Ezai 8:1-22
8 Zoova seli min kɛ: “Fa yɔbuɛ paplapa+ dan kun naan fa like nga titi’n be fa klɛ fluwa’n,* naan klɛ su kɛ: ‘Maɛ-Salali-Asi-Bazi.’*
2 N klo kɛ lalofuɛ nanwlɛfuɛ wie’m be klɛ i kɛ,* i nun mɔ bé klɛ́ ndɛ sɔ’n be wunnin nun. Be yɛle Ɲanmiɛn ɲrun jranfuɛ Iri,+ ɔ nin Zeberekia i wa Zakari.”
3 I sin’n, e nin Ɲanmiɛn nuan ijɔfuɛ bla’n* e sili sua,* ɔ wunnzɛli yɛ ɔ wuli ba yasua kun.+ Kpɛkun Zoova seli min kɛ: “Flɛ i kɛ Maɛ-Salali-Asi-Bazi.
4 Afin kwlaa naan ba yasua kan’n w’a kwla se kɛ ‘Baba!’ annzɛ ‘Manmin’n!’ bé wá fá Damasi lɔ ninnge kpakpa mun, ɔ nin Samari lɔ ninnge mun bé kɔ́ Asiri famiɛn’n+ i ɲrun lɔ.”
5 Zoova kannin ndɛ kleli min ekun:
6 “Nvle nga i nunfuɛ’m be kpaloli Siloa* nzue m’ɔ sonji blɛblɛblɛ’n,+kpɛkun Rezɛn nin Remalia+ i wa’n ti’n be dili aklunjɔɛ.
7 I sɔ’n ti’n, Zoova wá yó maanNzue Ba* mɔ i nun nzue’n sɔnnin’n, m’ɔ sonji kekle’n ɔ́ bá be su,yɛle kɛ Asiri famiɛn’n,+ ɔ nin i aɲrunɲan’n i kwlaa.Ɔ́ yí dan kpa,ɔ́ yí trɛ́ i cenje’n kwlaa su.
8 Yɛ ɔ́ káta Zida mɛn’n su.Ɔ́ yí lele ɔ́ dí lika’n, ɔ́ jú be kɔmin nun.+Ee! Emaniɛli,*+ɔ́ wá trɛ́ i ndɛwa’n nun ɔ mɛn wunmuan’n su kɛ anunman wie sa.”
9 Nvlenvle mun, maan amun yo be like yaya, sanngɛ bé wá títí amun nun.Amun kwlaa nga amun o asiɛ’n i lika mmuammua’m be nun’n, amun sie amun su tie!Amun siesie amun wun, amun ko kun alɛ,* sanngɛ bé títí amun nun!+Amun siesie amun wun, amun ko kun alɛ, sanngɛ bé títí amun nun!
10 Maan an bu like nga amun waan amún yó’n i akunndan be sie, sanngɛ ɔ su yoman ye!Amun kan ndɛ nga amun klo’n, sanngɛ ɔ su kpɛnman su,afin Ɲanmiɛn nin e o nun!*+
11 Zoova i sa mɔ wunmiɛn o nun’n ɔ o min su. Ɔ maan ndɛ ng’ɔ kan kle min naan m’an faman nvle nga i nunfuɛ’m be atin liɛ’n su’n yɛ:
12 “Like nga nvle nga i nunfuɛ’m be bu i kɛ ɔ ti sran wun cicilɛ’n, nán amun bu i sɔ wie.Nán amun sro like nga be sro i’n,nán maan like sɔ’n ti’n, amun usu.
