Mga Proberbios 29:1-27

  • An bata nga ginpabay-an la naghahatag kaarawdan (15)

  • “Kon waray bisyon, an katawohan diri nakukontrol” (18)

  • An masisinahon nag-aaghat hin samok (22)

  • An mapainubsanon nakarawat dungog (23)

  • An kahadlok ha tawo lit-ag (25)

29  An tawo nga nagpapatig-a han iya liog* katapos han damu nga pagsaway+Tigda nga madadaot ngan diri na mag-oopay.+   Kon an magtadong damu, an katawohan nagrarayhak,Pero kon an maraot an nagmamando, an katawohan nangangaraba.+   An tawo nga nahigugma ha kinaadman nagpapalipay ha iya tatay,+Pero an tawo nga nakikig-upod-upod ha mga hostes nagkakarag han iya bahandi.+   Pinaagi han hustisya an usa nga hadi nagpaparig-on han usa nga tuna,+Pero an tawo nga nangangaro hin mga hukip nagdadaot hito.   An tawo nga nag-uulog-ulog ha iya igkasi-tawoNagbibitad hin pukot para ha mga tiil hito nga tawo.+   An pagtalapas han maraot nga tawo nagbibitik ha iya,+Pero an matadong nga tawo nasinggit hin malipayon ngan nagrarayhak.+   An matadong nga tawo nagtatagad han legal nga mga katungod han mga pobre,+Pero an maraot nga tawo waray han sugad nga pagtagad.+   An hambog nga mga tawo nagpapalaga han usa nga bungto,+Pero an mga maaramon nagwawara han kasina.+   Kon an maaramon nga tawo nagpapasaka hin kaso kontra ha lurong,Magkakaada hin pagsinggit ngan pagtamay, kondi waray katagbaw.+ 10  An mga tawo nga uhaw ha dugo nangangalas ha bisan hin-o nga inosente,*+Ngan ira gin-iikaparatay an* matadong.* 11  An lurong nga tawo nagpapagawas han ngatanan niya nga inaabat,*+Pero an maaramon nga tawo kalmado nga nagkukontrol hito.+ 12  Kon an usa nga magmarando naghahatag hin atensyon ha mga buwa,An ngatanan niya nga surugoon magigin maraot.+ 13  An pobre ngan an paratalumpigos may-ada hini nga kaparihoan:* Hi Jehova naghahatag hin kalamrag ha mga mata nira nga duha.* 14  Kon patas an paghukom han usa nga hadi ha mga pobre,+An iya trono pirme magigin marig-on.+ 15  An disiplina* ngan an pagsaway naghahatag hin kinaadman,+Pero an bata nga ginpapabay-an la naghahatag hin kaarawdan ha iya nanay. 16  Kon an magraot nagdadamu, an mga pagtalapas nagdadamu liwat,Pero makikita han magtadong an ira kabungkagan.+ 17  Disiplinaha an imo anak ngan magdadara hiya ha imo hin kapahuwayan;Ngan maghahatag hiya hin daku nga kalipay ha imo.*+ 18  Kon waray bisyon,* an katawohan diri nakukontrol,+Pero malipayon an katawohan nga nasunod han balaud.+ 19  An usa nga surugoon diri matugot nga tadungon hiya pinaagi hin mga pulong,Kay bisan kon nakakasabot hiya, diri hiya nasugot.+ 20  Nakakita ka na ba hin tawo nga nagyayakan nga diri anay naghuhunahuna?+ Mas may paglaom pa an lurong kay ha iya.+ 21  Kon an usa nga surugoon sobra nga ginpapaura tikang ha iya kabata,Magigin bungalos hiya ha urhi. 22  An tawo nga masisinahon nag-aaghat hin samok;+An bisan hin-o nga pungtanon nakakabuhat hin damu nga pagtalapas.+ 23  An kahambog han usa nga tawo magpapahiubos ha iya,+Pero an bisan hin-o nga mapainubsanon an disposisyon makakakarawat hin dungog.+ 24  An kakunsabo han kawatan nangangalas ha iya kalugaringon.* Bangin makabati hiya han panawagan ha pagtestigo,* pero waray hiya iginsusumat.+ 25  An pangurog* ha mga tawo usa nga* lit-ag,+Pero an tawo nga nasarig kan Jehova papanalipdan.+ 26  Damu an naruruyag makigkita ha* usa nga magmarando,Pero tikang kan Jehova an hustisya nga nakakarawat han usa nga tawo.+ 27  An tawo nga diri patas mangil-ad ha magtadong,+Pero an tawo nga matadong an dalan mangil-ad ha maraot nga tawo.+

Mga footnote

O “nagpapabilin nga matig-a an ulo.”
O “waray ikasaway.”
O “ginbibiling an kalag han.”
O posible nga “Pero an matadong nangangalimbasog nga protektaran an iya kinabuhi.”
Lit., “han bug-os niya nga espiritu.”
Lit., “nagtatapo.”
Karuyag sidngon, naghahatag Hiya ha ira hin kinabuhi.
O “sirot.” Lit., “tungkod.”
O “ha imo kalag.”
O “bisyon hin propeta; pahayag tikang ha kahitas-an.”
O “ha iya kalugaringon nga kalag.”
O “hin panumpa may kalabotan ha usa nga panhimaraot.”
O “kahadlok.”
O “nagdadara hin.”
O posible nga “namimiling han pag-uyon han.” Lit., “namimiling han nawong han.”