Ezai 44:1-28
44 “Ee, min sufuɛ Zakɔbu, sie ɔ su tie,ee Izraɛli, wɔ mɔ n kpali wɔ’n+ sie ɔ su tie.
2 Ndɛ nga Zoova,m’ɔ ti ɔ Yifuɛ’n, m’ɔ boli wɔ’n,+mɔ i nun mɔ a te o ɔ nin i ku sɛ nun’n* ɔ ukali wɔ’n, ɔ kan’n yɛ:‘Min sufuɛ Zakɔbu, nán srɛ kun wɔ,+yɛ Zesurunun,*+ wɔ mɔ n fali wɔ’n nán srɛ kun wɔ.
3 Afin ń má fá nzue ń gúa asiɛ kee’n* su,+yɛ ń yó maan nzue ba’m bé sónji asiɛ kee’n su,ń má fá min wawɛ’n ń mán ɔ osu’n nunfuɛ mun,+yɛ ń yrá ɔ mma’m be su.
4 Yɛ bé fífí kɛ be o ijre’m be afiɛn sa,+bé fífí kɛ peplie mɔ be o nzue ba’m be nuan’n sa.
5 Sran kun wá sé kɛ: “N ti Zoova liɛ.”+Yɛ kun wá fá Zakɔbu i dunman’n tɔ́n i wun,yɛ kun ekun wá klɛ́ i sa klun kɛ: “N ti Zoova liɛ.”Kpɛkun ɔ́ wá fá Izraɛli dunman’n ɔ́ fá síe i su.’
6 Ndɛ nga Zoovam’ɔ ti Izraɛli Famiɛn’n+ nin i Ti Kpɔfuɛ’n,+ Zoova m’ɔ ti sonja’m be su kpɛn’n ɔ kan’n yɛ:‘Min yɛ n ti klikli’n nin kasiɛn’n niɔn.+Sɛ w’a yoman kɛ min sa’n, Ɲanmiɛn uflɛ finunman lɛ.+
7 ?Wan yɛ ɔ ti kɛ min sa-ɔ?+Maan ɔ kpan naan ɔ kan, naan ɔ yiyi nun kle min!+Maan be kan sa nga béwá jú’n,ɔ nin sa nga i sin’n, bé wá bá’n be ndɛ,kɛ nga laa mɔ n takali nvle’n, n fa yoli’n sa.
8 Nán maan srɛ kun amun,nán maan srɛ ti’n amun sa sin bubu amun.+?M’an boman sa sɔ’n su m’an kleman amun tinuntinun ka naan b’a ju? ?M’an kɛnmɛn i ndɛ?Amun ti min lalofuɛ.+?Sɛ w’a yoman kɛ min sa’n, Ɲanmiɛn uflɛ o lɛ?Cɛcɛ, Yɔbuɛ uflɛ nunman lɛ.+ N siman wie fi.’”
9 Be kwlaa nga be sɛ amuin mun’n, be timan like fi,yɛ be ninnge mɔ be klo be kpa’n be su yoman likefi ye.+Be ti lalofuɛ mɔ be* wunman ase-ɔ, yɛ be siman like fi.+Ɔ maan be nga be yo be’n bé wá wún ɲannzuɛn.+
10 ?Wan yɛ ɔ́ kó yó amuin kun annzɛ ɔ́ kló blalɛ yó nzɔliɛ like kunm’ɔ kwlá yoman like fi ye’n niɔn?+
11 Amun nian! Be kwlaa nga be nin i yo ninnge mun likawlɛ’n bé wún ɲannzuɛn!+Ajuin difuɛ’m be ti klɔ sran ngbɛn.Maan be kwlaa be yia likawlɛ yɛ be jranjran.Srɛ dan kpa wá kún be, yɛ be kwlaa bé wún ɲannzuɛn.
12 Blalɛ bofuɛ’n ɔ fɛ i junman dilɛ like’n ɔ fa di blalɛ’n i wun junman sɛnmlɛn’n su.ɔ fa maato bobo su,ɔ fɛ i sa mɔ wunmiɛn o nun’n ɔ fa di i wun junman.+Awe kun i, yɛ i wunmiɛn’n wie,ɔ nɔnman nzue, ɔ maan ɔ fɛ.
13 Waka sɛfuɛ’n ɔ tinngɛ like sunnzunlɛ ɲanman’n nun, ɔ fa laklɛ ɔkwlɛ fa jaja i wafa’n,ɔ fa like kpitɛ i wun, yɛ ɔ fa like ti pienbie kun sie i nzɔliɛ,ɔ yi i kɛ klɔ sran sa,+ɔ yo i klanman kɛ klɔ sran sanaan ɔ́ fá tɛ́kɛ i sua*kun nun.+
14 Sran kun o lɛ’n i junman liɛ’n yɛle sɛdri waka kpɛlɛ,ɔ fɛ i ɲin sie i waka wafa kun su trele, sɛnin waka kun,ɔ yaci i lɛ naan ɔ yo dan bo’n nun waka’m be afiɛn.+Ɔ ta lorie waka kun, nzue’n tɔ su, yɛ ɔ ɲin.
