Ezai 26:1-21
26 Cɛn sɔ’n nun’n, bé tó jue+ nga Zida mɛn’n nun:+“E le klɔ kun mɔ be sisili i wun kpa-ɔ.+Delɛ m’ɔ de i’n, ɔ ti kɛ klɔ’n i wun talɛ’n, ɔ nin i talɛ’n nɲɔn su’n sa.+
2 Amun tike anuan mun+ naan nvle kun mɔ i nunfuɛ’m be yo sa kpa’n be wlu lɔ,naan nvle kun mɔ i nunfuɛ’m be nzuɛn ti kpa’n be wlu lɔ.
3 Á sásá be nga be kisa ɔ su mlɔnmlɔn’n.*Yɛ á mán be fɔundi titi,+afin ɔ su yɛ be fa be wla gua-ɔ.+
4 Amun fa amun wla gua Zoova su tititi,+afin Ya* Zoova yɛ ɔ ti Yɔbuɛ m’ɔ o lɛ tititi’n niɔn.+
5 Afin ɔ kannin be nga be o lika nglonglo’n su’n be ase, klɔ m’ɔ o lika nglonglo’n su’n.Ɔ yi i ase,ɔ yi i asiɛ wun,ɔ fɛ i yi i ndutre’n nun.
6 Bé wá tíɛtíɛ i su,ɲrɛnnɛnfuɛ’n nin sran ng’ɔ leman ɲrun’n bé wátíɛtíɛ i su.”
7 Sran kpa’n i atin’n ti seiin.Kɛ mɔ a yo sa i nuan su sɛsɛ’n ti’n,á wá yó maan sran kpa’n i atin’n yó weiin.
8 Ee, Zoova, jɔlɛ nga a di be’n be atin’n i su yɛ e nanti-ɔ,ɔ maan e wla o ɔ su.Like nga e kunndɛ’n yɛle kɛ e wla kpɛ́n ɔ bɔbɔ nin ɔ dunman’n su.
9 Kɔnguɛ’n, min awlɛn’n kwlaa wo ɔ su,nanwlɛ, n kunndɛ wɔ kpa.+Afin kɛ a di asiɛ’n i jɔlɛ’n,mɛn’n nunfuɛ’m be si like nga be flɛ i sa nuan su sɛsɛ yolɛ’n.+
10 Kannzɛ bɔbɔ be si klunwifuɛ’n i aunnvɔɛ’n,ɔ su suanman sa kpa yolɛ’n.+Kannzɛ bɔbɔ ɔ o seinfuɛ’m be mɛn’n nun’n, ɔ́ yó klunwi sa,+yɛ ɔ su wunman Zoova i dan m’ɔ ti’n.+
11 Ee Zoova, ɔ sa’n i su ti manwa, sanngɛ be wunmɛn i.+Bé wá wún kɛ ɔ nvlefuɛ’m be ndɛ ti ɔ cinnjin, yɛ ɲannzuɛn kún be.Sin ng’ɔ ti ɔ kpɔfuɛ’m be liɛ’n, ɔ́ wá yrá be.
12 Ee Zoova, á wá mán e fɔundi,+afin like kwlaa nga e yoli’n,wɔ yɛ a yo mannin e-ɔ.
13 Ee Zoova, e Ɲanmiɛn, siefuɛ uflɛ wie’m be sieli e ukali ɔ su,+sanngɛ ɔ dunman’n i ngunmin yɛ é bó-ɔ.+
14 Be wuli, be su tranman nguan nun kun.Be wuli, be kwlaman sa fi yo kun, yɛ be su jasoman.+Afin a fali ɔ ɲin sieli be su,a nunnunnin be, yɛ a nunnunnin be osu mlɔnmlɔn.
15 Ee Zoova, a yoli maan nvle’n yoli dan,a yoli maan nvle’n yoli dan.A yoli maan a ɲannin ɲrun.+A suli mɛn’n i awɛ’m be kwlaa be siɛn ɔlimmua kpa.+
16 Ee Zoova, ɲrɛnnɛn blɛ’n nun’n be kpɛli be ɲin ɔ wun lɔ.Kɛ a tuli be fɔ’n, be tuli be klun be srɛli wɔ be konviabo lɔ.+
17 Ee Zoova, ɔ dunman nun ti’n, y’a yo kɛbla wunnzɛfuɛ m’ɔ su wa wu ba’n sa,mɔ ba wulɛ aklunya w’a tɔ i su, m’ɔ su kpan’n sa.
18 E wunnzɛli, ba wulɛ aklunya tɔli e su,sanngɛ ɔ ti kɛ aunmuan yɛ e wuli i sa.Y’a deman mɛn’n,yɛ sran fi w’a wuman ba naan w’a tran mɛn’n nun.
19 “Ɔ sran nga be wuli’n bé ɲán nguan.Min fuɛn mun* bé jáso.+Amun mɔ amun o ndutre’n nun’n,+amun jaso, yɛ amun kpan aklunjɔɛ kpanlɛ!Afin ɔ bɔlɛ’n ti kɛ nglɛmun nun bɔlɛ’n sa,*yɛ asiɛ’n wá yó maan be nga be wuli mɔ be kwlaman sa fi yo kun’n, bé sá be sin nguan nun ekun.*
20 Min nvlefuɛ mun, amun wɔ, amun wlu amun sua ba’m be nun,yɛ amun to amun sin anuan.+Amun fia lɔ kanlele maan ya dan’n sin.+
21 Afin an nian! Zoova fin i lika’n nun lɔ su ba,naan ɔ́ wá úsa be nga be tran mɛn’n nun’n be fɔnlɛ’n i su sa,mɛn’n wá kán mmoja nga be guɛli i ase i nun’n i ndɛ,yɛ ɔ su fiaman i sran nga be kunnin be’n be kun.”
