Ezai 45:1-25
45 Zoova kannin ndɛ kleli i sran m’ɔ kpɛli i sieli i ngunmin’n, ɔ kannin ndɛ kleli Sirisi+m’ɔ sɔli i sa fama’n,+naan ɔ́ kwlá nvlenvle mun mɛ́n i’n,+naan ɔ́ dé famiɛn’m be alɛ kunlɛ ninnge mun*mɛ́n i’n,naan ɔ́ tíketíke anuan nga be ti nɲɔnnɲɔn’n ɔ́mɛ́n i’n,naan b’a toman klɔ’m be anuan’m be nun. Ɔ seli kɛ:
2 “Ń má dún mmua ɔ ɲrun,+kpɛkun ń yó naan kpɔlɛ’m be kaci lika kpɛtɛkplɛɛ.Ń búbú anuan mɔ be fali aaba yoli be’n be nun,yɛ ń búbú blalɛ nga be fa jaja anuan’m be sin’n be nun ń gúa be ase.+
3 Ń fá ninnge kpakpa nga be o aosin tuun’n nun’n ń mán wɔ,yɛ ń fá ninnge kpakpa nga be fa be fiali fiawlɛ lika’m be nun’n ń mán wɔ,+i liɛ’n, á wá sí kɛ n ti Zoova,naan n ti Izraɛli Ɲanmiɛn m’ɔ fa ɔ dunman’n flɛ wɔ’n.+
4 Min sufuɛ Zakɔbu, nin Izraɛli mɔ n fɛli i’n ti’n,ń má fá ɔ dunman’n ń flɛ́ wɔ.Kannzɛ bɔbɔ a siman min’n, ń má mán ɔ dunman kun m’ɔ ti dan’n.
5 Min yɛ n ti Zoova’n niɔn, uflɛ fi nunman lɛ.Sɛ w’a yoman kɛ min sa’n, Ɲanmiɛn fi nunman lɛ.+Kannzɛ bɔbɔ a siman min’n, ń má mán wɔ wunmiɛn.
6 Kɛ ɔ ko yo naan sran’m b’a si kɛkɛ ɔ fɛ i wia afiliɛ lɔ lele m’ɔ́ fá jú wia atɔliɛ lɔ’n,sran fi nunman min sin’n ti.+Min yɛ n ti Zoova’n niɔn, uflɛ fi nunman lɛ.+
7 N yi lika m’ɔ kpaja’n,+ yɛ n yi aosin tuun’n,+n yo maan fɔundi’n ba,+ yɛ n yo maan ɲrɛnnɛn’n ba.+N bɔbɔ min Zoova yɛ n yo i kwlaa sɔ’n niɔn.
8 Ɲanmiɛn m’ɔ la nglo lo plaii, yo maan nzue’n tɔ.+Maan sa kpa yolɛ’n ɔ fin ɲanmiɛn ble’n nun lɔ gua kɛ nzue sa.Maan asiɛ’n tɛtɛ naan delɛ’n fin nun fite,yɛ maan sa kpa yolɛ’n fifi nun blɛ kunngba’n nun.+N bɔbɔ min Zoova yɛ n yoli i sɔ-ɔ.”
9 Sran ng’ɔ nin i Yifuɛ’n be si akplowa’n* i yako!Afin ɔ ti kɛ sɛ bue wiem’ɔ o i wiengu sɛ bue mun be nun asiɛ wun’n sa.?Ufa’n ɔ kwla usa sɛ wufuɛ’n* kɛ: “Ngue yɛa su yo-ɔ”?+?Annzɛ like nga a yoli’n, ɔ kwla usa kɛ: “Aleman sa”?*
10 Sran ng’ɔ se siɛ kun kɛ: “?Ngue ba yɛ a wuli i-ɔ?” i sɔfuɛ’n i yako!Yɛ sran ng’ɔ se bla kun kɛ: “?Ngue yɛle nga a su wu i lɛ’n?”* i sɔ sran’n i yako!
11 Zoova, Izraɛli Ɲanmiɛn m’ɔ ti Sanwun’n,+ m’ɔ yili i’n, i ndɛ ng’ɔ kan’n yɛ:“?Amun bu i kɛ amun kwla usa min sa nga bé wá jú e ɲrun lɔ’n be su sa??Yɛ amun bu i kɛ amun kwla kle min like ng’ɔ fata kɛ n yo man min mma mun’n,+ ɔ nin wafa ng’ɔ fata kɛ n yo ninnge mun’n?
12 N yili asiɛ’n,+ yɛ n yili sran’n n sieli su.+N fali min sa’n n tinngɛli ɲanmiɛn m’ɔ la nglo lɔ plaii’n nun,+yɛ n kannin ndɛ n kleli i sonja mun.”+
13 “Kɛ mɔ n yo sa i nuan su sɛsɛ’n ti’n, n fali sran kun n bali,+yɛ n yoli maan i ɲrun atin’n kwlaa yoli weiin.I yɛ ɔ́ wá kplán min klɔ’n niɔn,+kpɛkun i yɛ ɔ́ wá yó maan bé yáci min sran nga be trali be ɔli’n be nun-ɔn,+ ɔ su seman kɛ be mɛn i sika annzɛ adi ninnge.”+ Zoova m’ɔ ti sonja’m be su kpɛn’n yɛ ɔ kan sɔ-ɔ.
