Ezai 1:1-31
1 Oziasi+ nin Zotamun+ nin Akazi,+ ɔ nin Ezekiasi+ mɔ be yoli Zida famiɛn’n be blɛ su’n, Zida nin Zerizalɛmun be su ndɛ nga Amɔzu i wa Ezai*+ wunnin i aolia nun’n yɛ:+
2 Ɲanmiɛn m’ɔ la nglo lɔ plaii’n, tie. Asiɛ, sieɔ su tie.+Afin Zoova seli kɛ:“N tali ba wie mun, yɛ n kleli be atin,+sanngɛ be jasoli min wun.+
3 Nannin tola’n ɔ si sran ng’ɔ toli i’n,yɛ aflunmun’n ɔ si like nga i min’n sieli i lɛ kɛ ɔ di nun like’n,sanngɛ Izraɛli siman min,*+min bɔbɔ min nvle’n, ɔ nanti kɛ ɔ wunman sa wlɛ sa.”
4 Nvle m’ɔ ti sa tɛ yofuɛ’n,+sran mɔ be sa tɛ yolɛ’n w’a yo dan’n,sran akpasua kun mɔ be klun yo wi’n, ba mɔ b’a saci’n, be yako!Be yacili Zoova,+be yoli Izraɛli Ɲanmiɛn m’ɔ ti sanwun’n i finfin,be kacili be sin sili i.
5 ?Kɛ mɔ amun yaciman ɲin kekle yolɛ’n ti’n, nin yɛ bé fín amun like ekun-ɔn?+Amun ti wunmuan’n yo amun ya,yɛ amun awlɛn wunmuan’n yo amun ya.+
6 Kɛ ɔ fɛ i amun ja bo lele m’ɔ́ fá jú amun ti’n su’n, amun lika wie fi timan kpa.Amun wunnɛn’n w’a kpɛkpɛ, w’a susu, yɛ w’a yo kanninkannin ngunmin.B’a niɛnmɛn i lika,* b’a ciciman su, yɛ b’a luɛluɛmɛn i nin ngo.+
7 Amun mɛn’n w’a tɔ srolo,b’a wɔ amun klɔ’m be nun,aofuɛ’m be saci amun asiɛ’n amun bɔbɔ amun ɲinbo lɛ.+Ɔ ti kɛ asiɛ kun mɔ aofuɛ’m b’a saci i’n sa.+
8 Siɔn i wa bla’n i ngunmin w’a ka kɛ fiawlɛ* kun m’ɔ o viɲin fie kun nun’n sa,w’a ka kɛ kpata kun m’ɔ o kɔnkɔnblu fie kunnun’n sa,w’a ka kɛ klɔ kun mɔ sonja’m b’a sin b’ayiɛ i’n sa.+
9 Sɛ Zoova m’ɔ ti sonja’m be su kpɛn’n w’a yaciman sran wie mun lɛ w’a manman e’n,nn e kacili kɛ Sodɔmun sa,yɛ nn e kacili kɛGomɔru sa.+
10 Sodɔmun+ siefuɛ mun,* amun tie Zoova i ndɛ’n.Gomɔrufuɛ mun,+ an sie amun su be tie e Ɲanmiɛn’n i mmla’n.*
11 Zoova waan: “?Ngue yɛ n ɲɛn i tɛ kpanngban nga amun yi’n i nun-ɔn?+Tɛ nga kɛ bé yí’n be yra nnɛn’n i kɔlikɔli’n mɔ amun fa bua ɲin mun be yi’n,+ ɔ nin amun nnɛn mɔ b’a lo’n be lui mun’n,+ b’a flan min.Nannin gbanflɛn mun,+ nin bua ba mun, ɔ nin boli mun+ be mmoja’n+ ɔ jɔman min klun.
12 ?An ba min ɲrun,+sanngɛ wan yɛ ɔ tuli amun kɛ amun bla min ɲrun wanaan amun nantinanti min awlo’n nun-ɔn?+
13 Nán amun fa ble annzɛ i wunsu like be fa ba kun.Amun ansan’n ɔ yo min tɛ.+Anglo le kun mun,+ nin wunmiɛn-lolɛ-cɛn mun,+ ɔ nin aɲia dandan+ nga amun flɛflɛ sran mun kɛ be yia be yo’n...N kwlá suanman amun aɲia dandan’m be bo, afin amun kunngba’n amunyi atrɛ.+
14 N kpɔ amun anglo le kun mun, ɔ nin cɛn nga amun di be mun.B’a kaci kɛ min ti su trɔ sa.M’an fɛ be sualɛ nun.
15 Kɛ amun trɛ amun sa’n nun’n,n kata min ɲin.+Kannzɛ bɔbɔ amun srɛ min kpɛ sunman’n,+n su tieman,+mmoja’n w’a yi amun sa mun piɛ.+
16 Maan amun wunnzin, amun yo amun wun sanwun,+amun yi sa tɛ yolɛ’n min ɲin bo lɛ.Amun yaci sa tɛ’n i yolɛ.+
17 An suan sa kpa yolɛ’n, an kunndɛ sa nuan su sɛsɛ yolɛ’n,+an tu ɲrɛnnɛn klefuɛ’n i fɔ,an kpli ba m’ɔ lemansi’n* i ti,yɛ an kan angbeti bla’ni ti ndɛ.”+
18 Zoova waan: “Siɛn’n, amun bla maan e siesie e afiɛn.”+“Sɛ amun sa tɛ’m be ti ɔkwlɛ bioun’n,bé fɛ́n fuai kɛ laglasi m’ɔ fin nglo lɔ gua munkɛnmunkɛn’n sa.+Kannzɛ be blo kɛ tannin ɔkwlɛ wie sa’n,bé fɛ́n fuai kɛ bua ndrɛ sa.
