Ezai 53:1-12
53 ?Wan yɛ ɔ lafili ndɛ nga e kannin’n* su-ɔ?+?Wan yɛ Zoova yili i tinmin’n*+ i nglo kleli i-ɔ?+
2 Ɔ́ wá jáso su kɛ waka kan+ wie sa i* ɲrun, kɛ asiɛ kee su waka olui wie sa.Ɔ timan klanman yɛ ɔ leman ɲrun,+kɛ e wun i’n, wafa ng’ɔ ti’n ti’n e faman e wun e mɛntɛnmɛn i.*
3 Be kpɔli i yɛ sran’m be wanndili i,+ɔ ti sran kun mɔ be sieli i kɛ ɔ wun ɲrɛnnɛn-ɔn,* naan ɔ si tukpacɛ’n.Ɔ ti kɛ be fiɛli i ɲrun’n e wun sa.*Be yoli i finfin yɛ y’a bumɛn i like fi.+
4 Nanwlɛ, i bɔbɔ suali e tukpacɛ mun,+yɛ ɔ suali e su afɛ’n.+Sanngɛ e liɛ’n, e buli i kɛ ɔ ti ɲrɛnnɛnfuɛ, e buli i kɛ Ɲanmiɛn w’a fa ɲrɛnnɛn w’a yi i su naan ɔ su wun i ɲrun.
5 Sanngɛ e sa tɛ’n ti’n+ be fitifitili i,+e fɔnlɛ’m be ti’n be kpɔtɔli i.+Ɔ suali fɔ ng’ɔ fata kɛ be fa tu e’n naan e di alaje,+kpɛkun i wun kannin mun be ti’n, e yoli juejue.+
6 E kwlaa e wlanwlannin kɛ bua mun sa,+sran kun ɔli i bɔbɔ i lika liɛ,sanngɛ Zoova fali e kwlaa e fɔnlɛ’n fa guɛli i su.+
7 Kɛ bé klé i ɲrɛnnɛn’n,+ ɔ yacili i wun lɛ, ɔ maan ɔ wunnin i ɲrun,+w’a ukemɛn i nuan.Be fɛ i ɔli kɛ bua sa naan bé kó kún i,+kɛ bua bla mɔ kɛ bé kpɛ́kpɛ́ i ndrɛ’n, ɔ ukemɛn i nuan’n sa’n.Yɛ i kusu w’a ukemɛn i nuan.+
8 Be kleli i ɲrɛnnɛn yɛ be dili i jɔlɛ, i sɔ’n ti’n be fɛ i ɔli.?Wan yɛ ɔ́ wá fɛ́ i ɲin síe i i finwlɛ’n* i su ndɛ tɛkɛtɛkɛ’m be* su-ɔ?Afin be yili i be nga be o nguan nun’n be nun.+Min nvlefuɛ’m be sa tɛ’n ti’n, be yoli i like yaya.*+
9 Kannzɛ bɔbɔ w’a yoman sa tɛ fi’n,*yɛ b’a timan gblɛ ndɛ fi i nuan nun’n,+sanngɛ be mɛnnin i asieliɛ kun klunwifuɛ’m bewun lɛ,+kɛ ɔ wuli’n be sieli i nin aɲanbeunfuɛ mun.+
10 Zoova bɔbɔ yɛ i waan be kpɔtɔ i-ɔ, ɔ yacili i lɛ maan ɔ wunnin ɲrɛnnɛn.Sɛ a fɛ i nguan’n fa yi sa tɛ’n i ti kpatalɛ tɛ’n,+ɔ́ wún i osu’n nunfuɛ mun, ɔ́ úkɛ i cɛn’m be su,+yɛ i dunman nun’n Zoova i klun sa’n ɔ́ kpɛ́n su.+
11 Kɛ ɔ ko wun ɲrɛnnɛn ko wie’n, like ng’ɔ́ wún i’n ti’n i klun wá jɔ́.Min sufuɛ m’ɔ ti sran kpa’n, i sa silɛ’n ti’n,+bé bú sran kpanngban be sran kpa,+yɛ ɔ́ súa be sa tɛ mun.+
12 I sɔ’n ti yɛ ń mɛ́n i like sran kpanngban be afiɛn’n niɔn,yɛ ɔ nin safuɲrɛn’m bé cɛ́cɛ́ alɛ kunlɛ nun ninnge’n nun,afin ɔ fɛli i nguan’n mannin,+kpɛkun be kɛli i wlali sa tɛ yofuɛ’m be nun,+ɔ suali sran kpanngban be sa tɛ’n,+yɛ ɔ kpatali sa tɛ yofuɛ’mbe ti.+
Ja ngua lɔ ndɛ mun
^ Be kwla se ekun kɛ “ndɛ nga e tili’n.”
^ Ebr., “i sa’n.”
^ Ɔ kwla yo sran kwlaa ng’ɔ niɛn i’n, annzɛ ɔ kwla yo Ɲanmiɛn.
^ Annzɛ “ɔ leman like kun m’ɔ ti i liɛ ngunmin mɔ i ti’n, e kwla klo i-ɔ.”
^ Annzɛ “ɔ wun ɲrɛnnɛn’n i wlɛ-ɔ.”
^ Be kwla se ekun kɛ “Ɔ ti sran mɔ be yi be ɲin i su-ɔ.”
^ Ebr., “i blɛ sufuɛ mun.”
^ Annzɛ “i mɛn dilɛ wafa’n.”
^ Annzɛ “be kunnin i.”
^ Annzɛ “w’a yoman nzaje sa fi’n.”
