Ezai 61:1-11
61 E Min Zoova m’ɔ Sie Like Kwlakwla’n i wawɛ’n wo min su,+afin Zoova kpali min kɛ n bo jasin fɛ’n n kle wun ase kanfuɛ mun.+Ɔ sunmannin min kɛ n ko cici be nga be awlɛn’n w’a kpɔtɔ be klun’n be kannin’m be su,naan n se be nga be trali be ɔli’n be kɛ bé wá ɲán be ti,yɛ n se bisuafuɛ’m be kɛ be ɲinma’m bé wá tíke weiin,+
2 naan n kan afuɛ nga Zoova sí sran’m be aunnvɔɛ’n i ndɛ,yɛ n kan cɛn nga e Ɲanmiɛn’n ɔ́ wá tú i klunngbɔ’n i ndɛ,+naan n fɔnvɔ be kwlaa nga be o sɛ nun’n,+
3 naan n nian be nga be su sun Siɔn’n be lika,naan n fa kle kun n wla be ti naan ɔ sin nzuɛn’n i osu,naan n fa aklunjɔɛ ngo’n n fa kaci sɛ yolɛ’n,naan n fa manmanlɛ tralɛ’n n fa kaci awlabɔɛ’n.Kpɛkun bé wá flɛ́ be kɛ sa nuan su sɛsɛ yolɛ waka dandan mun,bé flɛ́ be kɛ Zoova i fie, kɛ ɔ ko yo naan b’a mɛnmɛn i’n ti.+
4 Bé wá kplán lika mɔ be bubuli w’a cɛ’n be uflɛ.Bé wá kplán laa lika nga be sacili’n,+yɛ bé wá kplán klɔ nga be sacili be’n be uflɛ.+Lika sɔ’m be tɔli srolo w’a cɛ kpa.+
5 “Aofuɛ’m+ bé wá bá, kpɛkun bé nían amun nnɛn’m be lika,aofuɛ’m bé wá káci amun fie difuɛ, yɛ bé yó amun viɲin fie’m be nun junman difuɛ.+
6 Sanngɛ amun liɛ’n, bé wá flɛ́ amun kɛ Zoova i ɲrun jranfuɛ mun.+Bé wá flɛ́ amun kɛ e Ɲanmiɛn’n i junmandifuɛ mun.Amún wá dí nvlenvle’m be ninnge kpakpa mun,+yɛ amún fá be aɲrunɲan’n* dí amun nuan.
7 Min nvlefuɛ’m be su wunman ɲannzuɛn, sanngɛ like nga bé wá ɲɛ́n i’n, bé ɲɛ́n i wunsu sɔ kpɛ nɲɔn.Be ɲin su guaman ase, sanngɛ bé wá kpán aklunjɔɛ kpanlɛ.Nanwlɛ, like nga bé wá ɲɛ́n i’n, bé ɲɛ́n i wunsu sɔ kpɛ nɲɔn be mɛn’n nun lɔ.+Bé wá dí aklunjɔɛ blɛkwlaa nun.+
8 Afin n bɔbɔ min Zoova n klo sa nuan su sɛsɛ yolɛ’n,+n kpɔ awie’n nin sa mɔ be yomɛn i nuan su’n.+Ń má fá be akatua ng’ɔ nin be fata’n ń mán be,kpɛkun e nin be é trá aenguɛ kun m’ɔ́ ká lɛ tititi-ɔ.+
9 Nvlenvle’m bé wá sí be osu’n nunfuɛ mun,+yɛ sran’m bé sí be mma mun.Sran kwlaa ng’ɔ wun be’n ɔ́ wún be wlɛ,ɔ́ wún i wlɛ kɛ be ti osu kun mɔ Zoova yrali be su-ɔ.”+
10 Ń má dí aklunjɔɛ dan Zoova dunman nun.N bɔbɔ wunmuan’n min klun wá jɔ́ min Ɲanmiɛn’n i dunman nun.+Afin ɔ fali delɛ tralɛ mun wlali min wun,+ɔ fali sa nuan su sɛsɛ yolɛ tralɛ tɛnndɛn’n wlalimin wun,kɛ yasua wie m’ɔ su fa atɔnvlɛ, m’ɔ fa tannin tanmue ng’ɔ ti kɛ Ɲanmiɛn ɲrun jranfuɛ’m+ be liɛ’n sa’n ɔ fa ci iti’n sa,kɛ bla wie mɔ be su fɛ i atɔnvlɛ m’ɔ fɛ i wun klanman yolɛ ninnge mun fa wlɛwlɛ i wun’n sa.
11 Kɛ nga asiɛ’n yo maan i su ninnge’m be fifi’n sa’n,yɛ kɛ nga fie klanman’n ɔ yo maan like nga be luɛ i nun’n ɔ fifi’n sa’n,i wafa kunngba’n, e Min Zoova m’ɔ Sie Like Kwlakwla’n,ɔ́ wá yó maan sa nuan su sɛsɛ yolɛ’n,+ nin manmanlɛ’n bé fífí+ nvlenvle’m be kwlaa be ɲrun.
Ja ngua lɔ ndɛ mun
^ Annzɛ “aɲanbeun’n.”
