Ezai 46:1-13
46 Bɛli w’a klu,+ Nebo kusu w’a cia.B’a fa be amuin mun b’a sie i nnɛn’m be su, b’a fa be b’a sie nnɛn mɔ be sua trɔ’n be su,+be ti kɛ trɔ m’ɔ tin nnɛn mɔ b’a fɛ’n be su’n sa.
2 Be nɲɔn’n b’a cia, yɛ b’a klu,be kwlá deman trɔ mun,be bɔbɔ* be su ko yo kanga.
3 “Ee, Zakɔbu i awlo, ɔ nin Izraɛli i awlo’n nunfuɛ mɔ amun kali lɛ’n amun kwlaa,+amun mɔ kɛ be wuli amun lele’n, n suannin amun bo’n, mɔ i nun mɔ amun te o amun nin i ku sɛ’n nun’n n suali amun’n,+ amun sie amun su min nuan bo.
4 Lele mɔ amún fá yó oke’n, n su kaciman.+Lele mɔ amun ti fá bó je’n, ń súan amun bo titi.Kɛ nga n fa yoli’n sa’n, ń súa amun, ń súan amun bo, yɛ ń dé amun.+
5 ?Wan yɛ amun kwla se kɛ e nin i e ti kun-ɔn, annzɛ e nin i e sɛ-ɔ, annzɛ amun kwla fa min sunnzun i+mɔ amun kwla se kɛ e nin i e fa e wun-ɔn?+
6 Sran wie’m be o lɛ’n, be yi sika ɔkwlɛ kpanngban be bɔlɛ’n nun fite.Be sunnzun sika’n toe su.Be tua blalɛ bofuɛ kun i kalɛ naan ɔ fa yo amuin.+Kpɛkun be koto i bo,be sɔ i.+
7 Be man su bo be wati.+Be suɛ i ko sie i kan ɔ fata kɛ be sie i lɛ’n, kpɛkun ɔ ka lɛ.Ɔ tumɛn i bo i osu’n nun.+Be kpan flɛ i kɛ ɔ de be, sanngɛ ɔ tɛman su.Ɔ kwlá deman sran fi ɲrɛnnɛn nun.+
8 Maan amun wla kpɛn su, yɛ an jran kekle.Sa tɛ yofuɛ mun, amun bu i akunndan kpa.
9 Maan amun wla kpɛn laa sa’m* be su,maan amun wla kpɛn su kɛ n ti Ɲanmiɛn, uflɛ fi nunman lɛ.N ti Ɲanmiɛn, yɛ sran fi timan kɛ min sa.+
10 N dun mmua n bo sa ng’ɔ́ wá jú’n su lele naan w’a ju,kɛ ɔ fɛ i laa lele’n, n dun mmua n bo sa nga be nin-a juman’n be su.+N se kɛ: ‘Like kwlaa nga n sunnzun’n* ɔ́ kpɛ́n su,+yɛ like kwlaa nga n klo kɛ ń yó’n, ń yó.’+
11 N flɛ anunman kun m’ɔ di nnɛn’n wia afiliɛ lɔ,+n flɛ sran kun nvle kun m’ɔ o mmua kpa’n nun naan ɔ bla wa yo like nga n sunnzunnin’n.+N kannin ndɛ kun, yɛ ń má yó naan ɔ kpɛn su.Like nga n sunnzunnin’n, ń má yó naan ɔ kpɛn su.+
12 Amun mɔ amun ɲin su ti kekle’n,*mɔ amun o sa kpa yolɛ’n i wun mmua’n, amun sie amun su min nuan bo.
13 M’an yo maan min sa nuan su sɛsɛ yolɛ’n w’a mantan koko.Ɔ nunman mmua,blɛ mɔ ń má yó naan sran’m be fite nun’n, ɔ su kaman siɛn.+Ń dé Siɔn, ń fá min aɲrunɲan’n ń mán Izraɛli.”+
