odino “kulos.”
Odino “sikatoy paonlam unong ed kamarerwa to.”
Literal, “duaray asawa to, say sakey et naaaro tan say sakey et bubusolen.”