Mga Proberbios 20:1-30
20 An bino usa nga paratamay,+ an de-alkohol nga irimnon masamok;+An bisan hin-o nga nahisisimang hito diri maaramon.+
2 An pagkamakaharadlok han usa nga hadi pariho han pagngurob hin leon;+An bisan hin-o nga nagpapasina ha iya nagbubutang han iya mismo kinabuhi ha peligro.+
3 Naghahatag hin kadungganan ha usa nga tawo an paglikay ha diskusyon,+Pero an tagsa nga lurong naapi hito.+
4 An hubya nga tawo diri nag-aarado ha kathagkot,Salit makikilimos hiya durante han pangani kay waray hiya bisan ano.*+
5 An mga panhunahuna* han kasingkasing han usa nga tawo pariho hin hilarom nga katubigan,Pero ginsasarok ito han masinabuton nga tawo.
6 Damu an nasiring nga may-ada hira maunungon nga gugma,Pero hin-o an makakaagi hin matinumanon nga tawo?
7 An matadong naglalakat nga may integridad.+
Malipayon an iya mga anak* nga sunod ha iya.+
8 Kon an hadi nalingkod ha trono basi maghukom,+Ginsasarà niya an ngatanan nga karaotan pinaagi han iya mga mata.+
9 Hin-o an makakasiring: “Ginlimpyohan ko na an akon kasingkasing;+Putli na ako tikang ha akon sala”?+
10 An diri tangkod nga mga panimbang ngan an maglimbong nga mga taraksan*
—Pariho ito mangil-ad kan Jehova.+
11 Bisan an usa nga bata nakikilala pinaagi han iya mga gios,Kon putli ba ngan tama an iya paggawi.+
12 An talinga nga nakakabati ngan an mata nga nakakakita—Pariho ito ginhimo ni Jehova.+
13 Ayaw kahilig ha pagkinaturog, kay kon sugad ka hito magigin pobre ka.+
Abrihi an imo mga mata, ngan mabubusog ka hin tinapay.+
14 “Waray ito opay, waray ito opay!” siring han mamaralit;Katapos, nabaya hiya ngan iginhahambog an iya kalugaringon.+
15 May-ada bulawan, damu liwat an korales,*Pero an mga im-im nga may kahibaro amo an presyoso.+
16 Kuhaa an bado han usa nga tawo kon naggarantiya hiya para ha utang han usa nga estranghero;+Agawa ha iya an kolateral kon ginbuhat niya ito para ha dayo nga babaye.*+
17 An tinapay nga nakuha ha panlimbong marasa ha usa nga tawo,Pero katapos hito an iya baba mapupuno hin graba.+
18 Pinaagi han pagkonsultahay,* an mga plano maglalampos,*+Ngan pinaagi han maopay nga sagdon* buhata an imo pakiggirra.+
19 An parapakaraot naglalakat-lakat pagpinanumat han sekreto han iba;+Ayaw pakig-upod-upod ha tawo nga mahilig magtsismis.*
20 An bisan hin-o nga nanhihimaraot ha iya tatay ngan ha iya nanay,An iya lampara mapaparong pag-abot han kasisidman.+
21 An panurundon nga ha tinikangan nakuha pinaagi han kahakogDiri magigin bendisyon ha kataposan.+
22 Ayaw pagsiring: “Mabulos ako hin maraot!”+
Laom kan Jehova,+ ngan tatalwason ka niya.+
23 An diri tangkod nga mga panimbang* mangil-ad kan Jehova,Ngan an malimbong nga timbangan diri maopay.
24 An mga pitad han usa nga tawo ginigiyahan ni Jehova;+Paonan-o masasabtan han usa nga tawo an iya kalugaringon nga dalan?*
25 Usa nga lit-ag ha usa nga tawo an pagguliat, “Baraan!”+ nga diri anay naghuhunahuna,Ngan ha urhi na la maghunahuna mahitungod han iya iginsaad.+
26 An maaramon nga hadi nagsasarà han magraot+Ngan iya hira ginliligis han pan-giok nga kaliding.+
27 An gininhawa han usa nga tawo amo an lampara ni Jehova,Nga nag-uusisa han iya gisusuluri nga pagkatawo.
28 An maunungon nga gugma ngan an pagkamatinumanon nagpapanalipod ha hadi;+Pinaagi han maunungon nga gugma iya ginpaparig-on an iya trono.+
29 An dungog han batan-on nga mga lalaki amo an ira kusog,+Ngan an katahom han lagas nga mga lalaki amo an ira mga uban.+
30 An mga bun-og* ngan mga samad nagkukuha* han karaotan,+Ngan an mga paglatob naglilimpyo han gisusuluri nga pagkatawo.
Mga footnote
^ O posible nga “Mamimiling hiya durante han pangani pero waray hiaagian.”
^ O “mga intensyon.”
^ Lit., “mga anak nga lalaki.”
^ O “An duha nga magkaiba nga bato nga panimbang ngan an duha nga magkaiba nga taraksan.”
^ O “ha usa nga dayo.”
^ O “sagdon.”
^ O “magigin marig-on.”
^ O “maaramon nga giya.”
^ O “nga nagsusulay pinaagi han iya mga im-im.”
^ O “An duha nga magkaiba nga bato nga panimbang.”
^ O “an dalan nga angay laktan?”
^ Ha iba nga lugar, “luom.”
^ O “nagkakagis.”