19 Sɛ amun klun klo su’n amun ɲin yi min’n,amún dí mɛn’n i nun ninnge kpakpa mun.+
20 Sanngɛ sɛ amun kpalo min ndɛ’n naan amun yo ɲin kekle’n,bé fá tokofi bé núnkun amun,+Zoova yɛ ɔ kan sɔ-ɔ.”
21 Nanwlɛ, klɔ m’ɔ ti nanwlɛfuɛ’n+ w’a kaci tekle bofuɛ!+Ɔ yo sa nuan su sɛsɛ laa.+Sa kpa yolɛ’n trannin lɔ.+Sanngɛ siɛn’n, sran kunfuɛ mun yɛ be tran lɔ-ɔ.+
22 Ɔ sika’n w’a kaci like fiɛn,+b’a gua ɔ biɛli’n* nun nzue.
23 Ɔ sran dandan mun be ɲin su ti kekle, be ti awiefuɛ’m be janvuɛ.+Be kwlaa be klo adi like, yɛ be jran sran’m be wun kɛ be cɛ be like.+Be diman ba m’ɔ leman si’n* i ndɛ’n i klanman.Yɛ be faman be ɲin be sieman angbeti bla’n i ndɛ liɛ’n su.+
24 I sɔ’n ti’n, Zoova m’ɔ ti sonja’m be su kpɛn’n, m’ɔ ti Miɛn kpafuɛ’nmɔ i yɛ ɔ le tinmin Izraɛli mɛn’n nun’n, ɔ se kɛ:“Nian, ń má yí min ɲrun tanndanfuɛ mun min ɲin bo lɛ,yɛ ń má tú min klunngbɔ min kpɔfuɛ’m be su.+
25 Ń má tú wɔ fɔ,*ń má tú ɔ nun fiɛn’n kɛ nga be fa sanmlan be fa tu like nun fiɛn’n sa.Ń má yí ɔ nun fiɛn’n kwlakwla.+
26 Ń má fá ɔ jɔlɛ difuɛ mun ń síe be osu kɛ i bo bolɛ nun’n sa.Yɛ ń fá ɔ afɔtuɛ manfuɛ mun ń síe be osu kɛ i klikli’n nun’n sa.+Kɛ ɔ ko yo sɔ’n, bé wá flɛ́ wɔ Sa Nuan Su Sɛsɛ Yolɛ Klɔ, Klɔ Nanwlɛfuɛ.+
27 Bé fá sa nuan su sɛsɛ yolɛ’n bé kpɔ́ Siɔn i ti,+yɛ i sran nga bé sá be sin’n, bé fá sa kpa yolɛ’n bé kpɔ́ be ti.
28 Bé wá núnkun ɲin keklefuɛ mun, ɔ nin sa tɛ yofuɛ mun likawlɛ,+yɛ be nga be kaci be sin si Zoova’n, bé núnnún mlɔnmlɔn.+
29 Waka dandan nga amun ɲin bloli be wun’n be ti’n, ɲannzuɛn kún sran mun,+yɛ fie nga amun fali be’n be ti’n, amun ɲin gúa ase.*+
30 Afin amún wá káci kɛ waka dan kun mɔ i nɲa’m b’a glɔ’n sa,+yɛ amún wá káci kɛ fie kun mɔ nzue nunman nun’n sa.
31 Sran ng’ɔ le wunmiɛn’n ɔ́yó kɛ ɲanman futrɛfutrɛ wie sa,*I junman’n ɔ́ káci kɛ sin m’ɔ tɛtɛ kɔ nglo’n sa.Be nɲɔn’n bé yrá likawlɛ,sran fi su nuanman be.”
Ja ngua lɔ ndɛ mun
^ I bo’n yɛ: “Zoova i Sran Delɛ’n.”
^ Annzɛ “simɛn i min’n.”
^ Ebr., “B’a miɛnmiɛnmɛn i.”
^ Annzɛ “kpata.”
^ Ebr., “Sɔdɔmun siefuɛ mɔ be kle sran’m be yalɛ’n.”
^ Annzɛ “like nga e Ɲanmiɛn’n kle’n.”
^ Annzɛ “aika ba’n.”
^ Annzɛ “ble biɛli’n.”
^ Annzɛ “aika ba’n.”
^ Ebr., “Ń má mán min sa’n su ɔ wun.”
^ Ɔ ti weiin kɛ be sɔ waka sɔ mun, yɛ be sɔ amuin fie sɔ’m be nun.
^ Ɔ ti ɲanman kun m’ɔ yra ndɛndɛ-ɔ.
