Ezai 25:1-12
25 Ee Zoova, a ti min Ɲanmiɛn,n yi wɔ ayɛ, n manman wɔ dunman’n,afin a yoli abonuan sa mun.+Kɛ ɔ fɛ i laa lele’n yɛ a sunnzunnin kɛ á yó sa sɔ mun-ɔn,+a yoli be be nuan su sɛsɛ,+ a yoli be nanwlɛ su.
2 Afin a yoli maan klɔ kun kacili yɔbuɛ kwle,klɔ kun mɔ be sisili i wun’n, ɔ kacili yɔbuɛ kwle lika.Aofuɛ sua fleiin’n ɔ su yoman klɔ kun,be su kplɛnmɛn i uflɛ kun le.
3 I sɔ’n ti’n, nvle kun m’ɔ le wunmiɛn kpa’n, ɔ́ mánmán wɔ,nvlenvle mɔ be kle sran’m be ɲrɛnnɛn’n, be klɔ’n ɔ́ sró wɔ,+
4 Afin w’a kaci sran m’ɔ leman ɲrun’n i fiawlɛ,w’a kaci yalɛfuɛ’n i fiawlɛ i ɲrɛnnɛn blɛ’n nun,+w’a yo fiawlɛ kun mɔ kɛ nzue dan’n tɔ́’n be fiɛ i bo’n,yɛ w’a yo fɔnvɔ kun mɔ kɛ wia’n bó dan’n, be fiɛ i bo’n.+Kɛ siefuɛ mɔ be kle sran’m be ɲrɛnnɛn’n be aunmuan’n ɔ yo kɛ nzue dan m’ɔ fin talɛ’n sa’n,
5 m’ɔ yo kɛ wia m’ɔ bo asiɛ kee kun su sa’n,a yo maan aofuɛ’m be kpanlɛ woo’n, ɔ wie.Kɛ nga Ɲanmiɛn ble’n i fɔnvɔ’n ɔ yo maan wia’n i bolɛ fiaan’n ɔ kan ase’n sa’n,siefuɛ mɔ be kle sran’m be ɲrɛnnɛn’n be jue tolɛ’n ɔ́ wíe.
6 Oka+ sɔ’n su’n, Zoova m’ɔ ti sonja’m be su kpɛn’n, ɔ́ wá yó maan nvlenvle’m be kwlaa,bé yía bé dí aliɛ kpakpa mun,+bé yía bé nɔ́n duvɛn kpakpa mun,bé dí aliɛ kpakpa mɔ owie nun lui o nun’n,bé nɔ́n duvɛn kpakpa mɔ be kpukpuli’n.
7 Oka sɔ’n su’n, ɔ́ wá yí tannin ng’ɔ kata nvlenvle’m be nunfuɛ’m be kwlaa be su’n,yɛ ɔ́ yí kondro mɔ be wuli m’ɔ kata nvlenvle’m be kwlaa be su’n.
8 Ɔ́ núnnún wie’n* mlɔnmlɔnmlɔn,+e Min Zoova m’ɔ Sie Like Kwlakwla’n, ɔ́ wá núnnún sran’m be kwlaa be ɲinmuɛn’n.+Ɔ́ wá yó maan i sran’m be su wunman ɲannzuɛn kun asiɛ wunmuan’n su,afin Zoova bɔbɔ yɛ ɔ kannin sɔ-ɔ.
9 Cɛn sɔ’n nun’n, bé wá sé kɛ:“Amun nian! EƝanmiɛn’n yɛ!+E fali e wla e guɛli i su,+yɛ ɔ́ wá dé e.+Zoova-ɔ!E fali e wla e guɛli i su,maan e klun jɔ, yɛ e di aklunjɔɛ afin ɔ de e.”+
10 Afin Zoova i sa’n ɔ́ tránoka sɔ’n su,+yɛ bé wá tíatía Moabu su i lika’n nun lɛ’n,+kɛ ijre m’ɔ gua nnɛn sewie su mɔ be tiatia su’n sa.
11 Ɔ́ wá tínngɛtínngɛ i sa’m be nunkɛ nga kɛ nzue wɛfuɛ’n wɛ́ nzue’n ɔ tinngɛtinngɛ i sa’m be nun’n sa.Yɛ ɔ́ wá fɛ́ i sa m’ɔ si nun tinngɛtinngɛ kpa’nɔ́ fá kɛ́n i* wun tulɛ’n+ i ase.
12 Ɔ́ wá búbúklɔ mɔ be sisili i wun’n, ɔ nin i* wun talɛ nglonglo mɔ be sɛsɛ i’n,*ɔ́ wá yí i ase, ɔ́ yí i ndutre’n nun.