14 Ndɛ nga Zoova kan’n yɛ:“Mmlusuɛ* nga Ezipti ɲɛn i’n ɔ nin Etiopi i ninnge ng’ɔ yo be atɛ’n,* nin Sabefuɛ mɔ be ti jajraajra’n,bé wá bá ɔ sin yɛ bé káciɔ liɛ.Bé wá cí be nin jrɔkɔ yɛ bé nánti sú ɔ su.Bé wá bá yɛ bé kóto ɔ bo.+Bé wá sé wɔ aɲinyiɛ su kɛ: ‘E si kɛ Ɲanmiɛn nin wɔ o nun,+yɛ uflɛ fi nunman lɛ, Ɲanmiɛn uflɛ finunman lɛ.’”
15 Ee, Izraɛli Ɲanmiɛn, wɔ mɔ a ti Defuɛ’n,+nanwlɛ, a ti Ɲanmiɛn kun m’ɔ fia-ɔ.
16 Be kwlaa be ɲin wá gúa ase, yɛ ɲannzuɛn kún be.Be nga be yo amuin mun’n be kwlaa bé fá be ɲrun ɲannzuɛn’n bé kɔ́.+
17 Sanngɛ Zoova wá dé Izraɛli, ɔ́ wá dé i mlɔnmlɔnmlɔn.+Be su guaman amun ɲin ase, yɛ amun su wunman ɲannzuɛn le.+
18 Afin ndɛ nga Zoova kan’n yɛ,i m’ɔ yili ɲanmiɛn m’ɔ la nglo lɔ plaii’n,+ Ɲanmiɛn Kpli’n,i m’ɔ yili asiɛ’n, m’ɔ yili i naan ɔ jran cinnjinnjin’n,+mɔ nán ngbɛn ti yɛ ɔ yili i’n,* sanngɛ ɔ yili i kɛ be tran su’n,+ ɔ se kɛ:“Min yɛ n ti Zoova’n niɔn, uflɛ fi nunman lɛ.
19 M’an kanman ndɛ’n fiawlɛ lika kun nun,+ m’an kanman ndɛ’n mɛn tuun kun nun.M’an seman Zakɔbu i osu’n nunfuɛ’m be kɛ:‘Amun kunndɛ min sa ngbɛn.’N ti Zoova, min yɛ n kan ndɛ ng’ɔ ti su’n, ɔ nin ndɛ ng’ɔ ti nanwlɛ’n niɔn.+
20 Amun yia likawlɛ naan amun bla.Amun wunnge wa, amun mɔ amun fin nvlenvle’m be nun fiteli’n.+Be mɔ be sua amuin mɔ be sɛli be’n, be siman like fi,be srɛ amuin kun m’ɔ kwlá deman be’n.+
21 Amun kan amun nuan su ndɛ mun, amun kan amun ndɛ liɛ’n.Amun ko wun amun wun naan amun ti amun wun aniɛn.?Wan yɛ ɔ dun mmua kannin sa sɔ’n i ndɛ lele naan w’a ju’n niɔn??Wan yɛ ɔ kɛnnin i ndɛ lalaa’n niɔn??Nán n bɔbɔ min Zoova-ɔ?Sɛ w’a yoman kɛ min sa’n Ɲanmiɛn uflɛ fi nunman lɛ.N ti Ɲanmiɛn nanwlɛfuɛ nin Defuɛ,+ uflɛ fi nunman min sin.+
22 Asiɛ’n i tiwatiwa’m be kwlaa, maan amun sa amun sin min wun naan amun ɲan amun ti,+afin n ti Ɲanmiɛn, yɛ uflɛ fi nunman lɛ.+
23 N bɔbɔ n tali nda,ndɛ ng’ɔ fin min nuan fiteli’n, ɔ ti su,yɛ ɔ su sɛmɛn i sin:+Sran’m be kwlaa bé wá kóto min bo,sran’m be kwlaa bé wá tá nda kɛ be nin min nánti klanman,+
24 kpɛkun bé sé kɛ: ‘Nanwlɛ, sa nuan su sɛsɛ yolɛ kpafuɛ’n, ɔ nin wunmiɛn’n be fin Zoova.Be kwlaa nga be fɛli i wun ya’n, bé fá be ɲrun ɲannzuɛn’n bé bɛ́ i ɲrun.
25 Zoova dunman nun’n, Izraɛli i osu’n nunfuɛ’m be kwlaa be ndɛ yó fɛ,+yɛ i dunman nun’n, bé dí be nuan.’”
Ja ngua lɔ ndɛ mun
^ Ebr., “naan ɔ́ yí famiɛn’m be bo kplo mun.”
^ Annzɛ “be kan ndɛnngan’n.”
^ Annzɛ “sran ng’ɔ yili i’n.”
^ Be kwla se ekun kɛ “Annzɛ fa’n kwla usa kɛ: ‘?Like nga a yoli’n ɔ leman sa?’”
^ Annzɛ “?Ngue yɛ a su wu i mɔ i ti yɛ a o ɲrɛnnɛn nun-ɔn?”
^ Be kwla se ekun kɛ “Junman difuɛ.”
^ Be kwla se ekun kɛ “aata difuɛ mun.”
^ Be kwla se ekun kɛ “mɔ w’a yimɛn i kɛ ɔ ka lɛ sa ngbɛn’n.”