13 Zoova m’ɔ ti sonja’m be su kpɛn’n, i kunngba cɛ yɛ ɔ fata kɛ ɔ yo sanwun amun ɲrun-ɔn,+i kunngba cɛ yɛ ɔ fata kɛ amun sro i-ɔ,yɛ i kunngba cɛ yɛ ɔ fata kɛ amun usu i ɲrun-ɔn.”+
14 Ɔ́ wá yó kɛ Ɲanmiɛn i sua sa,sanngɛ ɔ́ wá yó kɛ yɔbuɛ kun mɔ be ja kpla su’n sa,yɛ ɔ́ yó kɛ yɔbuɛ m’ɔ yi sran ase’n sa,+ɔ́ yó sɔ Izraɛli i awlo nɲɔn’n be ɲrun.Ɔ́ yó kɛ tɛ* nin aya saZerizalɛmunfuɛ’m be ɲrun.
15 Be nun sunman be ja kplá, bé tɔ́ yɛ like yaya yó be.Bé tɔ́ aya nun yɛ bé trá be.
16 Ɲɔnɲɔn fluwa nga lalofuɛ’m be klɛli’n,fa nzɔliɛ like sie mmla’n* su min sɔnnzɔnfuɛ’m be afiɛn!
17 Ń mínndɛ Zoova*+ m’ɔ fɛli i ɲrun’n fiali Zakɔbu i awlo’n i wun’n titi,+ yɛ ń fá min wla’n ń gúɛ i su.
18 Amun nian! Min nin ba nga Zoova fali be mannin min’n,+ e ti nzɔliɛ like,+ e ti Zoova m’ɔ ti sonja’m be su kpɛn’n, m’ɔ tran Siɔn Oka’n su’n i abonuan like Izraɛli nvle’n nun.
19 ?Sɛ be se amun kɛ: “Amun usa be nga be waan be nin be nga be wuli’n be ijɔ’n, annzɛ wunnzue yifuɛ mɔ be ijɔ be konviabo mɔ be tu aswre’n be sa’n,” amún yó sɔ? Nvle kun usɛ i Ɲanmiɛn liɛ’n i sa. ?Nɛ́n i-ɔ? ?Ɔ fata kɛ ɔ usa be nga b’a wu’n be sa ɔ man be mɔ be ɲin te o su’n?+
20 Ɔ fata kɛ be nian mmla’n, ɔ nin ndɛ nga lalofuɛ’m be klɛli’n nun.
Kɛ be ndɛ nga be kan’n, ɔ nin ndɛ sɔ’n be kɔman likawlɛ’n lika’n kpajaman.*+
21 Kɛ be tinuntinun bé sín nvle’n nun’n, be wla bó be wun yɛ awe kún be.+ Awe m’ɔ́ kún be’n ti’n, bé bó be famiɛn’n i sannzan, bé nían nglo lɔ bé bó be Ɲanmiɛn’n i sannzan.
22 I sin’n, bé nían asiɛ’n kpɛkun bé wún kɛ lika’n ti awlabɔɛ ngunmin, ɔ lu tuun, ɔ ti aosin nin afɛ, ɔ lu tritritri, ɔ kpajaman.
Ja ngua lɔ ndɛ mun
^ Atrɛkpa’n i bo’n yɛ: “Kɔ alɛ kunlɛ nun ninnge’m be wun lɔ ndɛndɛ, bla ndɛndɛ wa fɛn be bo ninnge mun.”
^ Ebr., “klɔ sran’m be fluwa klɛlɛ like’n.”
^ Annzɛ “be di lalo kɛ.”
^ Yɛle kɛ, Ezai i yi’n.
^ Ebr., “n fali min wun n mɛntɛnnin i.”
^ Siloa’n ɔ ti nzue sonjiwlɛ kun.
^ Yɛle kɛ, Efrati.
^ Annzɛ “amun ci amun bo.”
^ Kɛ be se kɛ “Ɲanmiɛn nin e o nun’n,” Ebre nun’n yɛle “Emaniɛli.” Nian Eza 7:14 nin Eza 8:8.
^ Annzɛ “lala.”
^ Annzɛ “afɔtuɛ’n.”
^ Annzɛ “Ń mínndɛ i kpa.”
^ Ebr., “lika’n titiman.”