15 I sin’n, ɔ kaci yie, yɛ sran’m be fa trɔ sin,ɔ fa wie yo i wun yrɛyrɛ,ɔ trɔ wie fa tɔn kpanwun,sanngɛ ɔ fa wie kusu yi amuin, yɛ ɔ sɔ i.Ɔ fa sɛ amuin, yɛ ɔkoto i bo.+
16 Ɔ fɛ i bue trɔ sin,ɔ fɛ i bue sɔ’n ɲintɔn nnɛn ng’ɔ́ wá dí’n, yɛ i ku yi.Asa kusu’n ɔ yo i wun yrɛyrɛ yɛ ɔ se kɛ:“Ɛn-ɛɛn! Kɛ ń yó min wun yrɛyrɛ’n, nn ń nían sin’n.”
17 Sanngɛ ɔ fɛ i onga’n fa yo amuin kun, ɔ fa sɛ amuin.Ɔ koto i bo, yɛ ɔ sɔ i.Ɔ srɛ i, yɛ ɔ se i kɛ:“De min, afin a ti min ɲanmiɛn.”+
18 Be timan like fi, yɛ be wunman like fi wlɛ,+afin be ɲinma’m be ti katawa, yɛ be kwlá wunman ase,be* siman ngwlɛlɛ.
19 Be nun wie fi buman akunndan,be nun wie fi siman sa, be nun wie fi wunman sa wlɛ naan w’a se kɛ:“N fɛli i bue n trɔli sin,n tɔnnin kpanwun, yɛ n ɲintɔnnin nnɛn nga ń má dí’n sɛnmlɛn’n su.?Ɔ maan sɛ n fɛ i onga’n n yo tete like’n+ ɔ ti su??Ngue ti yɛ ń kó sɔ́ waka losin* kun yɛ?”
20 Nzuɛn’n yɛ ɔ di-ɔ.Be lɛkɛli i awlɛn’n, ɔ maan ɔ fɛ i sieli atin tɛ su,ɔ kwlá ukɛmɛn i bɔbɔ i wun, yɛ ɔ usɛmɛn i wun kɛ:“?Nán ato like li yɛ ɔ o min sa fama’n nun lɛ-ɔ?”
21 “Ee Zakɔbu, yɛ wɔ Izraɛli, maan ɔ wla kpɛn sa sɔ’m be su,afin a ti min sufuɛ.Min yɛ n yili wɔ-ɔ, a ti min sufuɛ.+Ee Izraɛli, min wla sufiman ɔ su.+
22 Ń má yó maan be su wunman ɔ fɔnlɛ mun kun, ɔ́ yó kɛ ɲanmiɛn ble wie w’a kata su sa,+ń má fá ɲanmiɛn ble kpikplikpi kun ń káta ɔ sa tɛ’m be su.Sa ɔ sin min wun, afin ń má kpɔ́ ɔ ti.+
23 Ɲanmiɛn m’ɔ la nglo lɔ plaii’n, kpan aklunjɔɛ kpanlɛ!Afin Zoova w’a yo like kun.Asiɛ’n i bo mmua lɔ lika mun, amun kpan kwlalɛ kpanlɛ.Oka mun, amun kpan aklunjɔɛ su,+bo’n ɔ nin i nun waka’m be kwlaa!Afin Zoova w’a kpɔZakɔbu i ti,yɛ ɔ yi i aɲrunɲan’n i nglo Izraɛli i lika.”+
24 Zoova m’ɔ ti amun Ti Kpɔfuɛ’n,+mɔ kɛ ɔ́ yí wɔ’n, nn a te ɔ nin i ku sɛ nun’n, i ndɛ ng’ɔ kan’n yɛ:“N ti Zoova, min yɛ n yili ninnge’m be kwlaa-ɔ,min yɛ n tinngɛli ɲanmiɛn m’ɔ la nglo lɔ plaii’n nun-ɔn,+yɛ n trɛli asiɛ’n nun.+?Kɛ ɔ́ yó sɔ’n, wan yɛ ɔ nin min o lɛ-ɔ?
25 N yo maan be nga be ijɔ ngbɛnngbɛn’n* be nzɔliɛ ninnge’m be kpi ase,yɛ min yɛ n yo maan wunnzue yifuɛ’m be yo ninnge mun kɛ b’a bo fia sa’n niɔn,+min yɛ n sanngan ngwlɛlɛfuɛ’m be akunndan’n niɔn,yɛ min yɛ n yo maan be sa silɛ’n ɔ kaci sinnzin like’n niɔn.+
26 Min yɛ n yo maan min sufuɛ’n i ndɛ’n ɔkpɛn su-ɔ,yɛ min yɛ n yo maan sran nga n sunman be’n be ndɛ nga be kan’n i kwlaa kpɛn su-ɔ,+min yɛ n kan Zerizalɛmun i ndɛ n se kɛ: ‘Bé wá trán lɔ’n niɔn.’+Yɛ min yɛ n kan Zida klɔ’m be ndɛ se kɛ: ‘Bé wá kplán be uflɛ’n niɔn,+ń má yó maan ɔ́ káci klɔ ekun.’+
27 Min yɛ n se nzue nga be bo ti kploun’m be kɛ: ‘An wie nun-ɔn,yɛ ń yó maan nzue ba’m bé wíe nun.’+
28 Min yɛ n se Sirisi+ kɛ: ‘Ɔ ti min nnɛn kankanfuɛ,yɛ ɔ́ wá yó maan min klun sa’n kwlaa kpɛ́n su’n niɔn.’+Min yɛ n kan Zerizalɛmun ndɛ n se kɛ: ‘Bé wá kplɛ́n i uflɛ’n niɔn,’yɛ n kan min sua’n i ndɛ n se kɛ: ‘Bé wá wlá ɔ bo ase.’”+
